கோடைகாலத்தில் போட்டிகளை இரவில் நடத்துங்கள்: ஸ்பெயின் கால்பந்து வீரர்கள் சங்கம் கோரிக்கை

ஐரோப்பிய நாடுகளில் கால்பந்து விளையாட்டு மிகப்பிரபலம். ஸ்பெயினில் கால்பந்து கிளப் அணிகளுக்கு இடையிலான முதன்மை தொடராக ‘லா லிகா’ இருந்து வருகிறது. இந்த தொடர் கடந்த வாரத்துடன் முடிந்தது. ஆனால், 2-ம் நிலை தொடரான செகுந்ரா டிவிஷனில் இன்னும் மூன்று வார போட்டிகள் உள்ளன. அதேபோல் நான்கு பிளே-ஆஃப் போட்டிகளும் உள்ளன.

தற்போது ஸ்பெயினில் அதிகபட்ச வெயில் கொளுத்துகிறது. மாட்ரிட்டில் 33 டிகிரி செல்சியஸாகவும், செவிலேயில் 30 டிகிரி செல்சியஸ் அளவிலும் வெயில் பதிவாகியுள்ளது.

செகுந்தரா டிவிஷன் போட்டிகள் மதியம் 3 மணியளவில் நடத்தப்பட்டு வருகிறது. அப்போது வீரர்கள் மற்றும் ரசிகர்கள் கடுமையான வெயிலால் தாக்கப்படுவார்கள். இதனால் போட்டியை இரவில் நடத்துவதற்கு ஏற்பாடு செய்ய வேண்டும் என்று கோரிக்கை விடுத்துள்ளது ஸ்பெயின் கால்பந்து வீரர்கள் சங்கம்.