பைக்

ஒலா எலெக்ட்ரிக் நிறுவனம் இந்திய சந்தையில் முன்னணி எலெக்ட்ரிக் இருசக்கர வாகனங்கள் தயாரிக்கும் நிறுவனமாக இருக்கிறது. தொடர்ச்சியாக புது அறிவிப்புகளை வெளியிட்டு வரும் ஒலா எலெக்ட்ரிக் தனது வாகனங்களுக்கு புதிய மென்பொருள் அப்டேட் வழங்குவதை உறுதிப்படுத்தி இருக்கிறது.

அதன்படி ஒலா எலெக்ட்ரிக் ஸ்கூட்டர்களுக்கு ஓவர்-தி-ஏர் (ஓ.டி.ஏ.) முறையில் மூவ் ஒ.எஸ். 4 அப்டேட் வழங்கப்படுகிறது. இந்த அப்டேட் நாடு முழுக்க வழங்கப்படுகிறது. இது வாகனங்களின் செயல்திறன், பாதுகாப்பு மற்றும் ஒட்டுமொத்த அனுபவத்தை அடியோடு மாற்றும் என ஒலா எலெக்ட்ரிக் நிறுவனம் தெரிவித்துள்ளது.

புதிய மூவ் ஒ.எஸ். 4 அப்டேட்டில் வாடிக்கையாளர்களுக்கு நூற்றுக்கும் அதிக அம்சங்கள் வழங்கப்படுகிறது. இந்த அப்டேட் ஒலா S1 ஜென் 1, மேம்பட்ட S1 ப்ரோ மற்றும் S1 ஏர் மாடல்களுக்கு வழங்கப்படும் என அறிவிக்கப்பட்டு இருக்கிறது. ஒலா S1 X பிளஸ் மாடல்களுக்கு வரும் மாதங்களில் இந்த அப்டேட் வழங்கப்படும் என எதிர்பார்க்கலாம்.

இந்த அப்டேட் மூலம் நேவிகேஷன் வசதி இதற்கு முன்பு இருந்ததை விட அதிவேகமாகவும், துல்லியமாகவும் இருக்கும் என தெரிவிக்கப்பட்டுள்ளது. மேலும் புதிய ஒ.எஸ்.-இன் இன்டர்ஃபேஸ் பயன்படுத்த எளிமையாக இருக்கும் வகையில் மாற்றப்பட்டு இருக்கிறது. இத்துடன் ஹில் டிசென்ட் கண்ட்ரோல், இகோ மோடில் குரூயிஸ் கண்ட்ரோல் வசதி வழங்கப்படுகிறது.

இவைதவிர புதிய அப்டேட் ஏ.ஐ. எனப்படும் செயற்கை நுண்ணறிவு தொழில்நுட்பம் சார்ந்து பல்வேறு வசதிகளை வழங்குகிறது. இதில் உள்ள "கேர்" மோட் பயனர்களுக்கு காற்று மாசு அளவு குறித்த தகவல்கள் மற்றும் சேமிப்பு குறித்த விவரங்களை வழங்குகிறது.

ஹோண்டா நிறுவனம் தனது முற்றிலும் புதிய அட்வென்ச்சர் மோட்டார்சைக்கிள்- NX500-ஐ அறிமுகம் செய்தது. புதிய ஹோண்டா NX500 மாடலின் விலை ரூ. 5 லட்சத்து 90 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது. இது அறிமுக விலை என ஹோண்டா நிறுவனம் அறிவித்து இருக்கிறது.

இந்திய சந்தையில் CB500X மாடலின் விற்பனை நிறுத்தப்பட்ட நிலையில், ஹோண்டா நிறுவனத்தின் ஒற்றை மிடில்வெயிட் அட்வென்ச்சர் டூரர் மோட்டார்சைக்கிள் மாடலாக இது அமைந்துள்ளது.

புதிய ஹோண்டா NX500 மாடலில் 471சிசி, பேரலல் டுவின் என்ஜின் வழங்கப்பட்டு இருக்கிறது. இந்த என்ஜின் 47 ஹெச்.பி. பவர், 43 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் 6 ஸ்பீடு கியர்பாக்ஸ் மற்றும் அசிஸ்ட்/ஸ்லிப்பர் கிளட்ச் வழங்கப்பட்டு இருக்கிறது.

