பேட்ஸ்மேன்களை பின்னுக்கு தள்ளிய அஸ்வின்

இந்த ஆண்டில் (2016) டெஸ்ட் கிரிக்கெட்டில் இந்திய தரப்பில் அதிக ரன்கள் எடுத்த பேட்ஸ்மேன் யார் தெரியுமா? தமிழகத்தை சேர்ந்த ஆர்.அஸ்வின் தான். அவர் 5 டெஸ்டில் 2 சதம் உள்பட 275 ரன்கள் சேர்த்து முதலிடம் வகிக்கிறார். பேட்ஸ்மேன்களை பின்னுக்கு தள்ளிவிட்டு பவுலரான அவர் பேட்டிங்கில் முத்திரை பதித்திருப்பது ஆச்சரியமான விஷயம் தான். லோகேஷ் ராகுல் 268 ரன்களும், ரஹானே 261 ரன்களும், கேப்டன் விராட் கோலி 260 ரன்களும் எடுத்துள்ளனர்.

2016-ம் ஆண்டில் பவுலிங்கிலும் இந்திய தரப்பில் அதிக விக்கெட்டுகள் வீழ்த்தியவர் அஸ்வின் தான். 17 விக்கெட்டுகள் கைப்பற்றி இருக்கிறார். மொத்தத்தில் அஸ்வின் சிறந்த ஆல்-ரவுண்டராக ஜொலித்து வருகிறார் என்பது தான் உண்மை.