ஐ.பி.எல். தொடரின் 23-வது லீக் போட்டி கொல்கத்தா ஈடன் கார்டன் மைதானத்தில் நடைபெற்று வருகிறது. இதில் கொல்கத்தா நைட் ரைடர்ஸ், குஜராத் லயன்ஸ் அணிகள் விளையாடிவருகின்றன. குஜராத் லயன்ஸ் அணி கேப்டன் ரெய்னா டாஸ் வென்று பீல்டிங் தேர்வு செய்தார்.
அதன்படி கொல்கத்தா நைட் ரைடர்ஸ் அணியின் சுனில் நரைன், காம்பீர் ஆகியோர் தொடக்க வீரர்களாக களம் இறங்கினார்கள். சுனில் நரைன் 17 பந்தில் 9 பவுண்டரி, 1 சிக்சர் உடன் 42 ரன்கள் குவித்து ஆட்டம் இழந்தார். அடுத்து வந்த உத்தப்பா அதிரடி ஆட்டம் காட்ட, மறுமுனையில் காம்பீர் 28 பந்தில் 33 ரன்னோடு வெளியேறினார்.
உத்தப்பா 48 பந்தில் 8 பவுண்டரி, 2 சிக்சருடன் 72 ரன்கள் குவித்து ஆட்டம் இழந்தார். யூசுப் பதான் 4 பந்தில் 11 ரன்கள் எடுத்து ஆட்டமிழக்காமல் இருக்க, கொல்கத்தா நைட் ரைடர்ஸ் அணி 20 ஓவர் முடிவில் 5 விக்கெட் இழப்பிற்கு 187 ரன்கள் குவித்துள்ளது.
பின்னர் 188 ரன்கள் எடுத்தால் வெற்றி என்ற இலக்குடன் குஜராத் லயன்ஸ் அணி பேட்டிங் செய்து வருகிறது.