இந்த என்ஜின் டைமன்ட் ஃபிரேமில் வைக்கப்பட்டு இருக்கிறது. இத்துடன் ஷோவா SFF-BP யு.எஸ்.டி. ஃபோர்க்குகள், லின்க் டைப் மோனோஷாக் வழங்கப்பட்டுள்ளது. பிரேக்கிங்கிற்கு முன்புறம் 296mm இரட்டை டிஸ்க் பிரேக்குகளும், பின்புறம் 240mm டிஸ்க் பிரேக் வழங்கப்பட்டு இருக்கிறது. இந்த மாடலில் எல்.இ.டி. லைட்டிங், 5 இன்ச் அளவில் டி.எஃப்.டி. மற்றும் ப்ளூடூத், நேவிகேஷன் வசதிகள் உள்ளன.

ஹோண்டா NX500 மாடலுக்கான முன்பதிவுகள் ஏற்கனவே துவங்கி நடைபெற்று வரும் நிலையில், வினியோகம் அடுத்த மாதம் துவங்கும் என தெரிகிறது. 

ஹோண்டா நிறுவனத்தின் முற்றிலும் புதிய NX500 அட்வென்ச்சர் டூரர் மோட்டார்சைக்கிள் முன்பதிவு இந்திய சந்தையில் துவங்கி நடைபெற்று வருகிறது. வாடிக்கையாளர்கள் புதிய மோட்டார்சைக்கிள் மாடலை ஹோண்டா பிக் விங் விற்பனை மையங்களில் முன்பதிவு செய்து கொள்ள முடியும். இந்த பைக்கிற்கான முன்பதிவு கட்டணம் ரூ. 10 ஆயிரம் ஆகும்.

புதிய ஹோண்டா NX500 அந்நிறுவனத்தின் மிட் ரேன்ஜ் அட்வென்ச்சர் மாடல் ஆகும். இது ஹோண்டா சமீபத்தில் அறிமுகம் செய்த XL750 டிரான்சால்ப் மாடலின் கீழ் நிலைநிறுத்தப்படுகிறது. புதிய NX500 மாடல் ஹோண்டா CB500X மாடலுக்கு மாற்றாக அமையும் என்று எதிர்பார்க்கலாம். தோற்றத்தில் ஹோண்டா NX500 சக்திவாய்ந்த அட்வென்ச்சர் டூரர் மாடலாக இருக்கும் என தெரிகிறது.

இந்த மாடலில் ரேலி பைக் மாடல்களில் இருப்பதை போன்ற ஃபேரிங், உயரமான வின்ட் ஸ்கிரீன் மற்றும் அதற்கேற்ற இருக்கை அமைப்பு உள்ளது. இந்த பைக்கின் சீட் தரையில் இருந்து 830mm அளவில் வைக்கப்பட்டு இருக்கிறது. இந்த பைக்கில் டைமன்ட் ஃபிரேம், சஸ்பென்ஷனில் யு.எஸ்.டி. ஃபோர்க்குகள், மோனோஷாக் வழங்கப்பட்டுள்ளது.

பிரேக்கிங்கிற்கு முன்புறம் இரண்டு டிஸ்க் பிரேக்குகள், பின்புறம் ஒற்றை டிஸ்க் வழங்கப்பட்டுள்ளது. இத்துடன் 471சிசி பேரலல் டுவின் என்ஜின் வழங்கப்பட்டு இருக்கிறது. இந்த என்ஜின் 47 ஹெச்.பி. பவர், 43 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் 6 ஸ்பீடு கியர்பாக்ஸ் வழங்கப்பட்டு இருக்கிறது.

அறிமுகம் செய்யப்பட்டதும் ஹோண்டா NX500 மாடல் கவாசகி வெர்சிஸ் 650 மற்றும் மோட்டோ மொரினி எக்ஸ் கேப் போன்ற மாடல்களுக்கு போட்டியாக அமையும் என எதிர்பார்க்கலாம். இந்த பைக்கின் விலை இந்திய மதிப்பில் ரூ. 7 லட்சத்தில் துவங்கி அதிகபட்சம் ரூ. 7.5 லட்சம் வரை நிர்ணயம் செய்யப்படும் என்று தெரிகிறது.

