iFLICKS தொடர்புக்கு: 8754422764
Breaking News
  • திமுக உயர்மட்ட தலைவர்களுடன் மு.க.ஸ்டாலின் இன்று சந்திப்பு: ஆர்.கே.நகர் வேட்பாளர் தேர்வு குறித்து முக்கிய ஆலோசனை
  • திமுக உயர்மட்ட தலைவர்களுடன் மு.க.ஸ்டாலின் இன்று சந்திப்பு: ஆர்.கே.நகர் வேட்பாளர் தேர்வு குறித்து முக்கிய ஆலோசனை
  • |
சிம்மம்

இன்றைய ராசி பலன்கள்

பணிகளில் ஏற்பட்ட தொய்வு அகலும் நாள். விலை உயர்ந்த பொருட்களை வாங்கி மகிழ்வீர்கள். பிள்ளைகளால் பிரச்சினைகள் ஏற்பட்டு அகலும். உடல் ஆரோக்கியத்தில் அக்கறை தேவை.

வார பலன்கள்

நவம்பர் 19-11-2017 முதல் 25-11-2017 வரை:-

சிம்மத்திற்கு சோதனைகளைத் தந்து வந்த அனைத்து கிரக நிலைமைகளும் மாறி விட்டன. கடந்த சில வாரங்களாக நீசநிலையில் இருந்த உங்கள் ராசிநாதன் சூரியனும் நீசம் விலகி வலிமை பெற்றுவிட்டார். சோம்பலாகி கிடந்த உங்களின் அனைத்து வி‌ஷயங்களும் இனிமேல் சுறுசுறுப்பாக நடைபெற துவங்கும். புதன் வலுப் பெற்று இருப்பதால் கணவன், மனைவி உறவு அனுசரணையாக இருக்கும். குடும்பத்தில் சுபகாரியம் இருக்கும். நீண்ட நாள் நடக்காமல் இழுத்துக்கொண்டு இருந்த வி‌ஷயங்கள் நல்லபடியாக முடிவுக்கு வரும்.

‘வருமானத்தின் முதல் செலவு சேமிப்பாக இருக்கட்டும்’ என்ற பழமொழியை இந்த வாரம் சிம்ம ராசிக்காரர்கள் நினைவுபடுத்திக் கொள்ள வேண்டும். சுக்கிரன் மூன்றில் ஆட்சியாக இருப்பதால் பெண்களால் லாபம் இருக்கும். அம்மாவின் ஆசிர்வாதம் கிடைக்கும். குடும்பத்தில் சுபிட்‌ஷம் நிலவும். பிரிந்தவர்கள் ஒன்று சேர்வார்கள். கணவன், மனைவிக்குள் இதுவரை இருந்து வந்த கருத்து வேற்றுமை மறையும். வியாபாரிகளுக்கு எதிர்பாராத லாபம் உண்டு.

புனிதத் தலங்களுக்கு செல்லும் வாய்ப்பு ஏற்படும். ஷீரடி, மந்திராலயம் போன்ற இன்றும் மகான்கள் வாழ்ந்து நம்மை ஆசிர்வதிக்கும் இடங்களுக்கு சென்று வருவீர்கள். செவ்வாயும் புதனும் பரிவர்த்தனை யோகம் அடைவதால் இந்த வாரம் குறிப்பிட்ட சிலர் வடமாநில பயணங்களும், கடல் தாண்டி செல்லுதலும் இருக்கும். இளைஞர்கள் பெங்களூர், ஐதராபாத், பயணிப்பீர்கள். சிலருக்கு இப்போது இருக்கும் வாகனத்தை விட நல்ல வாகனம் அமையும். வாகன மாற்றம் செய்வீர்கள்.

ஜோதிடக்கலை அரசு ஆதித்ய குருஜி     செல்: 8870 99 8888

தமிழ் மாத ஜோதிடம்

நவம்பர் 17-ம் தேதி முதல் டிசம்பர் 15-ம் தேதி வரை

சிம்மநாதன் சூரியன் கார்த்திகை மாதம் முழுவதும் தனது நண்பரான செவ்வாயின் வீட்டில், தன்னை நண்பராக நினைப்பவரான புதனுடன் இணைந்திருக்கிறார். இது உங்களுக்கு சந்தோஷங்களையும் நன்மைகளையும் தரும் நிலை என்பதால் இந்த மாதம் எதிர்மறை பலன்கள் எதுவும் இல்லாமல் நல்லமாதமாகவே இருக்கும். மேலும் இதுவரை உங்களின் ராசிக்கு இருந்து வந்த கடன் ஸ்தானாதிபதியான சனியின் பார்வை விலகி விட்டதால் இனி சிம்மத்திற்கு சறுக்கல்கள் இல்லாத வாழ்க்கை ஆரம்பிக்கும்.

பிள்ளைகள் விஷயத்தில் மனமகிழ்ச்சியான சுபகாரியங்கள் உண்டு சிலருக்கு குலதெய்வ, இஷ்டதெய்வ தரிசனம் கிடைக்கும். மாணவர்கள் நன்கு படிப்பீர்கள். அரசுத்துறையினருக்கு இந்த மாதம் நல்லபலன்கள் உண்டு. அரசியல்வாதிகள் ஏற்றம் பெறுவார்கள். கோட்சார அமைப்புப்படி யோககாலம் என்பதால் தொழில் விரிவாக்கம், புதிய கிளைகள் ஆரம்பித்தல், புதிய டீலர்ஷிப் எடுத்தல், பணம் முதலீடு செய்தல் போன்ற விஷயங்கள் இப்போது கைகொடுக்கும்.

இளைய பருவத்தினருக்கு திருமணம், வேலை, குழந்தை பாக்கியம் போன்ற நல்ல விஷயங்கள் இருக்கும். இன்னும் சில காலத்திற்கு கிரகநிலைகள் சாதகமாக இருப்பதால் சிம்ம ராசிக்காரர்கள் துணிவுடன் செய்யும் முயற்சிகள் அனைத்தும் வெற்றி பெறும் என்பது உறுதி. எந்த விஷயத்தையும் நேர்மையான முறையில் சந்திப்பது நல்லது. செவ்வாய் குரு வலுப்பெறுவதால் இதுவரை வேலை கிடைக்காமல் இருந்தவர்களுக்கு பொருத்தமான வேலை அமையும். எதிர்பாராத வகையில் வருமானங்கள் இருக்கும்.

ஜோதிடக்கலை அரசு ஆதித்ய குருஜி
செல்: 8870 99 8888

ஆண்டு பலன் - 2017

பிறக்க இருக்கும் புத்தாண்டான 2017-ம் ஆண்டு ஆரம்பத்தில் சிம்மராசிக்கு மந்தமான பலன்களை கொடுத்தாலும், ஆண்டின் பிற்பகுதியில் நல்ல நன்மைகள் நடக்கும் என்பது உறுதி.

பெரும்பாலான சிம்மராசிக்காரர்கள் சென்ற வருடம் பிற்பகுதியில் இருந்து சோதனைகளை அனுபவித்து விட்டீர்கள். உங்கள் ராசிக்கு ஆகாத பகைக்கிரகமான சனிபகவான் கடந்த இரண்டு வருடங்களாக அர்த்தாஷ்டமச் சனியாக நான்காமிடத்தில் அமர்ந்து தனது கொடிய பார்வையால் உங்களின் ராசியைப் பார்த்து உங்களுடைய உடல், மனம், பொருளாதாரம் மூன்றையும் பாதித்து விட்டார்.

தவிர குதிரை கீழே தள்ளி குழியையும் பறித்த கதையாக சென்ற வருடம் ராகுவும் வந்து ராசியில் அமர்ந்தது உங்களை இன்னும் உடல், மற்றும் மனப்பிரச்சினைகளுக்கு உள்ளாக்கி விட்டது.

இரண்டு பெரும் பாவக்கிரகங்கள் ராசியோடு சம்பந்தப்பட்டதால் பெரும்பாலானான சிம்ம ராசிக்காரர்களுக்கு சென்ற வருடம் சோதனையாகவே இருந்து வந்தது. இந்த அமைப்பில் தப்பிப் பிழைத்தது பிறந்த ஜாதக வலுவுள்ள மிகச் சிலர் மட்டும்தான். ராசிக்கு சனிபார்வை, ராசியோடு ராகு-கேதுக்கள் சம்பந்தம் என்பதால் இதுவரை வேலை, தொழில், வியாபாரம் போன்ற ஜீவன அமைப்புகளில் சிம்மத்தினர் சிக்கல்களை எதிர் கொண்டீர்கள். பிறக்க இருக்கின்ற புது வருடம் ஆரம்பம் முதல் பிரச்னைகள் படிப்படியாக தீர துவங்கி வருடத்தின் பிற்பகுதியில் இருந்து அனைத்தும் மாறி மிகவும் நல்ல பலன்களை சந்திப்பீர்கள் என்பது உறுதி.

வருடத்தின் நடுப்பகுதியான ஆகஸ்டு மாதம் 18 ம் நாள் உங்கள் ராசியில் இருக்கும் ராகு விலகப் போவது உங்களுக்கு மிகப்பெரிய திருப்பங்களையும் மாற்றங்களையும் தரும். அதுமுதல் உங்கள் உடல், மனம் இரண்டும் சீரடைவதையும், உங்களைப் பாதித்த பிரச்னைகள் விலகுவதையும் நீங்கள் உணர முடியும். ஒரு மிகப்பெரிய இருட்டு உங்களிடமிருந்து விலகுவதால் உங்கள் உடலும் மனமும் தேஜஸ் எனப்படும் ஒளியை மீண்டும் பெறும்.

வருட மத்தியில் நடக்க இருக்கும் ராகு,கேது பெயர்ச்சியினால் மிகுந்த உற்சாகமும் புத்துணர்ச்சியும் அடையப் பெறுவீர்கள். இதுவரை இருட்டுக்குள் நிற்பதைப் போல உணர்ந்தவர்களுக்கு ஒளியெனும் பாதை கண் முன்னே தெரியும். புது வருடத்தின் இன்னொரு முக்கிய நிகழ்வான சனிப்பெயர்ச்சி அக்டோபர் மாதம் 26 ம் நாள் நடைபெற இருக்கிறது. கடந்த இரண்டு வருடங்களாக சனியினால் அதிக பாதிப்பை அடைந்த ராசிகளில் சிம்மமும் ஒன்று.

