search icon
என் மலர்tooltip icon

    செய்திகள்

    U-17 உலகக்கோப்பை கால்பந்து: ஜெர்மனி, பிரேசில் அணிகள் வெற்றி
    X

    U-17 உலகக்கோப்பை கால்பந்து: ஜெர்மனி, பிரேசில் அணிகள் வெற்றி

    17 வயதிற்கு உட்பட்டோருக்கான உலகக்கோப்பை கால்பந்து தொடரின் இன்றைய ஆட்டத்தில் ஜெர்மனி கோஸ்டாரிகாவையும், பிரேசில் ஸ்பெயின் அணியையும் வீழ்த்தின.
    இந்தியாவில் 17 வயதிற்குட்பட்டோருக்கான உலகக்கோப்பை கால்பந்து தொடர் நேற்று தொடங்கியது. இன்றைய 2-வது நாளில் நான்கு லீக் ஆட்டங்கள் நடைபெறுகின்றன.

    கோவாவில் நடைபெற்ற முதல் லீக் ஆட்டத்தில் ‘சி’ பிரிவில் இடம்பிடித்துள்ள ஜெர்மனி - கோஸ்டாரிகா அணிகள் மோதின. ஆட்டத்தின் 21-வது நிமிடத்தில் ஜெர்மனியின் ஏஆர்பி முதல் கோலை பதிவு செய்தார். அதன்பின் இரு அணி வீரர்களும் முதல் பாதி நேரத்தில் கோல் அடிக்கவில்லை.

    2-வது பாதி நேரத்தில் ஆட்டத்தின் 64-வது நிமிடத்தில் கோஸ்டாரிகாவின் ஏ. கோமஸ் கோல் அடிக்க ஸ்கோர் 1-1 என சமநிலை ஆனது. அதன்பின் இரு அணி வீரர்களும் கோல்கள் அடிக்க முயற்சி செய்தனர். அதற்கு பலன் கிட்டவில்லை. இதனால் போட்டி டிராவில் முடியும் என எதிர்பார்க்கப்பட்டது. ஆனால், 89-வது நிமிடத்தில் ஜெர்மனியின் அவுக்கு கோல் அடிக்க ஜெர்மனி 2-1 என வெற்றி பெற்றது.

    கொச்சியில் நடைபெற்ற மற்றொரு ஆட்டத்தில் ‘டி’ பிரிவில் இடம்பிடித்துள்ள பிரேசில் - ஸ்பெயின் அணிகள் மோதின. ஆட்டத்தின் 5-வது நிமிடத்தில் ஸ்பெயின் அணிக்கு ஓன்-கோல் மூலம் ஒரு கோல் கிடைத்தது.


    கோல் அடித்த மகிழ்ச்சியில் பிரேசில் வீரர்கள்

    பின்னர் 25-வது நிமிடத்தில் பிரேசில் அணியின் லின்கோல் ஒரு கோலும், முதல் பாதி நேரத்தின் காயம் மற்றும் ஆட்டம் நிறுத்தம் ஆகியவற்றை கணக்கில் கொண்டு வழங்கப்பட்ட கூடுதல் நேரத்தில் (46-வது நிமிடத்தில்) பவுலினோ ஒரு கோலும் அடிக்க முதல் பாதி நேரத்தில் பிரேசில் 2-1 என முன்னிலைப் பெற்றது. 2-வது பாதி நேரத்தில் இரு அணிகளும் கோல் அடிக்கவில்லை. இதனால் பிரேசில் 2-1 என வெற்றி பெற்றது.

    கோவாவில் 8 மணிக்கு தொடங்கும் போட்டியில் ‘சி’ பிரிவில் இடம்பிடித்துள்ள ஈரான் - கினியா அணிகளும், கொச்சியில் ‘டி’ பிரிவில் இடம்பிடித்துள்ள கொரியா - நைஜர் அணிகளும் மோதுகின்றன.
    Next Story
    ×