ராயல் என்பீல்டு நிறுவனம் தனது ஷாட்கன் 650 மோட்டார்சைக்கிளை இந்திய சந்தையில் அறிமுகம் செய்தது. இந்த மாடலின் விலை ரூ. 3 லட்சத்து 59 ஆயிரம் என துவங்கி அதிகபட்சம் ரூ. 3 லட்சத்து 73 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது. இந்த மோட்டார்சைக்கிள் கஸ்டம் ஷெட், கஸ்டம் ப்ரோ மற்றும் கஸ்டம் ஸ்பெஷல் என மூன்று வேரியண்ட்களில் கிடைக்கிறது.

புதிய ஷாட்கன் 650 மாடலின் பேஸ் வேரியன்ட் ஷீட்மெட்டல் கிரே நிறத்தில் கிடைக்கிறது. இதன் விலை ரூ. 3 லட்சத்து 59 ஆயிரம் ஆகும். மிட் ரேன்ஜ் கஸ்டம் ப்ரோ வேரியண்ட் கிரீன் ட்ரில் மற்றும் பிளாஸ்மா புளூ நிறங்களில் கிடைக்கிறது. இதன் விலை ரூ. 3 லட்சத்து 70 ஆயிரம் ஆகும்.

டாப் என்ட் கஸ்டம் ஸ்பெஷல் வேரியன்ட் ஃபிளாக்ஷிப் ஸ்டென்சில் வைட் நிறத்தில் கிடைக்கிறது. இதன் விலை ரூ. 3 லட்சத்து 73 ஆயிரம் என நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

புதிய ஷாட்கன் 650 மாடல் சூப்பர் மீடியோர் 650 மற்றும் கான்டினென்டல் ஜி.டி. 650 மாடல்களின் இடையில் நிலை நிறுத்தப்பட்டு இருக்கிறது. இந்த மாடலும் SM650 சேசிஸ்-ஐ தழுவியே உருவாக்கப்பட்டு இருக்கிறது. எனினும், இதன் ஹேன்டில்பார் மாற்றப்பட்டு இருக்கிறது. மேலும் இந்த மாடல் அதிக சவுகரியமான அனுபவத்தை வழங்கும் வகையில் டிசைன் செய்யப்பட்டு உள்ளது.

இந்த மோட்டார்சைக்கிள் ஸ்டென்சில் வைட், பிளாஸ்மா புளூ, கிரீன் ட்ரில் மற்றும் ஷீட்மெட்டல் கிரே என நான்குவிதமான நிறங்களில் கிடைக்கிறது. புதிய ஷாட்கன் 650 மாடலில் 648சிசி, பேரலல் டுவின், ஆயில் கூல்டு மோட்டார் வழங்கப்பட்டு இருக்கிறது. இந்த என்ஜின் 46.4 ஹெச்.பி. பவர், 52.3 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 6 ஸ்பீடு கியர்பாக்ஸ் வழங்கப்படுகிறது.

டுகாட்டி இந்தியா நிறுவனம் தனது மல்டிஸ்டிராடா வி4 மற்றும் ஸ்டிரீட்ஃபைட்டர் வி4 மோட்டார்சைக்கிள் மாடல்களுக்கு ரூ. 1.5 லட்சம் வரையிலான பலன்களை வழங்குவதாக அறிவித்து இருக்கிறது. இந்த திட்டத்தின் கீழ் மோட்டார்சைக்கிள்களின் எக்ஸ் ஷோரூம் விலையில் வாடிக்கையாளர்களுக்கு பலன்களாக வழங்கப்படுகின்றன.

பயனர்கள் இந்த பணத்தை கொண்டு அக்சஸரீக்களை வாங்கவோ அல்லது டுகாட்டி அதிகாரப்பூர்வ ஆடைகளை வாங்கவோ, சர்வீஸ் பேக்குகளை வாங்கவோ அல்லது ரொக்க தள்ளுபடி பெறவோ முடியும். இந்த சலுகைகள் ஜனவரி 31 அல்லது ஸ்டாக் இருக்கும் வரை வழங்கப்படும் என அறிவிக்கப்பட்டு இருக்கிறது.