சனியினால் வேலை, தொழில், வியாபாரம் போன்றவைகளில் சிக்கல்களைச் சந்தித்தவர்கள் வருடக் கடைசியில் சிக்கல்கள் மெதுமெதுவாகத் தீருவதையும் தொழில் பிரச்னைகள், வருமானக்குறைவு, கடன்தொல்லைகள், போன்றவற்றால் வேதனைகளை அனுபவித்தவர்கள் அவை விலகுவதற்கான வழிமுறைகள் கண்ணுக்கு தெரிவதையும் காண்பீர்கள்.

சுருக்கமாகச் சொல்லப்போனால் கடந்த ஆண்டு இருந்ததைப் போன்ற வேலை விஷய துயரங்கள், பின்னடைவுகள், பொருளாதாரச் சிக்கல்கள், கடன் தொல்லைகள், ஆரோக்கியக் குறைவு போன்றவை எதுவும் இந்த வருடம் சிம்மத்திற்கு இருக்காது என்பது உறுதி.

இதுவரை திருமணமாகாத இளையவர்களுக்கு இந்த வருடம் திருமணம் நல்லபடியாக முடியும். ஒரு சிலர் புதிதாக காதலிக்க ஆரம்பித்து தங்களுடைய வாழ்க்கைத்துணையை அடையாளம் காண்பீர்கள். கூட்டு வியாபாரத்தில் குறைகளை கண்டவர்கள் இனிமேல் அவை நீங்கி மன ஒற்றுமை ஏற்பட்டு தொழில் முன்னேற்றம் காண்பார்கள்.

தந்தை மூலம் லாபமும், தந்தை வழி சொத்துக் கிடைத்தலும், பூர்வீக சொத்துக்களில் இதுவரை இருந்து வந்த வில்லங்கங்கள் விலகுவதும் பூர்வீக சொத்தை அனுபவிக்க முடியாத நிலையில் இருந்து வந்த தடைகள் நீங்குவதுமான நல்ல பலன்கள் நடைபெறும்.

தகப்பனாரின் ஆரோக்கியம் மேம்படும். தந்தை மகனுக்கு இடையே இருந்து வந்த சண்டை, சச்சரவுகள், பிணக்குகள் நீங்கி தந்தையுடன் இணைவீர்கள். நீண்ட நாட்களாக நீங்கள் கேட்டுக் கொண்டிருக்கும் கோரிக்கைகளை அப்பா நிறைவேற்றித் தருவார். நீங்களே ஒரு நல்ல தகப்பனாக உங்கள் குழந்தைகளுக்கு கேட்பதை செய்து தர முடியும்.

தள்ளிப் போயிருந்த தீர்த்த யாத்திரை இப்போது போக முடியும். காசி கயா பத்ரிநாத் கேதார்நாத் போற வடமாநில புண்ணியத்தலங்களை தரிசிக்கும் வாய்ப்பு இப்போது கிடைக்கும். ஞானிகளின் தரிசனம் கிடைக்கும். மகாபெரியவரின் அதிஷ்டானம் போன்ற மிகப்பெரும் புனித இடங்களை வழிபடும் பாக்கியம் உண்டாகும். நேர்த்திக்கடன்களை இப்போது நிறைவேற்ற முடியும். குடும்பத்துடன் குலதெய்வ வழிபாடு செய்வீர்கள்.

சமூகத்தில் உயர்நிலையில் உள்ள பெரியவர்கள், மதிப்புமிக்கவர்கள், அந்தஸ்தும், அதிகாரமும் கொண்டவர்களின் அறிமுகமும் ஆதரவும் கிடைக்கும். குறிப்பிட்ட சிலருக்கு அந்தஸ்து உயரும். அதிகாரமிக்க பதவிகள் கிடைக்கும். அரசியலில் ஏற்றங்கள் உண்டு. வரும் தேர்தலில் ஜெயிக்க முடியும்.

செய்யும் தொழிலில் இனிமேல் ஏற்றமும், லாபமும் திருப்திகரமாக இருக்கும். இதுநாள்வரை இருந்து வந்த பொருளாதார நெருக்கடிகள் இருக்காது. குறைந்த வியாபாரம் நிறைந்த லாபம் என்ற முறையில் கடையை மூடி வீட்டுக்கு திரும்பும் பொழுது மனநிறைவுடன் வீட்டிற்கு செல்ல முடியும்.

சகோதர சகோதரிகளுக்கு சுபகாரியங்கள் நடக்கும். நீண்ட நாட்களாக திருமணமாகாமல் தடங்கலாகி இருக்கும் அக்காவின் திருமணத்தை நல்லபடியாக நடத்துவீர்கள். அண்ணன், அக்கா மூலம் சந்தோஷமும் ஆதரவும் உண்டு.

பெண்களுக்கு இந்த வருடம் நல்ல பலன்களைத்தான் அதிகம் தரும். இதுவரை உங்களை புரிந்துக் கொள்ளாத கணவர் இனிமேல் உங்களை புரிந்து கொண்டு, உங்கள் மனம் போல் நடந்து கொள்ள ஆரம்பிப்பார். பிள்ளைகள் உங்களின் கஷ்டங்களைப் புரிந்து கொள்வார்கள். வேலை செய்யும் இடங்களில் மதிப்பும், மரியாதையும் கிடைக்கும். உங்களின் அந்தஸ்து உயரும். கூட்டுக் குடும்பத்தில் மருமகளின் பேச்சு மாமியாரால் ஏற்கப்படும்.

யூகவணிகம் பங்குச்சந்தை ரேஸ் லாட்டரி போன்றவைகளில் அதிகமாக ஈடுபாடு காட்டாமல் இருப்பது நல்லது. இந்த வருடம் மேற்படி இனங்களில் வருமானம் வராமல் விரயங்களும் நஷ்டங்களும்தான் இருக்கும். ஒரு சிலர் தொழில் சம்பந்தமாக கடல் தாண்டி வெளிநாடு செல்வீர்கள். குறிப்பாக ஆன்மிகம் சம்பந்தப்பட்டவர்களுக்கு வெளிநாட்டு சுற்றுப் பயணங்கள் ஏற்படும். வெளிநாடு சம்பந்தமான முயற்சிகள் வெற்றியாகும். பாகப்பிரிவினை சம்பந்தமான முக்கியமான முடிவுகள் எடுப்பதை தற்போது தள்ளிப் போடுவது நல்லது.

அரசு தனியார்துறை பணியாளர்கள் அதிகாரிகளை பகைத்துக் கொள்ள வேண்டாம். அவர்கள் சொல்வதை கேட்டு நடந்து கொள்வது நல்லது. அலுவலகங்களில் உங்களைப் பிடிக்காதவர்கள் கை ஓங்கும் சூழ்நிலை வரலாம். சில நேரங்களில் சுவர்களுக்கு கூட கண்களும் காதுகளும் இருக்கிறது என்பதை புரிந்து கொள்ளுங்கள். உடன் வேலை செய்பவர்களிடம் வீண் அரட்டை, மேல் அதிகாரியின் செயல் பற்றிய விமரிசனங்கள் போன்ற விஷயங்களை தவிருங்கள்.

கூடுமானவரை நேர்வழியிலேயே செல்ல முயற்சி செய்யுங்கள். குறுக்குவழி வேண்டாம். அரசுத்துறை, தனியார்துறை ஊழியர்கள் மேல்வருமானத்திற்கு ஆசைப்பட்டு விதிகளை மீறி யாருக்கும் சலுகை காட்ட வேண்டாம். மேலதிகாரிகளுக்கு தெரியாமல், அவர்களின் எழுத்துப்பூர்வமான அனுமதி இல்லாமல் எதுவும் செய்யாதீர்கள். பின்னால் தொந்தரவுகள் வருவதற்கு வாய்ப்புகள் உள்ளன.

வீட்டில் குழந்தைகளில் உடல் நலத்தில் அக்கறையும், கவனமும் தேவைப்படும். சிறு குழந்தைகளுக்கு சாதாரண உடல்நலக் குறைவு என்றால் கூட அலட்சியமாக இருக்காமல் உடனடியாக மருத்துவரிடம் சிகிச்சைக்கு செல்வது நல்லது.

ஏற்கனவே கடன் வாங்கி சிக்கலில் இருப்பவர்களுக்கு புதிய கடன்கள் வருவதற்கு வாய்ப்பு இருக்கிறது. எக்காரணத்தைக் கொண்டும் அதிக வட்டிக்கு வாங்குவதை தவிர்ப்பது நல்லது. அவசரம் என்று கிடைக்கும் இடத்தில் கிடைக்கும் வட்டியில் பணம் வாங்கினால் அடுத்த வருட ஆரம்பத்தில் கடன் பிரச்னைகளால் மனக் கலக்கம் வரலாம்.

பேச்சின் மூலம் வாழ்க்கை நடத்துபவர்களுக்கு நன்மைகள் இருக்கும். ஆசிரியர் பணி, பேச்சாளர்கள், மார்க்கெட்டிங் துறையினர், கவுன்சிலிங் செய்பவர்கள் போன்றவர்களுக்கு நல்ல வருடம் இது. யாருக்காவது பரிதாபப்பட்டு உதவி செய்து அதனால் நீங்கள் சிக்கலில் மாட்டிக் கொள்ளும் அமைப்பு இருப்பதால் யாருக்கும் எதற்காகவும் ஜாமீன் போட வேண்டாம்.

பத்திரிகை துறையில் இருப்போர், பெட்ரோல்பங்க், அநாதை விடுதிகளை நடத்துவோர், மதுபானத் தொழில் சம்பந்தப்பட்டோர், விவசாயிகள், நிலத்தரகர்கள், காலிமனை விற்கும் ரியல் எஸ்டேட்காரர்கள், மருத்துவமனையினர், கடைநிலை ஊழியர்கள், காவல்பணி செய்வோர், துப்புரவு தொழிலாளர்கள், ஊராட்சி, நகராட்சி, மாநகராட்சித் தலைவர்கள், கவுன்சிலர்கள் உள்ளிட்டவர்கள் மிகவும் வளம் பெறுவார்கள். வருமானமும் சிறப்பாக இருக்கும்.

பொதுவாக சிம்ம ராசிக்கு இது எதிர்கால முன்னேற்றத்திற்கு அடித்தளம் போடும் காலகட்டமாக அமையும். இப்போது ஏற்படும் அனுபவங்களால் உங்கள் எதிர்காலத்தை சிறப்பாக அமைத்துக் கொள்வீர்கள் என்பதால் புது வருடத்தில் கவலைப் படுவதற்கு ஒன்றும் இல்லை.

