மான்ட்கார்லோ டென்னிஸ்: ஜோகோவிச் போராடி வெற்றி

மான்ட்கார்லோ :

பிரெஞ்ச் ஓபனுக்கு முன்னோட்டமாக மான்ட்கார்லோ மாஸ்டர்ஸ் சர்வதேச டென்னிஸ் போட்டி மொனாக்கோவில் நடந்து வருகிறது. இது களிமண் தரையில் நடக்கும் போட்டியாகும்.

இதில் பங்கேற்றுள்ள 2-ம் நிலை வீரரும், முன்னாள் சாம்பியனுமான நோவக் ஜோகோவிச் (செர்பியா) நேரடியாக 2-வது சுற்றில் பிரான்சின் ஜிலெஸ் சிமோனை நேற்று எதிர்கொண்டார்.



2 மணி 31 நிமிடங்கள் நீடித்த விறுவிறுப்பான இந்த மோதலில் ஜோகோவிச் 6-3, 3-6, 7-5 என்ற செட் கணக்கில் போராடி வெற்றி பெற்று 3-வது சுற்றை எட்டினார்.

மற்றொரு ஆட்டத்தில் தரவரிசையில் 56-வது இடம் வகிக்கும் பிரான்சின் அட்ரியன் மானரினோ 6-7 (3), 6-2, 6-3 என்ற செட் கணக்கில் தரவரிசையில் 10-வது இடத்தில் உள்ள சக நாட்டவர் சோங்காவுக்கு அதிர்ச்சி அளித்தார்.