என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
ஜப்பான் ஓபன் பேட்மிண்டன்: முதல் சுற்றில் சாய்னா, சிந்து, ஸ்ரீகாந்த், பிரனோய் வெற்றி
Byமாலை மலர்20 Sep 2017 12:32 PM GMT (Updated: 20 Sep 2017 12:32 PM GMT)
ஜப்பான் ஓபன் பேட்மிண்டன் தொடரின் முதல் சுற்று ஆட்டங்களில் இந்தியவைச் சேர்ந்த சாய்னா நேவால், பி.வி.சிந்து, கிடாம்பி ஸ்ரீகாந்த், பிரனோய் ஆகியோர் வெற்றி பெற்றனர்.
டோக்கியோ:
ரூ.2 கோடி பரிசுத் தொகைக்கான ஜப்பான் ஓபன் சூப்பர் சீரிஸ் பேட்மிண்டன் போட்டி ஜப்பான் தலைநகர் டோக்கியோவில் இன்று தொடங்கியது.
இன்று நடைபெற்ற பெண்கள் ஒற்றையர் பிரிவு முதல் சுற்று ஆட்டத்தில் உலக தர வரிசையில் 4-வது இடத்தில் இருக்கும் பி.வி.சிந்து, 19-ம் நிலை வீராங்கனை மினாட்சு மிதானியை (ஜப்பான்) எதிர்கொண்டார். இப்போட்டியில் 12-21, 21-15, 21-17 என்ற செட் கணக்கில் பி.வி.சிந்து வெற்றி பெற்றார். அவர் அடுத்த சுற்றில் உலக சாம்பியன் நஜோமி ஒகுஹராவை எதிர்கொள்கிறார்.
இதே பிரிவில் நடைபெற்ற மற்றொரு முதல் சுற்று ஆட்டத்தில் உலக தர வரிசையில் 12-வது இடத்தில் இருக்கும் சாய்னா நேவால், 25-ம் நிலை வீராங்கனையான தாய்லாந்தின் பொம்பாவீ சோசுவாங்கை சந்தித்தார். இப்போட்டியில் சாய்னா, 21-17, 21-9 என்ற நேர் செட்களில் வென்று இரண்டாம் சுற்றுக்கு தகுதிபெற்றார். அடுத்த சுற்றில் அவர் ஒலிம்பிக் சாம்பியன் கரோலின் மரினை (ஸ்பெயின்) சந்திக்கிறார்.
ஆண்கள் ஒற்றையர் பிரிவின் முதல் சுற்று ஆட்டத்தில் இந்திய வீரர் கிடாம்பி ஸ்ரீகாந்த் - சீனாவின் ஹவுவே தியானை எதிர்கொண்டார். இப்போட்டியில் 21-15, 12-21, 21-11 என்ற செட் கணக்கில் ஸ்ரீகாந்த், சீன வீரரை வீழ்த்தி அடுத்த சுற்றுக்கு தகுதிபெற்றார்.
இதே பிரிவில் நடைபெற்ற மற்றொரு போட்டியில் இந்தியாவின் பிரனோய் - டென்மார்க்கின் அண்டோன்சன் மோதினர். இப்போட்டியில் தொடக்கம் முதலே ஆதிக்கம் செலுத்திய பிரனோய், 21-12, 21-14 என்ற நேர் செட்களில் வென்றார்.
மற்றொரு முதல் சுற்று போட்டியில் இந்தியாவின் சாய் பிரணீத், கொரியாவின் டாங் கியூன் லீயிடம் 23-21, 17-21, 14-21 என்ற செட் கணக்கில் தோல்வியடைந்து தொடரைவிட்டு வெளியேறினார்.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X