ஹே விளம்பி வருட பலன்

சிம்ம ராசிக்காரர்களுக்கு பிறக்க இருக்கும் தமிழ்ப் புத்தாண்டு இதுவரை இருந்து வந்த பின்னடைவுகளை போக்குகின்ற ஒரு ஆண்டாக இருக்கும்.

அர்த்தாஷ்டமச்சனி எனப்படும் நான்காமிடத்து சனியால் இதுவரை வேலை, தொழில், வியாபாரம் போன்ற ஜீவன அமைப்புகளில் பெரும் சங்கடங்களை எதிர் கொண்ட சிம்மராசிக்காரர்கள் அவற்றிலிருந்து மீண்டு வந்து நல்ல நிம்மதியான, நிரந்தர வருமானம் உள்ள ஒரு நிலைக்கு இந்த வருடம் முதல் மாறப் போகிறீர்கள்.

கடந்த சில மாதங்களாக சிம்மத்தினர் அனைவரும், குறிப்பாக சிம்மராசி இளைஞர்கள் தொழில் அமைப்புகளில் சிக்கல்களை சந்தித்து வந்தீர்கள். சனிபகவான் நான்கில் அமர்ந்து உங்கள் ராசியின் ஜீவனஸ்தானமான பத்தாமிடத்தையும், ராசியையும் தன்னுடைய கெடுபலன் தரும் பார்வையால் பார்த்ததால் பெரும்பாலான சிம்மத்தினருக்கு எல்லாவகையிலும் சங்கடங்கள் தரும் நிலைமைகள்தான் இருந்து வந்தன.

சனியின் பார்வையினால் ராசி பலவீனம் அடைந்திருந்த நிலையில், “ஒட்டக்கூத்தன் பாட்டிற்கு ரெட்டைத் தாழ்ப்பாள்” என்ற கதையாக ராசியிலேயே ராகுவும் இருந்ததால் சிம்மராசிக்கு நன்மைகள் எதுவும் நடக்கவில்லை. மாறாக பெரும்பாலானோருக்கு கெடுபலன்களே நடந்து வந்தன.

பிறக்க இருக்கும் தமிழ்ப் புத்தாண்டின் முதலில் நடக்க இருக்கும் ராகு-கேது பெயர்ச்சியானது உங்களுக்கு மிகுந்த மனநிறைவையும், இதுவரை இருந்து வந்த பொருளாதாரச் சிக்கல்களையும் தீர்த்து வைக்கின்ற ஒரு பெயர்ச்சியாக அமையும்.

ஆகஸ்டு மாதம் 18 ம் தேதியன்று நடக்க இருக்கின்ற ராகு-கேது பெயர்ச்சியின் மூலம் சிம்ம ராசிக்காரர்களுக்கு இதுவரை இருந்து வந்த ஆரோக்கிய குறைபாடுகள், கடன் தொல்லைகள், வழக்கு விவகாரங்கள் போன்றவைகள் இருக்காது.

ராகு-கேதுக்கள் நன்மைகளைத் தரும் அமைப்பான 6, 12-ம் இடங்களுக்கு மாற இருப்பதால் இதுவரை தொழில்சரிவை சந்தித்து, எல்லாவற்றையும் சமாளிப்பதற்காக கடன் வாங்கி அவஸ்தைப் பட்டவர்கள் இனிமேல் நல்ல பொருளாதார மேன்மையை அடைந்து நிரந்தர வருமானம் வரும் அளவிற்கு தொழில் உயர்வு பெற்று சந்தோஷப்பட ஆரம்பிப்பீர்கள்.

வேலை அமைப்புகள் நினைத்தது போலவே அமையும். அலுவலகத்தில் நல்ல மாற்றங்கள் இருக்கும் வர இருக்கும் வருமானத்தின் மூலம் கடன்களை தீர்க்க முடியும். கடன் தொல்லை இன்றி இருக்க முடியும்.

ராகு கேது பெயர்ச்சியைப் போலவே அக்டோபர் மாதம் 26 ம் நாள் நடக்க இருக்கும் சனிப்பெயர்ச்சியின் மூலம் சனிபகவான் தன்னுடைய பார்வை 10-ம் இடத்தில் இருந்து நீங்கும் விதமாக மாற இருப்பதால் சிம்மத்திற்கு இதுவரை இருந்து வந்த அனைத்து சிக்கல்களும் நீங்க ஆரம்பிக்கும்.

இந்த இரண்டு பெயர்ச்சிகளின் ஊடாக உங்களின் யோகாதிபதியான குருபகவானும் செப்டம்பர் மாதம் 12 ம் தேதி தற்போது இருக்கின்ற இரண்டாமிடத்தில் இருந்து நிதானமான பலன்களைச் செய்யக் கூடிய மூன்றாமிடத்திற்கு மாற இருக்கிறார்.

இதன் மூலமும் சிம்மத்தினருக்கு நல்ல மாற்றங்களும், அந்த மாறுதல்களை சரியான விதத்தில் பயன்படுத்திக் கொண்டு முன்னேறும் அமைப்பும் இருக்கும். குருப்பெயர்ச்சியின் மூலம் இதுவரை தடையாகி இருந்த பாக்கியங்கள் சிம்மத்திற்கு கிடைக்கும். வயதுக்கேற்ற வேலை, திருமணம், குழந்தைபாக்கியம் போன்றவைகள் கிடைக்காமல் மனஅழுத்தத்தில் இருந்தவர்கள் அனைத்தும் கிடைத்து நிம்மதி பெறுவீர்கள்.

முப்பது வயதுகளில் இருக்கும் இளையபருவத்தினருக்கு அவர்களுக்கே தெரியாமல் அவர்களுக்குள் ஒளிந்திருக்கும் புத்திசாலித்தனமும் வேறுபட்ட திறமைகளும் வெளிப்பட்டு சிலர் புகழடையும் வாய்ப்பும் இருக்கிறது.

முக்கிய பலனாக இதுவரை சொந்தவீடு இல்லாதவர்களுக்கு வீடு கட்டும் வாய்ப்போ அல்லது கட்டிய பழைய வீடோ வாங்கும் யோகம் வருகிறது. மேலும் ஏற்கனவே இருந்த நான்காமிட சனியின் தாக்கத்தினால் இதுவரை வசதிகுறைந்த வாடகை வீட்டில் குடியிருந்தவர்கள் கூட இந்த வருடம் வசதியான வீட்டிற்கு மாறுவீர்கள். சிலர் ஒத்திக்கு வீடு எடுப்பீர்கள்.

அரசு, தனியார்துறை பணியாளர்கள், இரும்பு சம்பந்தப்பட்ட துறையினர், உழைப்பாளிகள் போன்றவர்களுக்கு நல்ல பலன்கள் கிடைக்கும், மாணவர்களுக்கு பள்ளி கல்லூரிகளில் இனிய சம்பவங்கள் நிகழும். படிப்பது மனதில் பதியும். தேர்வுகளை நன்றாக எழுத முடியும்.

இதுவரை மனதில் இருந்து வந்த எதிர்மறை எண்ணங்கள், தாழ்வு மனப்பான்மைகள் இனிமேல் இருக்காது. எதை நினைத்து கலங்குகிறோம் என்று தெரியாமல் இதுவரை இனம் புரியாத கலக்கத்தில் இருந்து வந்தவர்கள் இந்த வருடத்தில் இருந்து புது உற்சாகம் அடைவீர்கள்.

வேறு இன மொழி மதக்காரர்கள் உங்களிடம் நேசமாக இருப்பார்கள். வெளி மாநிலத்தவர்கள் இந்த வருடம் நண்பர்களாகக் கிடைப்பார்கள். அவர்களால் நன்மைகள் உண்டாகும். வெகு தூரத்தில் பணியிடம் அமையும். பிரயாணங்களால் அலைச்சல்கள் அதிகரிக்கும். ஆனாலும் உற்சாகமாக இருப்பீர்கள்.

வீட்டில் மங்களநிகழ்ச்சிகள் நடைபெறும். இதுவரை திருமணமாகாத இளைய பருவத்தினருக்கு திருமணம் நடைபெறும். மகன், மகளுக்கு திருமணம் கூடி வரவில்லையே என்று வருத்தப்பட்டுக் கொண்டிருப்பவர்களுக்கு அந்தக்கவலை இப்போது நீங்கும். புத்திரபாக்கியம் தாமதப்பட்டுக் கொண்டு வந்தவர்களுக்கு குழந்தை பிறக்கும்.

வேலை தேடிக் கொண்டிருந்த இளைஞர்களுக்கு இந்தவருடம் நல்லவேலை கிடைக்கும். பொருத்தமில்லாத வேலையில் இஷ்டமில்லாமல் இருந்தவர்களுக்கு உடனடியாக மாற்றங்கள் உருவாகி நினைத்த மாதிரியான வேலை கிடைக்கும். மத்திய மாநில நிர்வாகப்பதவிகளுக்கான ஐ. ஏ. எஸ், குரூப்ஒன் தேர்வுகளுக்கு படிப்பவர்களுக்கும் ஏற்கனவே எழுதி முடிவுகளுக்கு காத்துக் கொண்டிருப்பவர்களுக்கும் நல்ல செய்திகள் கிடைக்கும்.

சுயதொழில், வியாபாரம் போன்றவைகளில் இதுவரை இருந்து வந்த மந்தநிலை விலகி அனைத்தும் இனிமேல் சுறுசுறுப்பாக நடக்கும். விவசாயிகளுக்கு இந்த புத்தாண்டு மிகுந்த நன்மையை அளிக்கும். வீட்டில் குதூகலமும், சுபநிகழ்ச்சிகளும் இருக்கும்.

தொழிலதிபர்கள், கலைஞர்கள் போன்றவர்களுக்கு இதுவரை இருந்து வந்த முட்டுக்கட்டைகள் விலகும். எந்த ஒரு காரியத்திலும் எடுக்கும் முயற்சிகள் இப்போது பலிதமாகும். தொழிலை விரிவுபடுத்தலாம்.

சிம்ம ராசிப் பெண்கள் ஆளுமைத் திறன் மிக்கவர்களாக இருப்பீர்கள். ஆண்களைப் போல அனைத்து வேலைகளையும் இழுத்துப் போட்டுக் கொண்டு செய்வீர்கள். ஒரு நிமிடம் நீங்கள் விழிப்புடன் இல்லாவிட்டால் குடும்பத்திலோ, அல்லது தொழில் அமைப்புகளிலோ ஏமாற்றப்படுவீர்கள். சிலர் மறைமுகமாக கணவரின் தொழிலை நிர்வகிப்பீர்கள்.

