தென்மேற்கு பருவமழை கேரளாவில் இந்த மாதம் தொடக்கத்தில் தொடங்கியது. வழக்கத்திற்கு மாறாக முன்கூட்டியே தொடங்கிய பருவமழைக் காரணமாக, இந்த வருடம் அதிக அளவில் மழை பெய்யும் என்று தெரிவித்துள்ளது. ஆனால், இன்றுவரை வழக்கமான மழையை விட 1 சதவீதம் குறைவாக பெய்துள்ளது.
வரும் நாட்களில் மழை அதிகரிக்கும் என்று கூறியுள்ள இந்திய வானிலை துறை, இன்னும் மூன்று நான்கு நாட்களில் பருவமழை டெல்லியை தாக்கும் என கூறியுள்ளது. அப்போது மிகமிக அதிக அளவில் மழை பெய்யும் என எச்சரித்துள்ளது.
மேலும், குறிப்பாக கோங்கன் மற்றும் கோவாவில் அதிக மழை பெய்யும் என தெரிவித்துள்ளது. டெல்லியை தாக்கும் அதே நேரத்தில் குஜராத், மத்திய பிரதேசம் மாநிலத்திலும் மழை பெய்யும் என்று அறிவித்துள்ளது.
கடற்கரை பகுதியான கர்நாடகா, உத்தரகாண்ட், சத்தீஸ்கர், குஜராத் பகுதிகள் மற்றும் கேரளாவில் நாளை அளவிற்கு அதிகமாக மழை பெய்யும் எனவும் தெரிவித்துள்ளது.
அத்துடன் விதர்பா, மத்திய பிரதேசம், வடக்கு பீகார், ஜார்க்கண்ட், மேற்கு வங்காள மலைப்பகுதிகள், அருணாச்சல பிரதேசம், சிக்கிம், ஒடிசா, அந்தமான் மற்றும் நிக்கோபர் தீவுகள், அசாம், மேகலயா, நாகலாந்து, மணிப்பூர், மிசோரம் மற்றும் திரிபுராவிலும் அதிக மழை பெய்யும் என எதிர்பார்க்கப்படுகிறது.
