இந்திய அணியின் கேப்டனாக இருக்கும் விராட் கோலி தலைசிறந்த கேப்டனாக திகழந்து வருகிறார். இவரது தலைமையில் இந்தியா தோல்விகளை சந்திக்காமல் 8 தொடர்களில் வெற்றியை ருசித்துள்ளது. இருந்தாலும் தென்ஆப்பிரிக்கா, இங்கிலாந்து மற்றும் ஆஸ்திரேலியா நாடுகளில் இந்தியா விளையாடும்போதுதான் அவரது கேப்டன் பதவி குறித்த திறமை பரிசோதிக்கப்படும் என கூறப்பட்டு வருகிறது.
கேப்டன் பதவியில் சவால்களை சந்தித்து விராட் கோலி வெற்றிகளை குவிப்பார் என்று ஆஸ்திரேலியா முன்னாள் வீரர் மைக் ஹசி தெரிவித்துள்ளார்.
இதுகுறித்து மைக் ஹசி கூறுகையில் ‘‘கோலியின் கேப்டனை பதவியை நான் எப்போதும் ரசிப்பேன். அணி வெற்றி பெறுவதற்கான எல்லாவைற்றையும் பெற்றுள்ளார். ரிக்கி பாண்டிங்கின் கேப்டன் பணியை கோலியிடம் என்னால் பார்க்க முடியும்.
ரிக்கி பாண்டிங் அணி வெற்றி பெற்றுக் கொண்டே இருக்க வேண்டும் என்ற தீராத பசியில் இருப்பார். அந்த இலக்கை நோக்கி அணியை தள்ளிச் செல்வார். டோனி சிறந்த கேப்டன். அவரது சாதனைகளை எட்டுவதற்கு விராட் கோலி பெரிய சவாலாக இருக்கும்.
ஆனால், ஒரு சிறந்த விஷயம், டோனியின் முறையை விராட் கோலி பின்பற்றமாட்டார். அவர் ஒரு தனி மனிதன். அவர் வழியில் அணியை வழிநடத்திச் செல்வார். அவர் தன்னுடைய சொந்த ஆளுமைக்கு உண்மையாக இருக்கிறார்’’ என்றார்.