புதுவருடத்தில் நற்பெயரும் கௌரவமும் பெண்களுக்குக் கிடைக்கும். பெண்களின் ஆலோசனை குடும்ப ஆண்களால் ஏற்கப்படும். வேலைக்குச் செல்லும் மகளிருக்கு பதவிஉயர்வு கூடுதல்சம்பளம் போன்ற நல்ல பலன்கள் இருக்கும். அதிகாரிகளால் பாராட்டப் படுவீர்கள். உடன் பணிபுரியும் ஆண்களின் ஒத்துழைப்பும் உங்களுக்கு கிடைக்கும்.

சொத்துச்சேர்க்கை, வீட்டுக்குத் தேவையான பொருட்கள் வாங்குதல் நகைகள் வாங்குதல், சேமிப்புகளில் முதலீடு செய்தல், குழந்தைகளின் எதிர்காலத்திற்கான திட்டங்கள் போன்றவைகளை இந்தவருடம் செய்ய முடியும்.

வெளிநாடு சம்பந்தப்பட்ட அனைத்து விஷயங்களும் இப்போது உங்களுக்கு கை கொடுக்கும். வெளிநாட்டில் படிக்கவோ, வேலை செய்யவோ முயற்சிப்பவர்களுக்கு உடனடியாக விசா கிடைக்கும். இதுவரை வெளிநாடு செல்லாதவர்கள் இப்போது வெளிநாட்டுப் பயணம் செல்லும்படி இருக்கும். பயணங்கள் மூலம் நன்மைகள் இருக்கும்.

கணவன் மனைவி உறவு நல்லபடியாக மாறும். உடல்நலம் சரியில்லாமல் இருந்தவர்களின் ஆரோக்கியத்தில் நல்ல முன்னேற்றம் தெரியும். இதுவரை இருந்து வந்த விரயச் செலவுகள் இனிமேல் இருக்காது. எனவே ஏதேனும் ஒரு தொகையை அது சிறியதாக இருந்தாலும் சேமிக்க முடியும்.

குலதெய்வத்தின் அருளைப் பெற வேண்டிய நேரம் இது என்பதால் முறையாக குலதெய்வ வழிபாடு செய்யுங்கள். இஸ்லாமியர்களுக்கு புனித ஹஜ் பயணம் செல்லும் வாய்ப்பை இறைவன் அருளுவார். பெரிய மகான்களின் தரிசனம் கிடைக்கும். ஞானிகளின் ஜீவ சமாதிக்கு சென்று அவர்களின் அருளாசி பெறும் பாக்கியம் கிடைக்கும்.

அப்பா வழி சொத்துக்கள் மூலம் ஆதாயம் உண்டு. தர்ம காரியங்கள் செய்ய முடியும். அறப்பணிகளில் ஈடுபட்டு நல்ல பெயர் வாங்குவீர்கள். ஆலய சீரமைப்பு பணிகளில் சிலர் புகழ் பெறுவீர்கள். பொதுவாழ்வில் இருப்பவர்களுக்கு அதிகாரப் பதவிகள் தேடிவரும். அரசியல்வாதிகள் புகழ் பெறுவீர்கள். கலைஞர்களுக்கு நல்ல வாய்ப்புக்கள் கிடைக்கும். விவசாயிகள் வியாபாரிகள் போன்றவர்களுக்கு வருமானம் உண்டு.

பிறக்க இருக்கும் புத்தாண்டில் நடக்க இருக்கும் இரண்டு முக்கிய பெயர்ச்சிகளின் மூலம் ராசியின் பலவீனம் விலகுவதால், அதாவது ராசியில் இருக்கும் ராகு விலகுவதும், ராசிக்கு இருக்கும் சனிபார்வை நீங்குவதும் சிம்மராசிக்கு சிறப்பை தரும் ஒரு அமைப்பு என்பதால் இந்த தமிழ்ப்புத்தாண்டு நன்மை தரும் புத்தாண்டாகவே சிம்மராசிக்கு அமையும்.

ஆதித்ய குருஜி
செல்: 8870 99 8888

சனிப்பெயர்ச்சி பலன்கள்

சிம்மம் இனி சிறக்கும்

(மகம், பூரம், உத்திரம் 1ம் பாதம் மற்றும் மா, மி, மீ, மு, மே, மோ, டா, டூ, டே ஆகிய எழுத்துக்களை பெயரின் முதல் எழுத்தாக கொண்டவர்களுக்கும்.)

சிம்ம ராசிக்கு இதுவரை கெடுபலன்களை தரக்கூடிய இடமான நான்காம் இடத்தில் இருந்து வந்த சனிபகவான் ஐந்தாமிடத்திற்குச் செல்கிறார். இது உங்களுக்கு மிகவும் சந்தோஷத்தைக் கொடுக்கக் கூடிய ஒரு மாற்றமாக அமையும்.

சனிபகவான் ஐந்தாமிடத்தில் இருப்பது நல்ல நிலை என்று நம்முடைய மூல நூல்களில் சொல்லப் படாவிட்டாலும் கடந்த மூன்று ஆண்டு காலமாக உங்கள் ராசிக்கு நான்காமிடத்தில் அமர்ந்து ஜீவன ஸ்தானத்தை பார்த்ததன் மூலம் சிம்ம ராசிக்காரர்களுக்கு தொழில், வேலை, வியாபாரம் போன்ற அமைப்புகளில் நிம்மதியற்ற சூழலை சனி கொடுத்துக் கொண்டிருந்தார்.

மேலும் தன்னுடைய கெடுதலான பார்வையின் மூலம் ராசியைப் பார்த்து சிம்மத்தினருக்கு மன நிம்மதி இல்லாத சூழல்களையும் உருவாக்கி இருந்தார். இதுபோன்ற நிலையில் இருந்து சனி நீங்குவது சிம்மத்திற்கு பெரிய நன்மைகளைத் தரும் என்பதால் இந்த சனிப் பெயர்ச்சியால் நன்மைகளை அடையப் போகும் ராசிகளில் சிம்மமும் ஒன்றாக இருக்கும்.

குறிப்பாக சிம்ம ராசிக்காரர்களின் உடல், மனம் இரண்டையும் பாதித்து கெடுபலன்களைத் தந்து கொண்டிருந்த சனி அர்த்தாஷ்டமச் சனி எனும் நிலையில் இருந்து மாறுவதே சிம்மத்திற்கு ஒரு மிகப் பெரிய நிம்மதியை தருகின்ற ஒரு நிலை.

கடந்த காலங்களில் சிம்மத்தினர் கடுமையான மனஅழுத்தத்தை தரக்கூடிய சம்பவங்களை எதிர் கொண்டீர்கள். இளம் பருவத்தினருக்கு வேலையில் நிம்மதி இல்லாத சூழ்நிலையும், வேலையே இல்லாத நிலைமையும், தகுதி, திறமைக்கேற்ற பணி இல்லாத ஒரு நிலையும் இருந்து வந்தது. அந்த நிலைமை இந்தப் பெயர்ச்சியின் மூலம் முற்றிலுமாக விலகி அனைத்திலும் சிம்மத்தினர் ஒரு நிம்மதியான நிலையை பெறப் போகிறீர்கள்.

வேறு சிலருக்கு வேலையில் மன அழுத்தம் தரக் கூடிய டார்ச்சர் எனப்படும் நிலைமைகள் இருந்ததோடு, சொந்த வாழ்விலும் மன இறுக்கம் தரக்கூடிய சூழல்கள் இருந்தன. கணவன்-மனைவி கருத்து வேறுபாடு, குடும்பத்தில் மூன்றாம் மனிதரின் தலையீட்டினால் குழப்பம், பொருளாதாரச் சிக்கலினால் சண்டை, குழந்தைகளால் மனவேதனை போன்ற அனைத்து வித குழப்பங்களும் ராசிக்கு இருக்கும் சனியின் பார்வை விலகுவதால் தீரப் போகிறது.

சமீபகாலங்களில் இரண்டு பெரும் பாபக் கிரகங்களில் ஒன்றான ராகு உங்கள் ராசியிலேயே அமர்ந்திருந்ததும், அந்த ராகுவை இன்னொரு பெரும் பாபரான சனி பார்த்ததும் சிம்மத்தினரின் மனம், உடல் இரண்டையும் பாதித்திருந்தன. பெரும்பாலான சிம்மத்தினருக்கு உடல்நலம் பாதித்தது இந்த அமைப்பால்தான்.

முன்னரே நடந்த ஒரு நல்ல நிகழ்ச்சியாக இரு மாதங்களுக்கு முன்பு ராகு பகவான் உங்கள் ராசியில் இருந்து விலகி விட்டதும், தற்போது சனி மாற்றத்தினால் சனியின் பார்வையும் உங்கள் ராசியில் இருந்து விலகுவதும், ஒளி மிகுந்த ராசியான சிம்மத்தை மீண்டும் ஒளி வீசச் செய்யும் அமைப்புகள் என்பதால் உங்கள் உடலும், மனமும் இனி சீராகும்.

இந்தப் பெயர்ச்சியின் மூலம் இதுவரை தன்னம்பிக்கை இழந்து, தாழ்வு மனப்பான்மையில் இருந்த சிம்மத்தினர் மீண்டும் இழந்த நம்பிக்கையைப் பெற்று வாழ்க்கையில் அனைத்தையும் சந்திக்கத் துணியும் செயல்திறனுடன், புத்துணர்ச்சியோடு வலம் வர தொடங்குவீர்கள். எனவே கெடுபலன்கள் நீங்கப் போகின்றது என்ற வகையில் இந்த பெயர்ச்சி ஒரு மகத்தான மாற்றத்தை சொந்த வாழ்க்கையிலும், தொழில் அமைப்புகளிலும் உங்களுக்குக் கொடுத்து வாழ்வில் முன்னேற்றத்தினை தர இருக்கிறது.

அதேநேரத்தில் ஐந்தாமிடத்தில் அமரும் சனி என்ன பலன்களைத் தருவார் என்று பார்க்கும்போது பிள்ளைகள் விஷயத்தில் சங்கடங்களையும், குழந்தைகள் மூலமான நம்முடைய எதிர்பார்ப்பு நிறைவேறாமல் போவதையும், பிள்ளைகளுக்கு நாம் செய்ய வேண்டிய கடமைகளை செய்ய இயலாமல் போவதுமான பலன்களைச் செய்வார்.

