அமெரிக்க அதிபர் டிரம்ப்- சீன அதிபர் ஜி ஜின்பிங் ஏப்ரல் மாதம் சந்திப்பு

பீஜிங்:

சீன அதிபர் ஜி ஜின்பிங் ஏப்ரல் மாதம் 6,7-ம் தேதிகளில் அமெரிக்காவுக்கு சுற்றுப்பயணம் மேற்கொள்கிறார். இந்த சுற்றுப்பயணத்தின்போது அதிபர் டிரம்பை அவர் சந்தித்துப் பேசவிருக்கிறார். இந்தத் தகவலை சீன வெளியுறவுத்துறை அமைச்சகம் இன்று வெளியிட்டுள்ளது.



அமெரிக்க அதிபராக டிரம்ப் பதவியேற்ற பின் நடைபெறும் இந்த முதல் சந்திப்பின்போது, வட கொரியா, தென் சீனக் கடல் விவகாரம் முதல் வர்த்தக பிரச்சினைகள் வரையிலான இன்றியமையாத பிரச்சினைகள் குறித்து இருவரும் பேசவிருப்பதாக கூறப்படுகிறது.

முன்னதாக சீன அதிபர் ஜி ஜின்பிங்கிடம் தொலைபேசியில் உரையாடிய டிரம்ப், சீனாவின் ஒரே சீனா கொள்கைக்கு மதிப்பளித்து அதனை பின்பற்ற சம்மதம் தெரிவித்தது குறிப்பிடத்தக்கது.