என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
U19 உலகக்கோப்பை கிரிக்கெட்: 100 ரன்கள் வித்தியாசத்தில் ஆஸி.யை வீழ்த்தியது இந்தியா
Byமாலை மலர்14 Jan 2018 8:26 AM GMT (Updated: 14 Jan 2018 8:53 AM GMT)
U19 உலகக்கோப்பை கிரிக்கெட் தொடரில் ஆஸ்திரேலியாவுக்கு எதிரான லீக் ஆட்டத்தில் இந்தியா அணி 100 ரன்கள் வித்தியாசத்தில் வெற்றி பெற்றுள்ளது. #U19cwc #U19worldcup #INDvAUS
வெல்லிங்டன்:
U19 உலகக்கோப்பை கிரிக்கெட் தொடர் நியூசிலாந்தில் நேற்று தொடங்கியது. இன்றைய தினம் நான்கு லீக் ஆட்டங்கள் நடைபெற்றன. ‘டி’ பிரிவின் லீக் ஆட்டத்தில் இந்தியா - ஆஸ்திரேலியா அணிகள் விளையாடி வருகின்றன.
இதில் டாஸ் வென்ற இந்திய அணி கேப்டன் பிரித்வி ஷா பேட்டிங் தேர்வு செய்தார். இந்திய அணியின் தொடக்க ஆட்டக்காரர்களாக பிரித்வி ஷாவும், மன்ஜோத் கல்ராவும் களமிறங்கினர். இருவரும் சிறப்பாக விளையாடி அரைசதம் அடித்தனர். தொடர்ந்து சிறப்பாக விளையாடிய பிரித்வி ஷா 100 பந்துகளில் 94 ரன்கள் (8 பவுண்டரி, 2 சிக்ஸர்) எடுத்து ஆட்டமிழந்தார். இந்த ஜோடி முதல் விக்கெட்டுக்கு 180 ரன்கள் சேர்த்தது.
அவரைத்தொடர்ந்து கல்ராவும் 86 ரன்கள் (99 பந்து, 12 பவுண்டரி, ஒரு சிக்ஸர்) எடுத்து ஆட்டமிழந்தார். அதன்பின் களமிறங்கிய ஷுப்மன் கில் 63 ரன்கள் எடுத்து ஆட்டமிழந்தார். மற்றவர்கள் பெரிதாக ரன்குவிக்க தவறியதையடுத்து இந்தியா, 50 ஓவர்கள் முடிவில் 7 விக்கெட் இழப்பிற்கு 328 ரன்கள் எடுத்தது. கம்லேஷ் நகர்கோட்டி 11 ரன்களுடனும், ஆர்யன் ஜுயால் 8 ரன்களுடனும் களத்தில் இருந்தனர்.
ஆஸ்திரேலியா அணி பந்துவீச்சில் ஜாக் எட்வர்ட்ஸ் நான்கு விக்கெட்களும், வில் சுதர்லாண்ட், பரம் உப்பல், ஆஸ்டின் வாக் தலா ஒரு விக்கெட் வீழ்த்தினர். இதன்மூலம் இந்திய அணி 329 ரன்களை ஆஸ்திரேலியா அணிக்கு இலக்காக நிர்ணயித்தது.
இதையடுத்து ஆஸ்திரேலியா அணி இன்னிங்சை தொடங்கியது, அந்த அணியின் தொடக்க ஆட்டக்காரர்களாக ஜாக் எட்வட்சும், மேக்ஸ் பிரயண்டும் களமிறங்கினர். எட்வர்ட்ஸ் நிலைத்துநின்று விளையாடினார். எதிர்முனையில் விளையாடிய மெக்ஸ் பிரயண்ட் 29 ரன்களிலும், அவரைத்தொடர்ந்து களமிறங்கிய ஜேசன் சங்கா 14 ரன்களிலும் ஆட்டமிழந்தனர். அதன்பின் எட்வட்சுடன், ஜொனதன் மெர்லோ ஜோடி சேர்ந்தார்.
சிறப்பாக விளையாடிய எட்வர்ட்ஸ் அரைசதம் அடித்தார். மெர்லோ சற்று நிலைத்துநின்று ஆடி 38 ரன்கள் எடுத்து ஆட்டமிழந்தார். அதன்பின் வந்தவர்கள் இந்திய அணியினரின் பந்துவீச்சுக்கு தாக்குபிடிக்க முடியாமல் அடுத்தடுத்து ஆட்டமிழந்தனர். பரம் உப்பல் 4 ரன்களிலும், ஆஸ்டின் வாக் 6 ரன்களிலும், வில் சுதர்லாண்ட் 10 ரன்களிலும் ஆட்டமிழந்தனர். சிறப்பாக விளையாடிய ஜாக் எட்வர்ட்ஸ் 73 ரன்களில் ஆட்டமிழந்தார்.
சேவியர் பார்லெட் 7 ரன்களிலும், ஜேசன் ரால்ட்சன் 3 ரன்னிலும் ஆட்டமிழந்தனர். பேக்ஸ்டர் ஹோல்ட் நிதானமாக விளையாடி39 ரன்கள் எடுத்து இறுதி விக்கெட்டாக ஆட்டமிழந்தார். ஆஸ்திரேலியா அணி 42.5 ஓவர்களில் 228 ரன்களுக்கு ஆல் அவுட் ஆனது. இதன்மூலம் இந்தியா 100 ரன்கள் வித்தியாசத்தில் வெற்றி பெற்றது. #U19cwc #U19worldcup #INDvAUS
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X