search icon
என் மலர்tooltip icon

    செய்திகள்

    அரசு ஊழியர்கள் போராட்டத்தை கைவிட்டு வேலைக்கு திரும்புங்கள்: ஜாக்டோ-ஜியோ நிர்வாகிகள் வேண்டுகோள்
    X

    அரசு ஊழியர்கள் போராட்டத்தை கைவிட்டு வேலைக்கு திரும்புங்கள்: ஜாக்டோ-ஜியோ நிர்வாகிகள் வேண்டுகோள்

    அரசு ஊழியர்கள் மற்றும் ஆசிரியர்கள் தங்களது போராட்டத்தை கைவிட்டு வேலைக்கு திரும்புங்கள் என ஜாக்டோ-ஜியோ நிர்வாகிகள் வேண்டுகோள் விடுத்துள்ளனர்.

    மதுரை:

    மதுரை ஐகோர்ட்டு கிளை எச்சரிக்கையை தொடர்ந்து கடந்த 8 நாட்களாக அரசு ஊழியர்கள்- ஆசிரியர்கள் நடத்தி வந்த வேலை நிறுத்த போராட்டம் முடிவுக்கு வந்தது.

    இதனையடுத்து மதுரை ஐகோர்ட்டு வளாகத்தில் ஜாக்டோ-ஜியோ கூட்டமைப்பு குழு ஒருங்கிணைப்பாளர் சுப்பிரமணியன், மோசஸ், தாஸ் ஆகியோர் நிருபர்களுக்கு கூட்டாக பேட்டி அளித்தனர்.

    மதுரை ஐகோர்ட்டு கிளை அறிவுறுத்தலின்பேரில் எங்கள் போராட்டத்தை தற்காலிகமாக வாபஸ் பெற்று உள்ளோம். எனவே அரசு ஊழியர்கள்- ஆசிரியர்கள் தங்களது போராட்டத்தை கைவிட்டு இன்று மதியம் 2 மணிக்கு மேல் வேலைக்கு திரும்பு மாறு கேட்டுக் கொள்கிறோம்.

    நீதிபதிகள் முன்னிலையில் எங்களுடையே கோரிக்கைகளை தெவித்தோம். அதனை ஏற்றுக் கொண்ட நீதிமன்றம் நீதிபதிகள் முன்னிலையில் அரசின் தலைமை செயலாளரும், ஜாக்டோ - ஜியோ நிர்வாகிகளும் வருகிற 21-ந் தேதி பேச்சு வார்த்தை நடத்த ஏற்பாடு செய்யப்பட்டு உள்ளது.

    அப்போது எங்களுடைய நியாயமான கோரிக்கைகளை தெரிவிப்போம். இதற்கு தீர்வு காணாத பட்சத்தில் எங்களுடைய கூட்டமைப்பு கூடி அதற்கு பின்னர் எடுக்க வேண்டிய நடவடிக்கை குறித்து முடிவு செய்யப்படும்.

    இவ்வாறு அவர்கள் கூறினர்.

    Next Story
    ×