திண்டுக்கல்:
திண்டுக்கல் மாவட்டத்தில் புகையிலை பொருட்கள் விற்பனை முற்றிலும் தடை செய்யப்பட்டுள்ளது. பஸ் நிலையம் உள்பட நகரின் அனைத்து பகுதிகளிலும் புகையிலை பொருட்கள் விற்கப்படுகிறதா? என்று போலீசார் தொடர்ந்து சோதனை நடத்தி அதனை விற்கும் நபர்கள் மீது கடுமையான நடவடிக்கை எடுத்து வருவதால் பெரும்பலான கடைகளில் புகையிலை விற்பனை கட்டுப்படுத்தப்பட்டுள்ளது.
திண்டுக்கல் அருகில் உள்ள முருகபவனம் பகுதியில் குட்கா, கூல் லிப் போன்ற புகையிலை பொருட்கள் குடோனில் பதுக்கி வைத்திருப்பதாக போலீசாருக்கு ரகசிய தகவல் கிடைத்தது.
இதனையடுத்து தனிப்படை சப்-இன்ஸ் பெக்டர் மாரிமுத்து தலைமையில் அங்கு சென்று சோதனை மேற்கொண்டனர். அப்போது ரூ.10 லட்சம் மதிப்பிலான புகையிலை பொருட்கள் மற்றும் சிகரெட் பண்டல்கள் பதுக்கி வைத்திருப்பது தெரியவந்தது.
போலீசார் புகையிலை பொருட்களையும், 2 வேன், 4 மோட்டார் சைக்கிள்கள் ஆகியவற்றையும் பறிமுதல் செய்தனர். இது தொடர்பாக 3பேரிடம் விசாரணை நடத்தி வருகின்றனர்.
