ஈராக் தலைநகர் பாக்தாத்தில் கார் வெடிகுண்டு தாக்குதல்: ஐ.எஸ். அமைப்பு பொறுப்பேற்பு

பாக்தாத்:

ஈராக் தலைநகர் பாக்தாத்தில் மீண்டும் வெடிகுண்டு தாக்குதல் நடத்தப்பட்டுள்ளது. பாக்தாத்தின் மத்திய பகுதியில் கார் வெடிகுண்டு மூலம் இந்த தாக்குதல் நடத்தப்பட்டது தெரிய வந்துள்ளது.

கர்ரடா என்ற பகுதியில் நடைபெற்ற இந்த தாக்குதலில் 4 பேர் கொல்லப்பட்டதாக முதல்கட்ட விசாரணையில் தெரியவந்தது. மேலும் பலர் காயம் அடைந்தனர்.

இந்த கார் வெடிகுண்டு தாக்குதலுக்கு ஐ.எஸ். அமைப்பு பொறுப்பேற்றுள்ளது. ஐ.எஸ். அமைப்பு பாக்தாத் நகரை குறிவைத்து தொடர்ச்சியாக தாக்குதலை நடத்தி வருகின்றது.

முன்னதாக கடந்த 2016-ம் ஆண்டு இதே பகுதியில் நடத்தப்பட்ட வெடிகுண்டு தாக்குதலில் சுமார் 320 பேர் கொல்லப்பட்டது குறிப்பிடத்தக்கது.