இந்திய டெஸ்ட் கிரிக்கெட் அணி கடந்த ஒன்றரை ஆண்டுகளாக சிறப்பான ஆட்டத்தை வெளிப்படுத்தி வருகிறது. தொடர்ச்சியான 8 தொடர்களை வென்றுள்ளது. இந்நிலையில் இந்தியா - இலங்கை அணிகளுக்கு இடையிலான மூன்று போட்டிகள் கொண்ட டெஸ்ட் கிரிக்கெட் தொடர் இன்று கொல்கத்தா ஈடன் கார்டன் மைதானத்தில் தொடங்கியது. இந்த தொடரை இந்தியா வெல்ல வாய்ப்புள்ளது.
இலங்கை தொடர் முடிந்தவுடன் இந்தியா தென்ஆப்பிரிக்கா செல்கிறது. அங்கு மூன்று போட்டிகள் கொண்ட டெஸ்ட், 6 போட்டிகள் கொண்ட ஒருநாள் மற்றும் மூன்று போட்டிகள் கொண்ட டி20 கிரிக்கெட் தொடர்களில் விளையாடுகிறது.
இந்த தொடர்தான் இந்திய அணிக்கு உண்மையான சவாலாக இருக்கும் என இலங்கை அணியின் முன்னாள் பேட்ஸ்மேன் அர்னால்டு தெரிவித்துள்ளார்.
இதுகுறித்து அர்னால்டு கூறுகையில் ‘‘இந்தியா வலுவான அணி. அவர்கள் தற்போதைய நிலையில் தொடர்ந்து, சிறப்பான ஆட்டத்தை வெளிப்படுத்த முயற்சி செய்வார்கள். ஏனென்றால், தென்ஆப்பிரிக்காவில் உண்மையான சவால் காத்திருக்கிறது’’ என்றார்.
