search icon
என் மலர்tooltip icon

    தொழில்நுட்பம்

    சீனாவில் ஹூவாய் மீடியோபேட் எம்3 லைட் 8.0 வெளிடப்பட்டது
    X

    சீனாவில் ஹூவாய் மீடியோபேட் எம்3 லைட் 8.0 வெளிடப்பட்டது

    ஹூவாய் நிறுவனத்தின் மீடியாபேட் எம்3 லைட் 8.0 டேப்லெட் சாதனம் சீன சந்தையில் வெளியிடப்பட்டுள்ளது. எனினும் இதன் விலை மற்றும் விற்பனை தேதி குறித்து எவ்வித தகவலும் இல்லை.
    பீஜிங்:

    ஹூவாய் மீடியாபேட் எம்3 லைட் 10 சாதனத்தைத் தொடர்ந்து மீடியாபேட் எம்3 லைட் 8.0 டேப்லெட் சாதனத்தை ஹூவாய் நிறுவனம் வெளியிட்டுள்ளது. முதற்கட்டமாக சீனாவில் வெளியிடப்பட்டுள்ள புதிய டேப்லெட் மற்ற சந்தைகளில் வெளியிடப்படுவது குறித்து எவ்வித தகவலும் வழங்கப்படவில்லை.  

    முன்பு வெளியிடப்பட்ட மீடியாபேட் எம்3 லைட் 10 போன்றே புதிய மீடியாபேட் எம்3 லைட் 8.0 டேப்லெட்டிலும் ஹார்மன் கார்டன் ஸ்பீக்கர்கள் வழங்கப்பட்டுள்ளது. புதிய டேப்லெட்டில் எல்டிஇ மற்றும் வைபை வசதிகள் வழங்கப்பட்டுள்ளது.  

    சிறப்பம்சங்களை பொருத்த வரை மீடியாபேட் எம்3 லைட் 8.0 டேப்லெட்டில் 8.0 இன்ச் ஃபுல் எச்டி 1920x1200 பிக்சல் ரெசல்யூஷன் கொண்ட ஐ.பி.எஸ். டிஸ்ப்ளே, 1.4 ஜிகாஹெர்ட்ஸ் ஆக்டா கோர் குவால்காம் ஸ்னாப்டிராகன் 435 பிராசஸர், மற்றும் இரண்டு வித ரேம் பதிப்புகளை கொண்டிருக்கும். 

    அதன்படி 3 ஜிபி ரேம், 32 ஜிபி இன்டெர்னல் மெமரி மற்றும் 4 ஜிபி ரேம் மற்றும் 64 ஜிபி இன்டெர்னல் மெமரி வழங்கப்பட்டுள்ளது. மெமரியை நீட்டிப்பது குறித்து எவ்வித தகவலும் வழங்கப்படவில்லை. ஹூவாய் மீடியாபேட் எம்3 லைட் 8.0 டேப்லெட் 4800 எம்ஏஎச் பேட்டரி மூலம் சக்தியூட்டப்படுகிறது. 

    புகைப்படங்களை எடுக்க 8 எம்பி பிரைமரி மற்றும் செல்ஃபி கேமராக்கள் வழங்கப்பட்டுள்ளது. இத்துடன் ஆண்ட்ராய்டு 7.0 நௌக்கட் இயங்குதளம் சார்ந்த EMUI 5.1 மற்றும் ஜெஸ்ட்யூர் வசதிகள் வழங்கப்பட்டுள்ளது.
    Next Story
    ×