பாகிஸ்தானுக்கு எதிரான ஒரு நாள் தொடர்: ஆஸ்திரேலிய ஆல்-ரவுண்டர் மிட்செல் மார்ஷ் நீக்கம்

மெல்போர்ன் :

மெல்போர்னில் நேற்று முன்தினம் நடந்த பாகிஸ்தானுக்கு எதிரான 2-வது ஒரு நாள் கிரிக்கெட் போட்டியில் ஆஸ்திரேலிய அணி 6 விக்கெட் வித்தியாசத்தில் தோல்வி அடைந்தது. இந்த ஆட்டத்தின் போது ஆஸ்திரேலிய ஆல்-ரவுண்டர் மிட்செல் மார்ஷ் தோள்பட்டையில் காயம் அடைந்தார்.

இதனால் தொடரில் எஞ்சிய போட்டிகளில் அவர் விளையாடமாட்டார் என்று ஆஸ்திரேலிய கிரிக்கெட் வாரியம் நேற்று அறிவித்தது. அவருக்கு பதிலாக ஆல்-ரவுண்டர் மார்கஸ் ஸ்டோனிஸ் சேர்க்கப்பட்டுள்ளார்.

இவ்விரு அணிகள் இடையிலான 3-வது ஒரு நாள் போட்டி பெர்த்தில் நாளை மறுதினம் நடக்கிறது.

கழுத்தில் காயத்தால் அவதிப்படும் ஆஸ்திரேலிய அதிரடி பேட்ஸ்மேன் கிறிஸ் லின் இந்த ஆட்டத்தில் மட்டும் விளையாடமாட்டார். இதை கருத்தில் கொண்டு பீட்டர் ஹேன்ட்ஸ்கோம்ப் ஏற்கனவே அணிக்கு அழைக்கப்பட்டிருப்பது குறிப்பிடத்தக்கது.