search icon
என் மலர்tooltip icon

    செய்திகள்

    U-17 உலகக்கோப்பை கால்பந்து: ஈரான், நைஜர் அணிகள் வெற்றி
    X

    U-17 உலகக்கோப்பை கால்பந்து: ஈரான், நைஜர் அணிகள் வெற்றி

    இந்தியாவில் 17 வயதிற்குட்பட்டோருக்கான உலகக்கோப்பை கால்பந்து தொடர் 6-ம் தேதி தொடங்கியது. நேற்றைய 2-வது நாளில் நான்கு லீக் ஆட்டங்கள் நடைபெற்றன.
    புதுடெல்லி:

    இந்தியாவில் 17 வயதிற்குட்பட்டோருக்கான உலகக்கோப்பை கால்பந்து தொடர் 6-ம் தேதி தொடங்கியது. நேற்றைய 2-வது நாளில் நான்கு லீக் ஆட்டங்கள் நடைபெற்றன.

    கோவாவில் 5 மணிக்கு தொடங்கிய முதல் லீக் ஆட்டத்தில் ‘சி’ பிரிவில் இடம்பிடித்துள்ள ஜெர்மனி - கோஸ்டாரிகா அணிகள் மோதின. இப்போட்டியில் ஜெர்மனி 2-1 என்ற கோல் கணக்கில் வெற்றி பெற்றது.

    கொச்சியில் 5 மணிக்கு தொடங்கிய மற்றொரு ஆட்டத்தில் ‘டி’ பிரிவில் இடம்பிடித்துள்ள பிரேசில் - ஸ்பெயின் அணிகள் மோதின. இப்போட்டியில் பிரேசில் 2-1 என்ற கோல் கணக்கில் வெற்றி பெற்றது.

    கோவாவில் 8 மணிக்கு தொடங்கிய லீக் ஆட்டத்தில் ‘சி’ பிரிவில் இடம்பிடித்துள்ள ஈரான் - கினியா அணிகள் பலப்பரீட்சை செய்தன. இப்போட்டியின் முதல் பாதியில் இரு அணிகளும் கோல் அடிக்கவில்லை. 2-வது பாதி நேரத்தில் ஆட்டத்தின் 59-வது நிமிடத்தில் ஈரானின் அலாஹியர் சையத் முதல் கொல் அடித்து அந்த அணிக்கு முன்னிலை கொடுத்தார்.



    அடுத்து ஈரான் அணியின் மொஹமது ஷரிபி 70-வது நிமிடத்திலும், சையித் கரிமி 90-வது நிமிடத்திலும் கோல் அடித்தனர். இதன்மூலம் ஈரான் அணி 3-0 என முன்னிலை பெற்றது. கூடுதலாக வழங்கப்பட்ட நேரத்தில் கினியாவின் ஃபண்ட்ஜே டூரே ஆறுதல் கோல் அடித்தார். இறுதியில் ஈரான் அணி 3-1 என்ற கோல் கணக்கில் வெற்றி பெற்றது.

    கொச்சியில் நடைபெற்ற மற்றொரு ஆட்டத்தில் ‘டி’ பிரிவில் இடம்பிடித்துள்ள வடகொரியா - நைஜர் அணிகள் மோதின. இப்போட்டியின் முதல் பாதியில் இரு அணியினரும் கோல் அடிக்கவில்லை. தொடர்ந்து நடைபெற்ற 2-வது பாதி நேரத்தில் ஆட்டத்தின் 59-வது நிமிடத்தில் நைஜரின் சலிம் கொல் அடித்தார். அதன்பின்னர் இரு அணியினரும் கோல் அடிக்கவில்லை. இதனால் நைஜர் 1-0 என வெற்றி பெற்றது.

    இன்று நடைபெறும் ‘ஈ’ பிரிவு லீக் போட்டிகளில் நியூ கலிடோனியா - பிரான்ஸ், ஹாண்டுரஸ் - ஜப்பான் அணிகளும், ‘எஃப்’ பிரிவு லீக் போட்டிகளில் சிலி - இங்கிலாந்து, ஈராக் - மெக்சிகோ அணிகளும் பலப்பரீட்சை செய்கின்றன.
    Next Story
    ×