டுகாட்டி ஸ்டிரீட்ஃபைட்டர் வி4 மாடலில் 1103 சிசி, வி4 என்ஜின் வழங்கப்பட்டு இருக்கிறது. இந்த என்ஜின் 205.17 ஹெச்.பி. பவர், 123 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது.

இந்த மோட்டார்சைக்கிள் ஸ்டான்டர்டு மற்றும் எஸ் என இரண்டு வேரியண்ட்களில் கிடைக்கிறது. இதில் மின்திறன் மூலம் அட்ஜஸ்ட் செய்யக்கூடிய ஒலின்ஸ் சஸ்பென்ஷன் வழங்கப்படுகிறது. இந்த மாடலின் விலை ரூ. 22 லட்சத்து 15 ஆயிரம் என துவங்குகிறது.

மல்டிஸ்டிராடா வி4 மாடல் டுகாட்டி நிறுவனத்தின் ஃபிளாக்ஷிப் அட்வென்ச்சர் மாடல் ஆகும். இந்த பைக் ஸ்டான்டர்டு, எஸ் மற்றும் ரேலி என மூன்று வேரியண்ட்களில் கிடைக்கிறது. இதில் கிரான்-டூரிஸ்மோ வி4 என்ஜின் வழங்கப்பட்டு இருக்கிறது. இந்த என்ஜின் 168 ஹெச்.பி. பவர், 125 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது.

இதன் எஸ் வேரியண்ட் மின்திறன் மூலம் அட்ஜஸ்ட் செய்யக்கூடிய சஸ்பென்ஷன் வழங்கப்பட்டு இருக்கிறது. ஸ்டிரீட்ஃபைட்டர் வி4 மற்றும் மல்டிஸ்டிராடா வி4 மாடல்கள் மட்டுமின்றி ஸ்டிரீட்ஃபைட்டர் வி2 மற்றும் மல்டிஸ்டிராடா வி2 போன்ற மாடல்களுக்கும் டுகாட்டி இந்தியா சலுகைகளை அறிவித்து இருக்கிறது. 

ஓலா எலெக்ட்ரிக் நிறுவனம் தனது S1 சீரிஸ் எலெக்ட்ரிக் ஸ்கூட்டர் மாடல்களுக்கு அசத்தல் சலுகை மற்றும் தள்ளுபடி அறிவித்து இருக்கிறது. இவை ஜனவரி 15-ம் தேதி வரை மட்டுமே வழங்கப்படும் என அறிவிக்கப்பட்டு உள்ளது.

அதன்படி ஓலா S1 X பிளஸ் எலெக்ட்ரிக் ஸ்கூட்டருக்கு ரூ. 20 ஆயிரம் வரை தள்ளுபடி வழங்கப்படுகிறது. அந்த வகையில் இந்த மாடலின் விலை ரூ. 89 ஆயிரத்து 999, எக்ஸ்-ஷோரூம் என மாறி இருக்கிறது. ஓலா S1 ப்ரோ மற்றும் ஓலா S1 ஏர் மாடல்களை வாங்கும் போது ரூ. 6 ஆயிரத்து 999 மதிப்புள்ள நீட்டிக்கப்பட்ட வாரண்டி மற்றும் ரூ. 3 ஆயிரம் எக்சேன்ஜ் போனஸ் வழங்கப்படுகிறது.

இவைதவிர தேர்வு செய்யப்பட்ட கிரெடிட் கார்டு மாத தவணைகளுக்கு ரூ. 5 ஆயிரம் வரை தள்ளுபடி வழங்கப்படுகிறது. இத்துடன் முன்பணம் செலுத்தாமல் வாகனம் வாங்கும் வசதி, வட்டியில்லா மாத தவணை முறை, 7.99 சதவீத வட்டி போன்ற நிதி சலுகைகளும் வழங்கப்படுகிறது.

இந்திய சந்தையில் ஓலா எலெக்ட்ரிக் நிறுவனம் S1 X - S1 X (பேஸ்), S1 X (3 கிலோவாட் ஹவர்) மற்றும் S1 X பிளஸ் - S1 ஏர் மற்றும் S1 ப்ரோ போன்ற மாடல்களை விற்பனை செய்து வருகிறது.

