ஆஸ்திரேலியாவுக்கு எதிரான முதல் ஒருநாள் கிரிக்கெட்: இங்கிலாந்து டாஸ் வென்று பந்துவீச்சு தேர்வு

மெல்போர்ன்:

ஆஸ்திரேலியாவுக்கு எதிரான முதல் ஒருநாள் கிரிக்கெட் போட்டியில் டாஸ் வென்ற இங்கிலாந்து அணி பந்துவீச்சை தேர்வு செய்துள்ளது.

ஆஸ்திரேலியா சென்றுள்ள இங்கிலாந்து அணி முதலில் ஐந்து போட்டிகள் கொண்ட ஆஷஸ் டெஸ்ட் தொடரில் விளையாடியது. இந்த தொடரை ஆஸ்திரேலியா அணி 4-0 என கைப்பற்றியது. அதைத்தொடர்ந்து இரு அணிகளுக்கு இடையேயான ஒருநாள் தொடர் இன்று தொடங்கியது. 

ஆஸ்திரேலியா அணி: டேவிட் வார்னர், ஆரோன் பிஞ்ச், ஸ்டீவன் ஸ்மித் (கேப்டன்), டிராவிஸ் ஹெட், மிட்செல் மார்ஷ், மார்கஸ் ஸ்டோயின்ஸ், டிம் பெயின் (விக்கெட்கீப்பர்), மிட்செல் ஸ்டார்க், பாட் கம்மின்ஸ், ஆண்ட்ரூ டை, ஆடம் சாம்பா

இங்கிலாந்து அணி: ஜேசன் ராய், ஜானி பேர்ஸ்டோ, அலெக்ஸ் ஹேல்ஸ், ஜோ ரூட், இயான் மார்கன் (கேப்டன்), ஜோஸ் பட்லர் (விக்கெட்கீப்பர்), மோயீன் அலி, கிறிஸ் வோக்ஸ், அடில் ரஷித், லியாம் பிளங்கீட், மார்க் உட்

முதல் ஒருநாள் போட்டியில் டாஸ் வென்ற இங்கிலாந்து அணி கேப்டன் இயான் மார்கன் பந்துவிச்சை தேர்வு செய்தார். இதையடுத்து ஆஸ்திரேலியா அணி முதலில் களமிறங்கியது. தொடக்க ஆட்டக்காரர்களாக ஆரோன் பிஞ்ச் மற்றும் டேவிட் வார்னர் களமிறங்கினர். வார்னர் 2 ரன்கள் மட்டுமே எடுத்திருந்த நிலையில் மார்க் உட் பந்தில் ஆட்டமிழந்தார். ஆஸ்திரேலியா அணி 4 ஓவர்கள் முடிவில் ஒரு விக்கெட் இழப்பிற்கு 20 ரன்கள் எடுத்துள்ளது. பிஞ்ச் 16 ரன்களுடனும், ஸ்மித் ரன் ஏதும் எடுக்காமலும் களத்தில் உள்ளனர். #AUSvsENG #MelbourneODI