விபரீதமாக மாறிய ஸ்கை டைவிங் சாகசம் - மோதலில் பெண் உட்பட 3 பேர் பலி

சிட்னி:

ஆஸ்திரேலியாவில் உள்ள குயீன்ஸ்லாந்து பகுதியில் பலூன் மூலம் வானில் பறக்கும் ஸ்கை டைவிங் விளையாட்டுக்கு பிரசித்தி பெற்ற மிஷன் பீச் பகுதியில் நேற்று பறந்து கொண்டிருந்த ஒருவர் அங்குள்ள வான்வெளியில் பறந்த இருவர் மீது பலமாக மோதினார்.

எதிர்பாராத இந்த விபத்தில் 50 வயது பெண் மற்றும் 30 வயது மதிக்கத்தக்க இரு ஆண்கள் தரையில் மோதி பரிதாபமாக உயிரிழந்தனர்.



திடீரென்று ஏற்பட்ட மோதலால் நிலைகுலைந்த மூவரும் பாரச்சூட்டை விரிப்பதற்குள் புவி ஈர்ப்பு விசையால் வழக்கமாக தரை இறங்கும் பகுதியில் இருந்து வடக்கே சுமார் ஒன்றரை கிலோமீட்டர் தூரத்தில் உள்ள இடத்தில் அவர்கள் வேகமாக விழுந்ததாக இந்த சம்பவத்தை நேரில் பார்த்தவர்கள் தெரிவித்தனர்.