ஓலா S1 ஏர் விலை ரூ. 1 லட்சத்து 19 ஆயிரத்து 999 என்றும் S1 ப்ரோ விலை ரூ. 1 லட்சத்து 47 ஆயிரத்து 499 என்றும் நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

கியூ.ஜெ. மோட்டார் நிறுவனம் தனது மோட்டார்சைக்கிள் மாடல்கள் விலையை இந்தியாவில் குறைத்து இருக்கிறது. அதன்படி கியூ.ஜெ. மாடல்கள் விலை ரூ. 40 ஆயிரம் வரை குறைந்திருக்கிறது.

விலை குறைப்பை தொடர்ந்து கியூ.ஜெ. SRC 500 மற்றும் SRV 300 மாடல்களின் விலை முறையே ரூ. 2 லட்சத்து 39 ஆயிரம் மற்றும் ரூ. 3 லட்சத்து 19 ஆயிரம் என நிர்ணயம் செய்யப்பட்டு உள்ளது. இது முந்தைய விலையை விட ரூ. 40 ஆயிரம் குறைவு ஆகும்.

கியூ.ஜெ. SRC 250 விலை ரூ. 1 லட்சத்து 39 ஆயிரம் என மாறி இருக்கிறது. இது முந்தைய விலையை விட ரூ. 31 ஆயிரம் குறைவு ஆகும். இந்த விலை குறைப்பு ஜனவரி 8-ம் தேதி முதல் அமலுக்கு வந்தது. விலை குறைப்பின் மூலம் கியூ.ஜெ. மாடல்களின் விற்பனை அதிகரிக்கும் என அந்நிறுவனம் நம்பிக்கை தெரிவித்துள்ளது.

கியூ.ஜெ. SRC 250 மாடலில் ரெட்ரோ டிசைன் அடிப்படையில் உருவாக்கப்பட்ட வட்ட வடிவ லைட்கள் மற்றும் கண்ணாடிகள் உள்ளன. இத்துடன் டியர் டிராப் ஃபியூவல் டேன்க், வயர் ஸ்போக் வீல் வழங்கப்படுகிறது. இந்த மாடலில் 249சிசி, இன் லைன் டுவின் சிலிண்டர் லிக்விட் கூல்டு என்ஜின் வழங்கப்பட்டு இருக்கிறது.

இந்த என்ஜின் 17.1 ஹெச்.பி. பவர், 17 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் 5 ஸ்பீடு கியர்பாக்ஸ் வழங்கப்படுகிறது. பிரேக்கிங்கிற்கு டிஸ்க் பிரேக் வழங்கப்படுகிறது. கியூ.ஜெ. SRC 500 மாடலில் டூயல் சேனல் ஏ.பி.எஸ். வழங்கப்படுகிறது. 

ஏத்தர் எனர்ஜி நிறுவனம் தனது விலை உயர்ந்த எலெக்ட்ரிக் ஸ்கூட்டர் மாடலை இந்திய சந்தையில் அறிமுகம் செய்தது. ஏத்தர் 450 அபெக்ஸ் என பெயரிடப்பட்டு இருக்கும் புதிய எலெக்ட்ரிக் ஸ்கூட்டர் விலை ரூ. 1 லட்சத்து 89 ஆயிரம், எக்ஸ்-ஷோரூம் என்று நிர்ணயம் செய்யப்பட்டு உள்ளது. தோற்றத்தில் இந்த வேரியண்ட் ஸ்டான்டர்டு மாடலை போன்றே காட்சியளிக்கிறது.

எனினும், பக்கவாட்டில் கண்ணாடி போன்ற பாடி பேனல்கள் இடம்பெற்றுள்ளன. இதன் வழியே ஆரஞ்சு நிற ஃபிரேம் காணப்படுகிறது. இதன் இடதுபுறம் பெல்ட் டிரைவ் வழங்கப்பட்டு இருக்கிறது. புதிய 450 அபெக்ஸ் மாடலில் 7 கிலோவாட் மோட்டார் மற்றும் 3.7 கிலோவாட் ஹவர் பேட்டரி வழங்கப்பட்டுள்ளது. இந்த ஸ்கூட்டர் மணிக்கு அதிகபட்சம் 100 கிலோமீட்டர் வேகத்தில் செல்லும் திறன் கொண்டுள்ளது.