எனவே இந்த சனி மாற்றத்தால் பருவ வயது குழந்தைகளை வைத்திருப்பவர்கள் அவர்களுடைய படிப்பு, வேலை போன்ற விஷயங்களில் கவனமாக இருக்க வேண்டியது மிக அவசியம். பிள்ளைகள் தங்களுடைய வயதிற்குரிய விஷயங்களைச் செய்து உங்களுக்கு மன வருத்தத்திற்கு ஆளாக்குவார்கள் என்பதால் பள்ளியிறுதி-கல்லூரி வயதில் இருக்கும் குழந்தைகளை அக்கறையுடன் கவனித்து கொள்ள வேண்டியது அவசியம்.

இதுவரை வேலை கிடைக்காமல் சிரமப்பட்டு கொண்டிருந்தவர்களுக்கு நல்லவேலை கிடைக்கும். இருக்கும் வேலையில்  பிரச்னைகளை சந்தித்துக் கொண்டிருப்பவர்கள் அனைத்தும் ஓய்ந்து நிம்மதி கிடைக்கப் பெறுவீர்கள். சனியின் பத்தாம் பார்வை தொழில் ஸ்தானத்தில் இருந்து விலகுவதால் தொழில், வியாபாரம் போன்றவைகள் இனிமேல் சூடுபிடித்து நாளுக்கு நாள் விருத்தி அடையும். இதுவரை இருந்து வந்த விரையங்கள் இனிமேல் இருக்காது. சம்பாதிக்கும் பணத்தை சேமிக்க முடியும். எதிரிகள் ஒழிவார்கள். போட்டிகள் விலகும்.

சனியின் பார்வை ராசியில் இருந்தும் விலகுவதால் இதுவரை தாழ்வு மனப்பான்மையில் இருந்தவர்கள் அது விலகப் பெறுவீர்கள். எதிர்மறை எண்ணங்கள் குறைந்து நல்லவைகளை சிந்திக்கவும், செயல்படுத்தவும் ஆரம்பிப்பீர்கள். மனஅழுத்தம் நீங்கி புத்துணர்ச்சி வரும். எதிர்காலத்தை பற்றிய நம்பிக்கை பிறக்கும். அதற்கு உறுதுணையாக இருக்கக்கூடிய ஆட்களைச் சந்திப்பீர்கள்.

மொத்தத்தில் அர்த்தாஷ்டமச் சனி என்ற பெயரில் கடந்த மூன்று வருடங்களாக உங்களை முன்னேற விடாமல் தடுத்துக் கொண்டிருந்த சனிபகவான் விலகுவதால் அனைத்து விஷயங்களிலும் வெற்றி பெற்று எதிர்காலத்தை உங்களுடையதாக்கி கொள்வீர்கள்.

சனிபகவான் ஐந்தாமிடத்திற்கு மாறுவதால் குடும்பத்தில் மகன், மகளுக்கு ஆகவேண்டிய திருமணம் போன்ற சுபகாரியங்களுக்கு தடைகளை ஏற்படுத்துவார். பிள்ளைகளுக்கும், பெற்றவர்களுக்கும் தலைமுறை இடைவெளி வரும். நீங்கள் உங்கள் தகப்பனாரிடம் வாழ்ந்த காலம் வேறு. தற்போதைய இளைஞர்களின் காலம் வேறு என்பதை உணர்ந்து கொண்டால் இந்த ஐந்தாமிட சனியை சுலபமாக சமாளித்து விடுவீர்கள்.

இந்த காலகட்டத்தில் அதிர்ஷ்டம் கொஞ்சம் குறையும். சாதாரண சிறு விஷயங்களுக்குக் கூட மிகப் பெரிய முயற்சிகள் தேவைப்படும். எனவே எந்த ஒரு விஷயத்தையும் அசட்டையாகவும் கவனக்குறையாகவோ எடுத்துக் கொள்ளாமல் முழு கவனத்துடன் செய்ய வேண்டி இருக்கும்.

என்னதான் சனி ஐந்தாமிடத்தில் இருந்தாலும் பணவரவுக்கு குறை இருக்காது. வருமானம் தடைப்படாது. சனி எந்த ஒரு விஷயத்திலும் சிறு பிரச்சினைகளையும், சிக்கல்களையும் தருவாரே தவிர பண விஷயங்களில் கைவைக்கமாட்டார். அதே நேரத்தில் சேமிக்கவும் முடியாது என்பதால் எந்த ஒரு செலவு செய்யும் முன்பும் யோசித்து செய்வதும், சிக்கனமாக இருப்பதும் நல்லது.

கடந்த காலங்களில் சுக ஸ்தானமான நான்காமிடத்தில் சனி இருந்ததால் ஆரோக்கியக் குறைவையும், உடல்நலப் பிரச்சினைகளையும் சந்தித்தவர்கள் சீக்கிரமாக குணமடைவீர்கள். மருத்துவர்களுக்கு அடங்காத நோய்களும் இப்போது பரம்பொருளின் கருணையால் வெகு விரைவில் குணமாகும். இதுவரை மருத்துவத்துக்கென ஒரு தொகையை ஒதுக்கி வைத்தது விலகி இனிமேல் அப்படி செய்ய வேண்டியது இருக்காது.   

பெண்களுக்கு குடும்பத்தில் நற்பெயரும் கௌரவமும் கிடைக்கும். பெண்களின் ஆலோசனை ஆண்களால் ஏற்கப்படும். வேலைக்குச் செல்லும் மகளிருக்கு பதவி உயர்வு, கூடுதல் சம்பளம் போன்ற நல்லபலன்கள் இருக்கும். உடன் பணிபுரியும் ஆண்களின் ஒத்துழைப்பு கிடைக்கும். நீண்டநாட்களாக நினைத்திருந்த காரியம் இப்போது நிறைவேறும். அனைவரிடமும் பாராட்டுப் பெறுவீர்கள்.

வீட்டிற்கு தேவையான பொருட்களை வாங்க முடியும். இன்பச் சுற்றுலா சென்று வருவீர்கள். கணவன் மனைவி உறவு நன்றாக இருக்கும். சகோதரர்கள் உதவுவார்கள். குடும்பத்தில் சொத்துச் சேர்க்கை, நகைகள் வாங்குதல், சேமிப்புகளில் முதலீடு செய்தல் போன்றவை இருக்கும். மாணவர்களுக்கு பள்ளி கல்லூரிகளில் இனிய சம்பவங்கள் நிகழும். படிப்பது மனதில் பதியும். தேர்வுகளை நன்றாக எழுத முடியும்.

மத்திய மாநில நிர்வாகப் பதவிகளுக்கான ஐ.ஏ.எஸ், குரூப்ஒன் தேர்வுகளுக்கு படிப்பவர்களுக்கும் ஏற்கனவே எழுதி முடிவுகளுக்கு காத்துக் கொண்டிருப்பவர்களுக்கும் நல்ல செய்திகள் கிடைக்கும். வெளிமாநில வேலைக்குச் செல்ல இருந்த தடைகள் விலகும்.

சொந்த வீடு இல்லாதவர்களுக்கு வீடு கட்டும் வாய்ப்போ அல்லது கட்டிய பழைய வீடோ வாங்கும் யோகம் வருகிறது. நகரங்களில் இருப்பவர்கள் அருமையான ஒரு பிளாட் வாங்குவீர்கள். இதுவரை வாங்க முடியாத விரும்பிய வாகனம் வாங்க முடியும். தாயாருக்கு உடல்நலக் குறைவு சரியாகும். அம்மாவைப் பற்றிக் கவலைப் பட அவசியம் இருக்காது.

பொதுவாக சிம்ம ராசிக்கு இது எதிர்கால முன்னேற்றத்திற்கு அடித்தளம் போடும் காலகட்டமாக அமையும். இப்போது ஏற்படும் நன்மைகளால் உங்கள் எதிர்காலத்தை சிறப்பாக அமைத்துக் கொள்வீர்கள்.

பரிகாரங்கள்:

ஒரு கருப்பு நிறமுள்ள மனிதரை மேற்குமுகமாக நிறுத்தி வைத்து நீங்கள் அவருக்கு எதிரில் கிழக்கு பார்த்து நின்று ஒரு இரும்புச் சட்டியில் வழிய வழிய நல்லெண்ணெய் ஊற்றி ஒரு சனிக்கிழமை இரவு எட்டு மணியிலிருந்து ஒன்பது மணிக்குள் அல்லது உங்களின் ஜென்ம நட்சத்திர நாளன்று இரவில் சனி ஹோரையில் தானம் கொடுப்பது சனிபகவானை திருப்திப்படுத்தும். தானம் பெறுபவர் துப்புரவுத் தொழிலாளியாக இருந்தால் சிறப்பு.

கணித்தவர்
ஜோதிடக்கலை அரசு ஆதித்யகுருஜி
செல்:  8870 99 8888

குருப்பெயர்ச்சி பலன்கள்

சிம்ம ராசிக்கு இதுவரை இரண்டாம் இடத்திலிருந்த குரு பகவான் தற்போது மூன்றாமிடத்திற்கு மாறுகிறார்.

பொதுவாக மூன்றாம் இடத்திற்கு குரு பெயர்ச்சியாவது நல்லநிலை அல்ல என்று நமது கிரந்தங்கள் கூறினாலும் குருபகவான் தனது சுபப் பார்வைகளால் கணவன் அல்லது மனைவி ஸ்தானமான ஏழாமிடத்தையும், பாக்கிய ஸ்தானமான ஒன்பதாமிடத்தையும் லாபங்கள் தரும் இடமான பதினொன்றாமிடத்தையும் பார்வையிடுவார் என்பதால் மேற்கண்ட இனங்கள் மூலமாக இப்போது நல்ல பலன்கள் உங்களுக்கு நடைபெறும்.

மேலும் பிறந்த ஜாதகத்தில் நன்மையான தசா, புக்திகள் நடக்கும் சிம்ம ராசிக்காரர்களுக்கு இந்த கோட்சாரக் குறைகள் பெரிதாக ஒன்றும் பாதிக்காது என்பதால் கவலைப்படுவதற்கு எதுவும் இல்லை.

கடந்த காலங்களில் உங்கள் ராசியில் இருந்த ராகுவாலும், நான்காமிடத்தில் அமர்ந்து ராசியைப் பார்த்த சனியாலும் சிம்மத்திற்கு எந்த நல்லவைகளும் நடக்கவில்லை. மாறாக சிம்மத்தினருக்கு வேலை, தொழில் போன்றவைகளில் பாதிப்புகளும் உடல், மனரீதியிலான தொல்லைகளும் மட்டுமே இருந்து வந்தது.
உங்களை பாதிப்பிற்குள்ளாக்கிய ராகு, சனி இரண்டும் இப்போது உங்களை விட்டு விலகுவதால் இனிமேல் சிம்மத்தின் சிந்தனையும், செயல்திறனும் மிகவும் மேலோங்கிய நிலையில் இருக்கும். குறிப்பாக சிம்மத்திடம் பழைய கம்பீரத்தையும், கர்ஜனையையும் இனிமேல் பார்க்க முடியும்.

