என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
ஆப்கானிஸ்தானில் தீவிரவாதிகளின் தற்கொலைப்படை தாக்குதலில் 9 பேர் பலி
Byமாலை மலர்16 Nov 2017 11:25 AM GMT (Updated: 16 Nov 2017 2:12 PM GMT)
ஆப்கானிஸ்தான் தலைநகர் காபுலில் நடைபெற்ற அரசியல் கூட்டத்தை குறிவைத்து தீவிரவாதிகள் நடத்திய தற்கொலைப்படை தாக்குதலில் 9 பேர் பரிதாபமாக உயிரிழந்தனர்.
காபுல்:
ஆப்கானிஸ்தான் தலைநகர் காபுலில் நடைபெற்ற அரசியல் கூட்டத்தை குறிவைத்து தீவிரவாதிகள் நடத்திய வெடிகுண்டு தாக்குதலில் 9 பேர் பரிதாபமாக உயிரிழந்தனர்.
ஆப்கானிஸ்தான் தலைநகரான காபுல் நகரின் கைர் கானா பகுதியில் ஒரு உணவகம் அமைந்துள்ளது. இந்த உணவகத்தின் அருகே இன்று இன்று மதியம் ஜமியத்-இ-இஸ்லாமி கட்சி சார்பில் ஒரு கூட்டத்திற்கு ஏற்பாடு செய்யப்பட்டிருந்தது. இதில் ஆப்கானிஸ்தான் அதிபர் அஸ்ரப் கானியின் முன்னாள் அலோசகர் உட்பட அக்கட்சியின் முக்கிய தலைவர்கள் கலந்துகொண்டனர்.
அப்போது சுமார் 1:30 மணியளவில் அந்த கூட்டத்திற்குள் நுழைந்த ஒரு தீவிரவாதி தனது உடலில் கட்டியிருந்த வெடிகுண்டை வெடிக்க செய்தான். இதையடுத்து அப்பகுதியில் இருந்த மக்கள் அலறியடித்து கொண்டு ஓடினர். இந்த வெடிகுண்டு தாக்குதலில் பலர் படுகாயமடைந்தனர்.
இந்த தாக்குதலில் 9 பேர் பரிதாபமாக உயிரிழந்தனர். சம்பவ இடத்திற்கு விரைந்த போலீசார் காயமடைந்தவர்களை மருத்துவமனைக்கு அனுப்பி வைத்தனர். இது தற்கொலைப்படை தாக்குதலாக இருக்கலாம் என போலீசார் சந்தேகிக்கின்றனர். இதுவரை எந்த தீவிரவாத அமைப்பும் இந்த தாக்குதலுக்கு பொறுப்பேற்கவில்லை.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X