ஸ்டான்டர்டு மாடலுடன் ஒப்பிடும் போது 450 அபெக்ஸ் மாடல் 10 கிலோமீட்டர் வரை வேகமாக செல்கிறது. மேலும் மணிக்கு 40 கிலோமீட்டர் வேகத்தையும் இந்த ஸ்கூட்டர் 2.9 நொடிகளில் எட்டிவிடுகிறது. ஏத்தர் 450X மாடல் இதற்கு 3.3 நொடிகளை எடுத்துக் கொள்கிறது.

புதிய ஏத்தர் 450 அபெக்ஸ் மாடல்- ஸ்மார்ட் இகோ, இகோ, ரைடு, ஸ்போர்ட், வார்ப் மற்றும் வார்ப் பிளஸ் என ஆறுவித ரைடு மோட்களை கொண்டிருக்கிறது. இந்த ஸ்கூட்டரில் ஃபுல் எல்.இ.டி. லைட்டிங், 7 இன்ச் அளவில் டச் ஸ்கிரீன் டி.எஃப்.டி. ஸ்கிரீன், ஸ்மார்ட்போன் கனெக்டிவிட்டி, டேஷ்போர்டு ஆட்டோ பிரைட்னஸ் வசதி, பார்க் அசிஸ்ட் போன்ற அம்சங்கள் உள்ளன.

இதுதவிர ஹில் ஹோல்டு, ஆட்டோ இன்டிகேட்டர் கட் ஆஃப், கோஸ்டிங் ரீஜெனரேடிவ் பிரேக்கிங் மற்றும் மேஜிக் டுவிஸ்ட் உள்ளிட்டவை வழங்கப்பட்டு இருக்கிறது. ரீஜெனவேரடிவ் பிரேக்கிங் சிஸ்டத்தின் அதிநவீன வெர்ஷன் தான் மேஜிக் டுவிஸ்ட் என ஏத்தர் நிறுவனம் தெரிவித்துள்ளது. இந்த ஸ்கூட்டரில் முன்புறம் டெலிஸ்கோபிக் ஃபோர்க்குகள், பின்புறம் மோனோஷாக் யூனிட் வழங்கப்பட்டு இருக்கிறது.

பிரேக்கிங்கிற்கு முன்புறம் 200 மில்லிமீட்டர் டிஸ்க், பின்புறம் 190 மில்லிமீட்டர் டிஸ்க் பிரேக் வழங்கப்பட்டு உள்ளது. இவற்றுடன் 12 இன்ச் வீல்கள் உள்ளன. ஏத்தர் 450 அபெக்ஸ் மாடலில் 22 லிட்டர் அன்டர் சீட் ஸ்டோரேஜ் உள்ளது. இந்த ஸ்கூட்டரின் மொத்த எடை 111.6 கிலோ ஆகும். இந்த ஸ்கூட்டர் ஐந்து ஆண்டுகள் அல்லது 60 ஆயிரம் கிலோமீட்டர்கள் பேட்டரி வாரண்டியுடன் விற்பனை செய்யப்படுகிறது.

பஜாஜ் ஆட்டோ நிறுவனம் தனது எலெக்ட்ரிக் இருசக்கர வாகனங்கள் எண்ணிக்கையை அதிகப்படுத்தும் வகையில் 2024 செட்டாக் பிரீமியம் மற்றும் அர்பேன் வேரியண்ட்களை அறிமுகம் செய்திருக்கிறது. இவற்றின் விலை முறையே ரூ. 1 லட்சத்து 15 ஆயிரத்து 001 மற்றும் ரூ. 1 லட்சத்து 35 ஆயிரத்து 463 என்று நிர்ணயம் செய்யப்பட்டு உள்ளது. அனைத்து விலைகளும் எக்ஸ் ஷோரூம் அடிப்படையில் குறிப்பிடப்பட்டு இருக்கிறது.

இரண்டு புதிய ஸ்கூட்டர்களிலும் டெக்பேக் பெயரில் அதிக அம்சங்கள் வழங்கப்படுகின்றன. எனினும், இதனை வாடிக்கையாளர்கள் விரும்பும் பட்சத்தில் தேர்வு செய்து கொள்ளும் வகையில் வழங்கப்படுகின்றன. புதிய ஸ்கூட்டர்களில் பிரீமியம் வேரியண்ட் 5-இன்ச் அளவில் டி.எஃப்.டி. ஸ்கிரீன் வழங்கப்பட்டு இருக்கிறது.