வரும் அக்டோபர் மாதம் 24ம் தேதியன்று நடக்க இருக்கும் சனிப்பெயர்ச்சி முதல் உங்களுக்கு நடந்து கொண்டிருக்கும் அர்த்தாஷ்டமச் சனி எனப்படும் நான்காமிடத்துச் சனி விலகுவதால் இனிமேல் உங்களை கஷ்டத்திற்கு உள்ளாக்கிய அனைத்துப் பிரச்னைகளும் விலகும். வீட்டிலும், தொழில் இடத்திலும் சங்கடங்கள் விலகி நிம்மதி பிறக்கும்.

இந்தக் குருப்பெயர்ச்சியின் மூலமாக உங்களுக்கு நல்ல பணவரவும், வருமானங்களும் இருக்கும், பணத்தை எப்பொழுதும் பார்த்துக் கொண்டு இருந்தாலே பாதிப் பிரச்னைகள் தீர்ந்து விடும் என்று சொல்லுவது இந்த முறை உங்களுக்கு பொருத்தமாக இருக்கும். செய்கின்ற தொழில் வேலை, வியாபாரம் போன்ற ஜீவன அமைப்புகள் அனைத்தும் அதன் உச்சபட்ச லாப நிலையில் நடக்கும் என்பதால் தொழில் அமைப்புகளில் முன்னேற்றத்தைப் பற்றிய கவலை உங்களுக்கு இனி இருக்கப் போவது இல்லை.

வேலையில் இருந்து இடைநீக்கம் செய்யப்பட்டவர்கள் மீண்டும் பணியில் சேருவார்கள். வேலையை விட்டு விடலாமா என்று யோசனையில் இருந்தவர்களுக்கு சூழ்நிலைகள் நல்ல விதமாக அமைந்து வேலையை விட வேண்டிய நிலை நீங்கும். தற்காலிகப் பணியாளர்களுக்கு வேலை நிரந்தரமாகும்.

வேலை தேடிக் கொண்டிருப்பவர்களுக்கு அவர்கள் தகுதிக்கும் திறமைக்கும் ஏற்றபடி நல்ல சம்பளத்தில் வேலை கிடைக்கும். அலுவலகங்களில் ஏதோ ஒரு சின்ன பிரச்னையால் நிறுத்தி வைக்கப்பட்டிருந்த பதவி உயர்வும், சம்பள உயர்வும் இனிமேல் கிடைக்கும்.

அரசு ஊழியர்களுக்கு மேலதிகாரிகளால் இருந்து வந்த மன உளைச்சல்களும் வேலைப் பளுவும் நீங்கி உங்களை புரிந்து கொள்ளாமல் உங்களிடம் ‘கடுகடு’ வென இருந்த மேலதிகாரி மாறுதல் பெற்று அந்த இடத்திற்கு உங்களுக்கு அனுசரணையானவர் வருவார்.

இதுவரை சிக்கலில் இருந்த தொழில், வியாபாரம் போன்ற அமைப்புகள் மீண்டும் எழுச்சியுடன் நடைபெறப் போகும் காலம் வந்து விட்டதால் வியாபாரிகளுக்கும், தொழில் அதிபர்களுக்கும், சுய தொழில் செய்பவர் களுக்கும் இந்த குருப்பெயர்ச்சி மிகவும் கை கொடுக்கும் என்பதில் சந்தேகமே இல்லை.

வியாபாரிகளுக்கு லாபம் அதிகம் இருக்கும் என்பதால் குறை சொல்ல எதுவும் இல்லை. குருவின் பார்வை லாப ஸ்தானத்தில் விழுவதாலும், அவரே உங்கள் ராசிக்கு ஐந்துக்குடையவனாகி பார்ப்பதாலும் வருமானத்தில் எந்தவித குறைவும் இருக்காது. செய்யும் தொழில் திருப்திகரமாக இருக்கும். இதுநாள்வரை இருந்து வந்த பொருளாதார நெருக்கடிகள் இருக்காது. கடையை மூடி வீட்டுக்கு திரும்பும் பொழுது மனநிறைவுடன் செல்ல முடியும்.

குருவின் ஏழாமிடப் பார்வையால் குடும்பத்தில் இருந்து வந்த பிரச்சனைகள் தீரும். பிரிந்து வாழும் தம்பதியர் சேரக் கூடிய சூழல்கள் உருவாகும். தொழிலில் பங்குதாரர்களிடம் இருந்து வந்த சண்டை சச்சரவுகள் விலகி ஒருவருக்கொருவர் உதவிகரமாக இருப்பார்கள். பிரிந்த நண்பர்கள் ஒன்று சேருவார்கள்.

வேலை விஷயமாக வேறு வேறு ஊர்களில் பிரிந்து வேலை செய்யும் கணவன் மனைவிக்கு இந்தக் குருப் பெயர்ச்சியால் ஒரே ஊருக்கு டிரான்ஸ்பர் கிடைக்கும்.
திருமணமாகாத இளைய பருவத்தினத்தினருக்கு திருமணம் நடக்கும். சிம்ம ராசிக்காரர்கள் வீட்டில் இந்த குருப் பெயர்ச்சியால் ஏதேனும் ஒரு சுப காரியம் உண்டு. குருபகவான் புத்திர காரகன் என்பதால் அவரது பாக்கிய ஸ்தானப் பார்வையால் குழந்தை இல்லாத தம்பதிகளுக்கு குழந்தை பாக்கியத்தை அருளுவார். ஆண் குழந்தைக்கு ஏங்கும் தம்பதிகளுக்கு ஆண் வாரிசு கிடைக்கும்.

முதல் திருமணத்தில் தடுக்கி விழுந்து, வாழ்க்கை கோணலாகி, துன்பத்தில் இருப்பவர்களுக்கு குரு இரண்டாவது வாழ்க்கையை நல்லவிதமாக அமைத்து தருவார். சிலருக்கு மனம் விரும்பிய வாழ்க்கை கிடைக்கும். காதலர்களுக்கு பெற்றோர்களின் சம்மதம் கிடைக்கும்.

குருபகவானின் ஒன்பதாமிடப் பார்வையால் தந்தை வழி உறவினர்களிடம் நெருக்கம் உண்டாகும். இதுவரை இருந்து வந்த பங்காளிப் பிரச்னை தீரும். பூர்வீக சொத்துக்களில் உங்கள் பாகம் சேதமில்லாமல் உங்களுக்கு கிடைக்கும். பெரியப்பா சித்தப்பாக்கள் மற்றும் தந்தையுடன் பிறந்த அத்தைகளால் லாபம் இருக்கும்.

குறிப்பிட்ட சிலருக்கு ஆலயப் பணி செய்யும் பாக்கியம் கிடைக்கும். நீண்ட நாட்களாக போக முடியாமல் தள்ளிப் போயிருந்த தீர்த்த யாத்திரை இப்போது போக முடியும். காசி, கயா, பத்ரிநாத், கேதார்நாத் போன்ற வட மாநில புண்ணியத் தலங்களை தரிசிக்கும் வாய்ப்பு இப்போது கிடைக்கும். ஞானிகளின் தரிசனம் கிடைக்கும். மகாபெரியவரின்

அதிஷ்டானம் போன்ற புனித இடங்களை வழிபடும் பாக்கியம் உண்டாகும்.

தள்ளிப் போயிருந்த நேர்த்திக் கடன்களை இப்போது நிறைவேற்ற முடியும். குடும்பத்துடன் குல தெய்வ வழிபாடு செய்வீர்கள். மூத்த சகோதரர், சகோதரிகளின் உறவு மேம்படும். அவர்களால் உதவிகள் இருக்கும். அண்ணன், தம்பி, அக்கா, தங்கை உறவுகள் பலப்படும். வயதில் மூத்தவர்களுக்கு மங்களகரமான நிகழ்ச்சிகள் வீட்டில் நடைபெறும். இதுவரை திருமணம் தாமதமான அக்கா, அண்ணன் போன்றவர்களுக்கு நல்ல இடத்தில் திருமணமாகும்.

சிம்ம ராசிப் பெண்களுக்கு இந்தக் குருப்பெயர்ச்சி நல்ல பலன்களைத்தான் அதிகம் தரும். இதுவரை உங்களை புரிந்துக் கொள்ளாத கணவர் இனிமேல் உங்களை புரிந்து கொண்டு, உங்கள் மனம் போல் நடந்து கொள்ள ஆரம்பிப்பார். பிள்ளைகள் உங்களின் கஷ்டங்களைப் புரிந்து கொள்வார்கள். வேலை செய்யும் இடங்களில் மதிப்பும், மரியாதையும் கிடைக்கும்.

உடல்நலம் விஷயத்தில் கவனமாக இருங்கள். சிறு சிறு உடல் கோளாறுகள் வரலாம். நீடித்த குறைபாடுகளான சர்க்கரை, ரத்தஅழுத்தம் போன்றவைகளால் பாதிக்கப் பட்டவர்கள் அடிக்கடி பரிசோதனை செய்து கொள்வது நல்லது. சிறிய பிரச்னை என்றாலும் ஆரம்பத்திலேயே மருத்துவரிடம் செல்லுங்கள். வெளிநாட்டு விஷயங்கள் நல்ல பலன் அளிக்கும் என்பதால் இப்போது வெளிநாட்டு வேலைக்கோ அல்லது வெளி தேசத்தில் மேற்படிப்பு படிக்கவோ செல்ல முடியும். அதனால் நன்மைகளும் இருக்கும்.

குருப்பெயர்ச்சிக்கு பிறகு சில வாரங்களிலேயே சனிப்பெயர்ச்சி நடக்க இருக்கிறது. சனி நான்காமிடத்திலிருந்து மாறி புத்திர பாவமான ஐந்தாம் வீட்டிற்கு மாறுகிறார். இதனால் குழந்தைகள் விஷயத்தில் ஏதேனும் மனச் சங்கடங்கள் சிலருக்கு வரலாம்.

