புதுடெல்லி:
அசுஸ் நிறுவனத்தின் சென்போன் கோ சீரிஸ்-இல் புதிய ஸ்மார்ட்போன் இந்தியாவில் அறிமுகம் செய்யப்பட்டுள்ளது. அசுஸ் சென்போன் கோ 5.0 எல்டிஇ (ZB500KL) என பெயரிடப்பட்டுள்ள இந்த ஸ்மார்ட்போனின் விலை ரூ.8,999 என நிர்ணயம் செய்யப்பட்டுள்ளது. இந்த ஸ்மார்ட்போன் அமேசான் இந்தியா தளத்தில் விற்பனை செய்யப்படும் என தெரிவிக்கப்பட்டுள்ளது. ஆஃப்லைன் வர்த்தகர்களிடமும் இந்த ஸ்மார்ட்போன் விற்பனைக்கு வரும் என தெரிவிக்கப்பட்டுள்ளது.
புதிய அசுஸ் சென்போன் கோ 5.0 எல்டிஇ (ZB500KL) மாடல் முன்னதாக வெளியான சென்போன் கோ 5.0 எல்டிஇ (T500) மாடலின் மேம்படுத்தப்பட்ட மாடல் என்பதும் குறிப்பிடத்தக்கது. கடந்த ஆண்டு இந்தியாவில் வெளியான இந்த ஸ்மார்ட்போன் 7999 ரூபாய்க்கு வெளியிடப்பட்டது.
சிறப்பம்சங்களை பொருத்த வரை அசுஸ் சென்போன் கோ 5.0 எல்டிஇ (ZB500KL) 5.0 இன்ச் 1280x720 பிக்சல் ரெசல்யூஷன் கொண்ட TFT டிஸ்ப்ளே, 1.0 ஜிகாஹெர்ட்ஸ் குவாட்கோர் குவால்காம் ஸ்னாப்டிராகன் 410 பிராசஸர் மற்றும் 2 ஜிபி ரேம் வழங்கப்பட்டுள்ளது. 16 ஜிபி இன்டெர்னல் மெமரி கொண்டுள்ள இந்த ஸ்மார்ட்போனில் மெமரியை கூடுதலாக 64 ஜிபி வரை நீட்டிக்கும் வசதியும் வழங்கப்பட்டுள்ளது.
இத்துடன் 13 எம்பி பிரைமரி கேமரா, எல்இடி பிளாஷ் மற்றும் 5 எம்பி செல்ஃபி கேமராவும் வழங்கப்பட்டுள்ளது. டூயல் சிம் ஸ்லாட் வழங்கப்பட்டுள்ள இந்த ஸ்மார்ட்போனில் 4ஜி எல்டிஇ, 3ஜி, வை-பை, ப்ளூடூத் 4.0 மற்றும் வாழக்கமான கனெக்டிவிட்டி ஆப்ஷன்கள் வழங்கப்பட்டுள்ளது. மேலும் ஆண்ட்ராய்டு 6.0 மார்ஷ்மல்லோ இயங்குதளமும் 2600 எம்ஏஎச் திறன் கொண்ட பேட்டரி மூலம் சக்தியூட்டப்படுகிறது.