இத்துடன் இந்த ஸ்கூட்டர் மணிக்கு அதிகபட்சம் 73 கிலோமீட்டர் வேகத்தில் செல்லும் திறன் கொண்டிருக்கிறது. இதில் உள்ள 3.2 கிலோவாட் ஹவர் பேட்டரியை முழுமையாக சார்ஜ் செய்தால் அதிகபட்சம் 127 கிலோமீட்டர்கள் வரையிலான ரேன்ஜ் வழங்குகிறது. இது செட்டாக் ஸ்கூட்டரின் முந்தைய வேரியண்ட் வழங்கியதை விட அதிகம் ஆகும்.

அதிக ரேன்ஜ் மட்டுமின்றி புதிய ஸ்கூட்டருடன் 800 வாட் சார்ஜர் வழங்கப்படுகிறது. இதை கொண்டு பிரீமியம் வேரியண்டை 30 நிமிடங்கள் சார்ஜ் செய்தால் 15.6 கிலோமீட்டர்கள் வரை செல்ல முடியும். இதுதவிர செட்டாக் மாடலின் பூட் ஸ்பேஸ் அதிகரிக்கப்பட்டு இருக்கிறது.

ராயல் என்பீல்டு நிறுவனம் தனது ஹன்டர் 350 மோட்டார்சைக்கிளை இரண்டு புதிய நிறங்களில் அறிமுகம் செய்துள்ளது. இவை டேப்பர் ஒ மற்றும் டேப்பர் ஜி என அழைக்கப்படுகின்றன. இவற்றின் விலை ரூ. 1 லட்சத்து 69 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது. முன்னதாக இந்த மாடல் டேப்பர் வைட் மற்றும் டேப்பர் கிரே என இரண்டு நிறங்களில் விற்பனை செய்யப்பட்டு வந்தது குறிப்பிடத்தக்கது.

புதிய டேப்பர் ஒ நிற வேரியண்டின் ஃபியூவல் டேன்க் மீது டீப் ஆரஞ்சு பேஸ் நிறமாகவும், RE லோகோ மற்றும் ஸ்டிரைப்கள் அதன் மீதும் இடம்பெற்று இருக்கிறது. இத்துடன் ஆங்காங்கே வைட் நிற கோடுகள் இடம்பெற்றுள்ளன. டேப்பர் ஜி வேரியண்டில் பேஸ் நிறமாக பிரிடிஷ் கிரீன் பயன்படுத்தப்பட்டு இருக்கிறது.

நிறங்கள் தவிர ஹன்டர் 350 மாடலில் வேறு எந்த மாற்றமும் மேற்கொள்ளப்படவில்லை. அந்த வகையில், ராயல் என்பீல்டு ஹன்டர் 350 மாடலில் 349சிசி, ஏர் கூல்டு என்ஜின் வழங்கப்பட்டு இருக்கிறது. இது 20.2 ஹெச்.பி. பவர், 27 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது.

இந்த பைக் லிட்டருக்கு 36 கிலோமீட்டர்கள் வரை செல்லும். இந்திய சந்தையில் ராயல் என்பீல்டு ஹன்டர் 350 பைக் டி.வி.எஸ். ரோனின் மாடலுக்கு போட்டியாக அமைகிறது. 

ஏத்தர் எனர்ஜி நிறுவனம் உருவாக்கி இருக்கும் புதிய எலெக்ட்ரிக் ஸ்கூட்டர் மாடல் ஏத்தர் 450 அபெக்ஸ் என்ற பெயரில் அறிமுகம் செய்யப்பட இருக்கிறது. இது ஏத்தர் உருவாக்கியதிலேயே அதிவேகமான எலெக்ட்ரிக் ஸ்கூட்டராக இருக்கும் என்று தெரிகிறது. இந்த மாடலில் முற்றிலும் புதிய வார்ப் பிளஸ் மோட் உள்ளது. ஏத்தர் 450X மாடலில் இருக்கும் ரேபிட் வார்ப் மோட்-ஐ விட வேகமானது ஆகும்.

