பேட்மிண்டன் உலகத் தரவரிசையில் முன்னாள் நம்பர் ஒன் வீராங்கனையும், ஒலிம்பிக்கில் வெண்கல பதக்கம் வென்றவருமான சாய்னா நேவால் மலேசியா மாஸ்டர்ஸ் கிராண்ட் பிரிக்ஸ் கோல்டு பேட்மிண்டன் தொடரின் 2-வது சுற்றில் இந்தோனேசியாவின் ஹன்னா ரமாடினியை எதிர்கொண்டார். இதில் சாய்னா நேவால் 21-17, 21-12 என நேர்செட் கணக்கில் வெற்றி பெற்று காலிறுதிக்கு முன்னேறினார்.
ஆண்களுக்கான 2-வது சுற்றில் இந்திய வீரர் அஜய் ஜெயராம் சீன தைபே வீரர் எச்.எச். யியை எதிர்கொண்டார். இந்த கடும் போராட்டத்திற்குப் பின் அஜய் ஜெயராம் 21-12, 15-21, 21-15 என வெற்றி பெற்று காலிறுதிக்கு முன்னேறினார்.
ஆனால், பெண்களுக்கான இரட்டையர் பிரிவில் இந்திய ஜோடியான அபர்ணா பாலன் - பிரஜக்தா சவாந்த் ஜோடி சீன தைபே ஜோடியிடம் தோல்வியடைந்தது.
ஆண்கள் இரட்டையர் பிரிவில் மனு அத்ரி - பி. சுமீத் ரெட்டி ஜோடி இந்தோனேசியா ஜோடியிடம் தோல்வியடைந்தது. மற்றொரு ஆண்கள் இரட்டையர் பிரிவில் எம்.ஆர். அர்ஜுன் - ராமச்சந்திரன் ஜோடியும் தோல்வியடைந்தது.
