கால்பந்து முன்னணி கிளப் அணிகளில் ஒன்று பார்சிலோனா. மெஸ்சி, நெய்மர், சுவாரஸ் போன்ற தலைசிறந்த வீரர்கள் விளையாடி வருகிறார்கள். கடந்த வாரம் நடைபெற்ற லா லிகா தொடரில் மலாகாவிற்கு எதிரான போடடியில் 0-2 என தோல்வியடைந்தது. அதன்பின் ஐரோப்பிய சாம்பியன்ஸ் லீக் காலிறுதி முதல் லெக்கில் யுவான்டஸ் அணி பார்சிலோனாவை 3-0 என வீழ்த்தியது.
இந்நிலையில் நேற்று லா லிகாகவில் ரியல் சோசியேடாட் அணியை பார்சிலோனா எதிர்கொண்டது. இதில் பார்சிலோனா 3-2 என வெற்றி பெற்றது. நட்சத்திர வீரர் மெஸ்சி இரண்டு கோல்கள் அடித்ததுடன், 3-வது கோல் அடிக்க உதவிகரமாகவும் இருந்தார்.
இரண்டு தோல்விக்குப்பின் இந்த வெற்றி பார்சிலோனாவிற்கு புத்துணர்ச்சியை அளித்துள்ளது. பார்சிலோனா அடுத்து லா லிகாவில் ரியல் மாட்ரிட் அணியையும், ஐரோப்பிய சாம்பியன் லீக் 2-வது லெக்கில் யுவான்டசையும் எதிர்கொள்கிறது.
ரியல் மாட்ரிட் ஸ்போர்ட்டிங் சிஜோனுக்கு எதிராக போட்டியில் 3-2 என வெற்றி பெற்றுள்ளது.
