முத்தரப்பு ஒருநாள் கிரிக்கெட்: இலங்கையை வீழ்த்தியது ஜிம்பாப்வே
Tri Nation Cricket zimbabwe beats sri lanka
வங்காள தேசத்தில் வங்காள தேசம், இலங்கை, ஜிம்பாப்வே அணிகளுக்கு இடையிலான முத்தரப்பு ஒருநாள் கிரிக்கெட் தொடர் நடைபெற்று வருகிறது.
இன்று நடைபெற்ற போட்டியில் இலங்கை - ஜிம்பாப்வே அணிகள் மோதின. டாஸ் வென்ற இலங்கை அணி பீல்டிங் தேர்வு செய்தது. அதன்படி முதலில் களமிறங்கிய ஜிம்பாப்வே 6 விக்கெட் இழப்பிற்கு 290 ரன்கள் குவித்தது. தொடக்க வீரர் மசகட்சா 73 ரன்னும், சிகந்தர் ரசா அவுட்டாகாமல் 81 ரன்னும் எடுத்தனர்.
பின்னர் 291 ரன்கள் எடுத்தால் வெற்றி என்ற இலக்குடன் இலங்கை களம் இறங்கியது. தொடக்க வீரர் குசால் பெரேரா 80 ரன்களும், கேப்டன் மேத்யூஸ் 42 ரன்னும், திசாரா பேரேரா 37 பந்தில் 64 ரன்களும் எடுத்தனர்.
இருந்தாலும் ஜிம்பாப்வே அணியின் நேர்த்தியான பந்து வீச்சால் இலங்கை அணி 48.1 ஓவரில் 278 ரன்கள் எடுத்து ஆல்அவுட் ஆனது. இதனால் ஜிம்பாப்வே அணி 12 ரன்கள் வித்தியாசத்தில் வெற்றி பெற்றது. #ZIMvSL
