துபாய்:
பாகிஸ்தான்- வெஸ்ட் இண்டீஸ் அணிகள் மோதிய 2-வது 20 ஓவர் போட்டி துபாயில் நேற்று நடந்தது. ‘டாஸ்’ வென்ற வெஸ்ட் இண்டீஸ் அணி பீல்டிங்கை தேர்வு செய்தது.
முதலில் விளையாடிய பாகிஸ்தான் நிர்ணயிக்கப்பட்ட 20 ஓவர்களில் 4 விக்கெட் இழப்புக்கு 160 ரன் எடுத்தது. கேப்டன் சர்பிராஸ் அகமது 32 பந்தில் 46 ரன்னும் (5 பவுண்டரி), தொடக்க வீரர் காலித் லத்தீப் 36 பந்தில் 40 ரன்னும் (3 பவுண்டரி, 1 சிக்சர்), சோயிப்மாலிக் 28 பந்தில் 37 ரன்னும் எடுத்தனர்.
பின்னர் விளையாடிய உலக சாம்பியன் வெஸ்ட் இண்டீஸ் அணியால் 20 ஓவர்களில் 9 விக்கெட் இழப்புக்கு 144 ரன்னே எடுக்க முடிந்தது.
இதனால் பாகிஸ்தான் 16 ரன்னில் வெற்றி பெற்றது. சுனில் நரீன் அதிகபட்சமாக 17 பந்தில் 30 ரன்னும் (4 பவுண்டரி, 1 சிக்சர்), பிளட்சர்ன் 29 ரன்னும் எடுத்தனர். சோகைல் தன்வீர், ஹசன் அலி தலா 3 விக்கெட் வீழ்த்தினார்கள்.
வெஸ்ட் இண்டீஸ் அணி மீண்டும் தோல்வியை தழுவியது. நேற்று முன்தினம் நடந்த முதல் ஆட்டத்தில் அந்த அணி 9 விக்கெட் வித்தியாசத்தில் தோற்று இருந்தது. இந்த வெற்றி மூலம் 3 போட்டிகள் கொண்ட 20 ஓவர் தொடரை பாகிஸ்தான் 2-0 என்ற கணக்கில் கைப்பற்றியது.
இரு அணிகள் மோதும் 3-வது மற்றும் கடைசி 20 ஓவர் போட்டி வருகிற 27-ந்தேதி அபுதாபியில் நடக்கிறது.