புதிய ஏத்தர் 450 அபெக்ஸ் மாடலுக்கான முன்பதிவுகள் ஏற்கனவே துவங்கி நடைபெற்று வருகின்றன. மேலும் இந்த மாடல் ஜனவரி 6-ம் தேதி அறிமுகம் செய்யப்படும் என்று தெரிகிறது. ஏத்தர் எனர்ஜி நிறுவனம் பத்து ஆண்டுகள் நிறைவு செய்ததை கொண்டாடும் வகையில், ஏத்தர் 450 அபெக்ஸ் மாடல் உருவாக்கப்பட்டு இருக்கிறது.

இந்த மாடல் தோற்றத்தில் ஏத்தர் 450S மற்றும் ஏத்தர் 450X மாடல்களை போன்றே காட்சியளிக்கிறது. இதன் பின்புறம் இருக்கும் ஒரே மாற்றம் பின்புற பாடிவொர்க்கில் மேற்கொள்ளப்பட்டு இருக்கிறது. முன்னதாக 2020 ஆண்டு சீரிஸ் 1 கலெக்டர்ஸ் எடிஷன் மாடலில் இருந்ததை போன்ற டிரான்ஸ்பேரன்ட் பாடி பேனல்கள் புதிய மாடலிலும் வழங்கப்படுகின்றன.

ஏத்தர் 450 அபெக்ஸ் மாடலின் விலை ஏத்தர் 450X மாடலை விட அதிகமாகவே நிர்ணயம் செய்யப்படும் என்று தெரிகிறது. இதன் வினியோகம் மார்ச் மாத வாக்கில் துவங்கும் என்று எதிர்பார்க்கலாம். இதன் பேட்டரி பேக் மற்றும் ரேன்ஜ் பற்றிய விவரங்கள் மர்மமாகவே உள்ளது.

கவாசகி நிறுவனம் தனது எலிமினேட்டர் மோட்டார்சைக்கிளை இந்திய சந்தையில் அறிமுகம் செய்தது. புதிய கவாசகி எலிமினேட்டர் விலை ரூ. 5 லட்சத்து 62 ஆயிரம், எக்ஸ்-ஷோரூம் என்று நிர்ணயம் செய்யப்பட்டு உள்ளது. குரூயிசர் மோட்டார்சைக்கிள் என்ற வகையில், இந்த மாடல் ராயல் என்பீல்டு சூப்பர் மீடியோர் 650-க்கு போட்டியாக அமைகிறது.

புதிய எலிமினேட்டர் மாடலுக்கான முன்பதிவு ஏற்கனவே துவங்கிவிட்ட நிலையில், விரைவில் வினியோகம் செய்யப்படும் என்று தகவல் வெளியாகி உள்ளது. இந்திய சந்தையில் ஏற்கனவே விற்பனை செய்யப்படும் நின்ஜா 400 மாடலில் உள்ள பாகங்கள் புதிய எலிமினேட்டரிலும் பயன்படுத்தப்பட்டு இருக்கிறது.

கவாசகி எலிமினேட்டர் மாடலில் 451சிசி, பேரலல் டுவின் என்ஜின் வழங்கப்பட்டு இருக்கிறது. இது 49 ஹெச்.பி. பவர், 38 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இந்த மோட்டார்சைக்கிள் ஸ்டீல் டிரெலிஸ் ஃபிரேம் கொண்டிருக்கிறது. இத்துடன் 18/16 இன்ச் அலாய் வீல், டெலிஸ்கோபிக் ஃபோர்க்குகள், பின்புறம் ஷாக் அப்சார்பர் வழங்கப்பட்டுள்ளது.

பிரேக்கிங்கிற்கு இருபுறமும் ஒற்றை டிஸ்க் பிரேக், டூயல் சேனல் ஏ.பி.எஸ். வழங்கப்பட்டு இருக்கிறது. இந்த மோட்டார்சைக்கிள் ஒட்டுமொத்த எடை 176 கிலோ ஆகும். இதன் கிரவுன்ட் கிளியரன்ஸ் 150 மில்லிமீட்டர் அளவில் இருக்கிறது. இந்த மாடலில் எல்.இ.டி. லைட்டிங், வட்ட வடிவம் கொண்ட எல்.சி.டி. ஸ்கிரீன், டூயல் சேனல் ஏ.பி.எஸ். உள்ளிட்டவை ஸ்டான்டர்டு அம்சமாக வழங்கப்படுகிறது.