பள்ளி, கல்லூரி செல்லும் வயதில் பிள்ளைகளை வைத்திருக்கும் சிம்ம ராசிக்காரர்கள் மக்களின் மேல் சற்றுக் கவனம் செலுத்த வேண்டிய காலம் இது. பிள்ளைகளின் கவனம் படிப்பிலிருந்து விலகி காதல், கத்திரிக்காய் என்று வேறு பக்கம் திரும்புவதற்கு வாய்ப்பிருக்கிறது. வேறு ஏதாவது வம்புகளில் சிக்கி உங்களை மனக்கஷ்டத்திற்கு ஆளாக்குவார்கள் என்பதால் அவர்களை கண்காணிப்பது நல்லது.

பிள்ளைகள் உங்கள் பேச்சைக் கேட்கவில்லை என்றால் கோபப்பட வேண்டம். நொந்து கொள்ள வேண்டம். இது உங்கள் தகப்பனாரிடம் நீங்கள் கட்டுப் பெட்டியாக வாழ்ந்த காலம் போல இல்லை. இது இளைஞர்களின் காலம். செல்போன் யுகம். நீங்கள் பிறந்த போது தொலைபேசி, டிவி, வீடியோ, இன்டர்நெட் என்று எதுவுமே கிடையாது. ஆனால் இப்போது உங்களின் குழந்தைகள் பிறக்கும் போதே கர்ணனின் கவச குண்டலம் போல அவற்றோடுதான் இருக்கிறார்கள் என்பதைப் புரிந்து கொள்ளுங்கள்.

பொதுவாக சிம்ம ராசிக்கு இது எதிர்கால முன்னேற்றத்திற்கு அடித்தளம் போடும் காலகட்டமாக அமையும். இப்போது ஏற்படும் அனுபவங்களால் உங்கள் எதிர்காலத்தை சிறப்பாக அமைத்துக் கொள்வீர்கள் என்பதால் இந்தக் குருப்பெயர்ச்சியில் கவலைப்படுவதற்கு ஒன்றும் இல்லை.

பரிகாரம் :

வேலூர் வாலாஜாபேட்டையில் அமைந்திருக்கும் ஸ்ரீ தன்வந்திரி பீடத்தில் நடைபெறும் குருப் பெயர்ச்சி யாகத்தில் கலந்து கொள்ளுங்கள். சென்னையில் இருப்பவர்கள் வியாழக்கிழமை தோறும் சேக்கிழார் பெருமான் நிறுவிய வட ஆலங்குடி எனப்படும் போரூர் ஈஸ்வரன் கோவிலுக்கோ அல்லது குறுமுனி அகத்தியர் வந்து வழிபட்ட குரு ஸ்தலமான பாடி எனப்படும் திருவலிதாயம் கோவிலுக்கோ சென்று வழிபடுவது நல்லது. வெளிமாவட்டத்தவர்கள் அருகிலுள்ள பழமையான ஈஸ்வரன் கோவில் ஸ்ரீதட்ஷிணாமூர்த்திப் பெருமானை ஆராதியுங்கள்.

ஜோதிடக்கலை அரசு ஆதித்யகுருஜி
88709 98888

ராகுகேது பெயர்ச்சி பலன்கள்

கடந்த முறை நடந்த ராகு-கேது பெயர்ச்சியினால் கடுமையாக பாதிக்கப்பட்ட ராசிகளில் சிம்மமும் ஒன்று.

ராசியில் ராகு இருந்த நிலையில் இன்னொரு பாப கிரகமான சனிபகவானும் நான்காமிடத்தில் அர்த்தாஷ்டம சனி என்ற நிலைமை இருப்பதால் சிம்ம ராசிக்காரர்கள் சற்று திணறித்தான் போனீர்கள்.

ராசியிலேயே பகை அமைப்பில் சென்றமுறை ராகு அமர்ந்ததால் பெரும்பாலான சிம்ம ராசிக்காரர்களுக்கு உடல், மன பாதிப்புகள் இருந்தன. உங்களில் பலருக்கு வேலைகளில் சங்கடங்கள் இருந்து வந்தன. வேலை பளு அதிகமாக இருந்தது. பலர் பிடித்தம் இல்லாத வேலையை நிர்பந்தத்திற்காக செய்ய வேண்டிய நிலை இருந்தது.

இன்னும் சிலருக்கு வேலையே இல்லாத நிலை இருந்தது. தொழில் சரியாக அமையவில்லை. அமைந்த தொழிலும் உருப்படியாக இல்லை. வியாபாரத்தில் குழப்பம், மேலதிகாரி தொல்லை என்று சிம்ம ராசிக்காரர்கள் அடைந்த துன்பங்கள் ஏராளம்.

ஒரு இருட்டுக் கிரகம் உங்கள் ராசியின் மேல் அமர்ந்ததால் பல சிம்ம ராசிக்காரர்களின் செயல்திறன் முடக்கப்பட்ட நிலையில் இருந்தது. அனைத்து முயற்சிகளும் ஒரு முட்டுச்சந்தின் மேல் முட்டிக் கொண்டு முன்னே போக முடியாமலும், பின்னே திரும்ப முடியாமலும் ஒரு வினோதமான நிலைமை. ராகுவினால் சிம்ம ராசிக்காரர்களுக்கு இருந்து வந்தது.

தற்போது நடைபெற இருக்கும் ராகு-கேது பெயர்ச்சியின் மூலம் உங்கள் ராசிக்கு எதிர்த்தன்மையுடைய கிரகங்களான ராகு-கேதுக்கள் நன்மைகளை தரக்கூடிய 6, 12-ம் இடங்களுக்கு மாறுகிறார்கள்.

இந்த அமைப்பு சிம்ம ராசிக்கு மிகுந்த நற்பலன்களை கொடுக்கக் கூடியதாகும். இப்போது நடைபெற இருக்கும் ராகு-கேது பெயர்ச்சியின் மூலம் கடந்த 2 வருடங்களாக சிம்மத்திற்கு இருந்து வந்த பின்னடைவுகள் நீங்கி ஒரு மிகப்பெரிய நல்ல மாற்றம் உருவாகும்.

இந்த மாற்றத்தினால் சிம்ம ராசிக்காரர்களின் தொழில் நிலைமைகளில் இதுவரை இருந்து வந்த “கிணற்றில் போட்ட கல்” போன்ற நிலைமை இனிமேல் இருக்காது. அனைத்தும் இனிமேல் சுறுசுறுப்பாக நடைபெறும். எந்த ஒரு விஷயத்திலும் இதுவரை இருந்து வந்த மந்த நிலைமை இனிமேல் இருக்காது.
ராசியில் இருந்து ராகு வெளியேறுவதால் இதுவரை உடல்நலம் இல்லாமல் இருந்தவர்கள் ஆரோக்கியம் மீண்டும் கிடைக்கப் பெறுவீர்கள். மனம் புத்துணர்ச்சியுடன் இருக்கும். செயல்திறன் கூடும். இதுவரை இருட்டான குகைக்குள் இருந்தது போன்ற நிலைமை மாறி வெளிச்சத்திற்கு வருவீர்கள். முகத்தில் பொலிவு தெரியும். உங்களை அறியாமலேயே உற்சாகத்துடன் இருப்பீர்கள்.

உங்கள் ராசியான சிம்மம் ஒளி மிகுந்த ராசியாகி, அதன் மேல் இருந்த ஒரு இருட்டு விலகுவது, உங்களுக்கு மிகப்பெரிய நல்ல மாற்றத்தை கொடுக்கும் என்பதால் சிம்ம ராசிக்காரர்கள் அனைவருக்குமே ஏதாவது ஒரு வகையில் உங்கள் விருப்பங்களுக்கும், தேவைகளுக்கும் இருந்து வந்த தடைகள் விலகுவதை காணலாம்.

ராகுவின் எதிர்முனை கிரகமான கேதுபகவான் 6-மிடத்திற்கு மாறுவதால் இதுவரை இருந்து வந்த எதிர்ப்புகள் உங்களுக்கு அடி பணியும். கேது 6-மிடத்தில் அமர்வது கடன், நோய்கள் அற்ற வாழ்வை தரும் என்பதால் இதுவரை கடன் தொல்லைகளில் மாட்டிக் கொண்டு தலையை பிய்த்துக் கொண்டிருந்தவர்கள் இனிமேல் நல்ல பணவரவு வந்து கடனை அடைப்பீர்கள்.

ஆறாம் வீடு அங்கே இருக்கப் போகும் கேதுவால் சுப வலிமை அடைவதால் அந்த பாவத்தின் கடன், நோய், எதிர்ப்பு ஆகிய தன்மைகள் இனிமேல் குறையும். எனவே அதிகமான கடன் தொல்லை, ஆரோக்கியப் பிரச்னைகளில் இருக்கும் சிம்ம ராசிக்காரர்களுக்கு அதிலிருந்து விடுபடுவதற்கான வழிமுறைகள் பிறக்கும்.
பிறந்த ஜாதகத்தில் தசா புக்திகளும் ஒத்துழைத்தால் ஒன்றரை வருடத்திற்குள் கடன் இல்லாத நிலைமையை அடைய முடியும் அளவிற்கு உங்களின் பொருளாதார உயர்வு நன்றாக இருக்கும். எப்படி பார்த்தாலும் சிம்ம ராசிக்கு இந்த ராகு-கேது பெயர்ச்சி மிகப்பெரிய நற்பலன்களை தர இருக்கின்றது என்பது உறுதி.

பாபக் கிரகங்கள் பனிரெண்டாம் வீட்டில் நன்மைகளைத் தருவார்கள் என்ற விதிப்படியும், ராகுவிற்கு கடகம் அதிநட்பு வீடு என்பதாலும் இந்தப் பெயர்ச்சியில் ராகுவால் உங்களுக்கு அதிகமாகன நற்பலன்கள் கிடைக்கும். தருவார். அதேபோல உங்களின் ஆறாம் பாவத்திற்கு மாறும் கேதுபகவானும் உங்களுக்கு நன்மைகளை மட்டுமே தருவார்.

பனிரெண்டாமிட ராகுவால் உங்களுக்கு அனைத்து விஷயங்களிலும் மாறுதல்கள் இருக்கும். ஊர் மாற்றம், தொழில் மாற்றம், வீடு மாற்றம், தொழில் இட மாற்றம் போன்றவை தற்போது நடக்கும். சிலருக்கு இம்முறை வாழ்க்கையைப் புரட்டிப் போடக்கூடிய அளவிற்கு ஏதேனும் ஒரு முக்கியமான விஷயத்திலும் மாற்றத்தை ராகு தருவார்.

