U18 ஆசியக் கோப்பை ஹாக்கி: பாகிஸ்தானை 3-1 என வீழ்த்தி இந்தியா இறுதிப் போட்டிக்குத் தகுதி

வங்காளதேச தலைநகர் டாக்காவில் 18 வயதிற்குபட்டோருக்கான ஹாக்கி தொடர் நடைபெற்று வருகிறது. இன்று நடைபெற்ற அரையிறுதிப் போட்டி ஒன்றில் இந்தியா - பாகிஸ்தான் அணிகள் பலப்பரீ்ட்சை நடத்தின.

ஆட்டம் தொடங்கியது முதல் இந்திய வீரர்கள் சிறப்பாக விளையாடினார்கள். இதனால் முதல் பாதி நேர ஆட்ட முடிவில் இந்தியா 2-0 என முன்னிலைப் பெற்றிருந்தது. 2-வது பாதி நேரம் ஆட்டம் தொடங்கிய பின்னரும் இந்தியாவின் கையே ஓய்கியது. மேலும், ஒரு கோல் அடித்து வலுவான நிலையில் இருந்தது. ஆட்டம் முடிவடைவதற்கு 10 நிமிடங்களுக்கு முன் பாகிஸ்தான் ஒரு கோல் அடித்தது. இதனால் இந்தியா 3-1 என பாகிஸ்தானை வீழ்த்தி இறுதிப் போட்டிக்கு முன்னேறியது.

மற்றொரு அரையிறுதியில் சீன தைபே அணியை வங்காள தேசம் 6-1 என வீழ்த்தியது. இதனால் நாளை நடைபெற இருக்கும் இறுதிப் போட்டியில் இந்தியா - வங்காள தேசம் அணிகள் பலப்பரீட்சை நடத்துகின்றன.