இந்திய கிரிக்கெட் அணி சமீப காலமாக சிறப்பான ஆட்டத்தை வெளிப்படுத்தி வருகிறது. சாம்பியன்ஸ் டிராபி கிரிக்கெட் தொடரைத் தவிர மற்ற எந்த தொடர்களையும் இழக்கவில்லை இந்நிலையில் இந்திய அணியின் தொடர் வெற்றிக்கான ரகசியத்தை ரோகித் சர்மா வெளிப்படுத்தியுள்ளார்.
இந்திய அணியின் தொடர் வெற்றி குறித்து ரோகித் சர்மா கூறுகையில் ‘‘இந்திய அணி சமீப காலமாக சிறப்பாக விளையாடிக் கொண்டிருப்பதற்கு, ஒவ்வொரு வீரர்களும் காரணம். அனைவரும் இதன் பெருமை சேரும்.
நாட்டிற்கோ அல்லது சொந்த ஊருக்காகவோ நீங்கள் விளையாடும்போது, ஒவ்வொரு போட்டியிலும் வெற்றி பெற வேண்டும். அது எளிதான பணி அல்ல. நாங்கள் ஒன்றன்பின் ஒன்றாக 6 தொடர்களை வென்றுள்ளோம். இதற்கு அணியின் ஒற்றுமையே காரணம்.
அணி வெற்றி பெற வேண்டும் என்ற விரும்பினால் ஒன்றிரண்டு வீரர்கள் மட்டும் சிறப்பாக விளையாடினால் போதாது. அனைத்து வீரர்களும் சிறந்த ஆட்டத்தை வெளிப்படுத்த வேண்டும். இதை நோக்கிதான் நாங்கள் சென்று கொண்டிருக்கிறோம். தற்போது அணி சிறந்தது என்று நினைக்கிறேன்’’ என்றார்.