அதேபோல இயக்கும், நகரும் பொருட்கள் சம்பந்தப்பட்ட துறையினருக்கு அதாவது டிரைவர்கள், டிராவல்ஸ் துறையினர், ஓரிடத்தில் இல்லாமல் சுற்றிக்கொண்டே இருக்கும் துறையினர் போன்றவர்களுக்கு ராகுபகவான் மிகுந்த நன்மைகளை அளிப்பார். இதுவரை வெளிநாடு போகாதவர்களை ராகு கடல் தாண்ட வைப்பார். வடமாநிலங்களுக்குப் போவது போன்ற நீண்ட பிரயாணங்களும் அடிக்கடி இருக்கும்.

விவசாயிகள், கலைஞர்கள் போன்றவர்களுக்கு இதுவரை இருந்து வந்த மந்த நிலைமை முற்றிலும் மாறி அனைத்தும் நல்லபலன்களைத் தரும் நிலை  ராகுவால் உண்டு.

சிலருக்கு மறைமுக வழியிலான தனலாபம் உண்டாகும். பணத்திற்கு பஞ்சம் இருக்காது. யார் வீட்டு பணமாக இருந்தாலும் உங்கள் கையில் தாராளமாக நடமாடும் என்பதால் பணச்சிக்கல் வராது. கொடுக்கும் வாக்குறுதியைக் காப்பாற்றுவீர்கள். குறிப்பிட்ட சிலருக்கு நம்பர் டூ தொழில் இப்போது கை கொடுக்கும்.  
நீண்ட நாட்களாக வீடு கட்ட வேண்டும் அல்லது வீடு வாங்க வேண்டும் என்று நினைத்திருந்தவர்களுக்கு வீட்டுக்கனவு நனவாகும். ஆனாலும் லோன் போட்டுத்தான் வீடு கட்டவோ வாங்கவோ செய்வீர்கள். இந்தப் பெயர்ச்சி உங்களை ஒரு நல்ல சொத்து சேர்க்க வைக்கும்.

தேவையில்லாமல் எவரையும் பகைத்துக் கொள்ள வேண்டாம். யாரிடமும் அனாவசியமாக பேசி சிக்கலை உண்டாக்கிக் கொள்ள வேண்டாம். ஏதேனும் கோர்ட் போலிஸ் ஸ்டேஷன் வழக்கு போன்றவைகளில் சிக்கி அலையக் கூடிய வாய்ப்பு இருப்பதால் எல்லாவற்றிலும் உஷாராக இருங்கள்.

நிலம் வீடு போன்றவைகளை வாங்கும்போது பொறுமை தேவை. அவசரம் வேண்டாம். வில்லங்கம் சரியாகப் பார்க்கவும். வில்லங்கம் உள்ள இடத்தை தெரியாமல் வாங்கிவிட்டு பின்னால் சிரமப்பட வாய்ப்பிருப்பதால் ஆரம்பத்திலேயே கவனமாக இருங்கள். யாருக்கும் ஜாமீன் போட வேண்டாம். சமரசம் செய்து வைப்பது, பஞ்சாயத்து பண்ணுவது போன்றவைகள் பக்கம் தலைவைத்துப் படுக்காதீர்கள். இதனால் மனவருத்தம், வீண் விரோதங்கள் வரலாம்.

சொல்லிக்கொடுக்கும் பணி, சாப்ட்வேர், அச்சகம், புத்தகம், அக்கவுண்ட்ஸ், பத்திரிக்கைத்துறை போன்ற துறைகளில் இருக்கும் சிம்ம ராசிக்காரர்களுக்கு இந்தப் பெயர்ச்சி அபரிமிதமான நன்மைகளைத் தரும். மேற்கண்ட துறைகளில் இருப்போரின் வாழ்க்கை லட்சியங்கள் இப்போது நிறைவேறும்.

ரியல் எஸ்டேட், வீடு கட்டி விற்போர், திரவம் சம்பந்தப்பட்ட தொழில் செய்பவர்கள், காய்கறி மொத்த வியாபாரம், வெளிநாட்டு ஏற்றுமதி இறக்குமதி, சிகப்பு மற்றும் வெள்ளை நிறம் சம்பந்தப் பட்ட தொழில் செய்பவர்களுக்கு  பட்ஜெட்டை மீறி செலவுகளும் விரயங்களும் இருக்கும் என்றாலும் நல்ல வருமானம் வந்து அனைத்தையும் ஈடு கட்டும்.

இதுவரை போகாத ஊர்களுக்கு செல்வீர்கள். புதிய நண்பர்கள் கிடைப்பார்கள். தர்ம காரியங்கள் மற்றும் அறப்பணிகளில் ஈடுபட வாய்ப்புகள் கிடைக்கும். ஒரு சிலர் உங்களை ஆலயத் தொண்டில் ஈடுபடுத்திக் கொள்வீர்கள்.  

வெளிநாடு சம்பந்தப்பட்ட அனைத்து விஷயங்களும் உங்களுக்கு கை கொடுக்கும். வெளிநாட்டில் படிக்கவோ, வேலை செய்யவோ முயற்சிப்பவர்களுக்கு உடனடியாக விசா கிடைக்கும். இதுவரை வெளிநாடு செல்லாதவர்கள் இப்போது வெளிநாட்டுப் பயணம் செல்லும்படி இருக்கும். பயணங்கள் மூலம் நன்மைகள் இருக்கும்.

பள்ளி கல்லூரி செல்லும் வயதில் பிள்ளைகளை வைத்திருக்கும் சிம்ம ராசிக்காரர்கள் அவர்களின் மேல் சற்றுக் கவனம் செலுத்த வேண்டிய காலம்  இது. பிள்ளைகளின் கவனம் படிப்பிலிருந்து விலகி காதல், கத்திரிக்காய் என்று வேறு பக்கம் திரும்புவதற்கு வாய்ப்பிருக்கிறது. வேறு ஏதாவது வம்புகளில் சிக்கி உங்களை மனக்கஷ்டத்திற்கு ஆளாக்குவார்கள் என்பதால் அவர்களை கண்காணிப்பது நல்லது.

யூக வணிகத்துறையில் இந்த வருடம் அதிக முதலீடுகள் செய்ய வேண்டாம். பங்குச் சந்தை ஏற்ற இறக்கங்களுடன் காணப்படும் என்பதால் நஷ்டங்கள் ஏற்படலாம். கவனத்துடன் இருங்கள்.  

வேலைக்குச் செல்லும் பெண்களுக்கு இதுவரை வேலை செய்யும் இடத்தில் இருந்து வந்த பிரச்னைகள் தீரும். பதவி உயர்வு உண்டு. இடமாற்றம், கேட்டபடியே கேட்கும் இடத்தில் கிடைக்கும். கூட்டுக் குடும்பத்தில் இருப்பவர்கள் தனிக்குடித்தனம் போக வேண்டிய சூழ்நிலை வரலாம். மாமியார் மாமனாருடன் கருத்து வேறுபாடுகளும் தந்தையுடன் உடன் பிறந்த அத்தைகளுடன் சிறிய பிரச்னைகளும் வரலாம்.

மகம் நட்சத்திரக்காரர்களுக்கு:

மூன்றாவது மனிதரால் குடும்பத்தில் ஏற்பட்டிருந்த குழப்பங்கள் அடையாளம் காணப்பட்டு நீங்களே பிறர் உதவியின்றி குழப்பங்களைத் தீர்த்துக் கொள்வீர்கள். கூட்டுக்குடும்பத்தில் ஒருவருக்கொருவர் துணையாக இருப்பீர்கள். வயதில் பெரியவர்கள் மூத்தவர்கள் மூலம் லாபம் உண்டு. உங்கள் நட்சத்திரநாயகன் கேதுபகவான் சுபபலம் பெறுவது நன்மைகளைத் தரும். மகம் நட்சத்திரக் காரர்களுக்கு இம்முறை வீடு வாகனம் தாயார் போன்ற இனங்களில் மிகப் பெரிய நன்மைகள் நடக்கும்.

பூரம் நட்சத்திரக்காரர்களுக்கு:

உங்களுக்கு  இந்த முறை மிகப் பெரிய லாபங்கள், பணவரவுகள் கிடைக்கும். வீடு வாகன விஷயங்களில் புதிய மாற்றங்கள் இருக்கும். சொந்த வீடு புதிய வாகனம் அமையும். மனைவியால் நன்மைகள் இருக்கும். விவசாயிகள் கலைஞர்கள் போன்றவர்களுக்கு இதுவரை இருந்து வந்த மந்த நிலைமை முற்றிலும் மாறி அனைத்தும் நல்லபலன்களைத் தரும் நிலை  வந்திருக்கிறது. இதுவரை சொன்னதை செய்து முடிக்க முடியாமல் இருந்த நிலை மாறி அனைத்தும் நல்லபடியாக நடக்கும் நேரம் இது.

உத்திரம் நட்சத்திரக்காரர்களுக்கு:

தந்தையார் வழியில் நீங்கள் மிகப் பெரிய நன்மைகளை எதிர்பார்க்கலாம். வெகுதூர இடங்களில் இருந்து நல்ல செய்திகளைப் பெறுவீர்கள். அலுவலகத்தில் தலைமைப் பதவி கிடைக்கும். அடிக்கடி பிரயாணங்கள் இருக்கும். அரசியலில் உள்ளவர்களுக்கு நல்ல திருப்பங்கள் உண்டு. வழக்கு கோர்ட் காவல்துறை போன்றவற்றில் சிக்கித் திண்டாடிக் கொண்டிருந்தவர்களுக்கு அவை அனைத்தும் நல்லபடியாக முடிவுக்கு வரும். அநியாய வட்டிக்கு கடன் வாங்கி அதில் இருந்து மீள முடியாமல் அவஸ்தைப் பட்டு விழி பிதுங்கி கொண்டிருந்தவர்களுக்கு கடனை அடைப்பதற்கு நல்ல வழி பிறக்கும்.
பரிகாரங்கள்

சென்னையில் இருப்பவர்கள் மேடவாக்கம் சேலையூருக்கு அருகில் உள்ள மாடம்பாக்கம் அருள்மிகு தேனுபுரீஸ்வரர் ஆலயத்தில் ஞாயிற்றுக்கிழமை ராகுகாலத்தில் நடைபெறும் சரபேஸ்வரர் வழிபாட்டில் கலந்து கொண்டு அருள் பெறுங்கள். மற்றவர்கள் அருகிலுள்ள ஆலயங்களில் அதேநேரத்தில் வழிபடலாம்.

'ஜோதிடக்கலை அரசு' ஆதித்ய குருஜி செல்:8870998888