search icon
என் மலர்tooltip icon

    செய்திகள்

    பா.ஜ.க. வேட்பாளர் ராம்நாத் கோவிந்த் வரும் 28-ம் தேதி காஷ்மீர் பயணம்
    X

    பா.ஜ.க. வேட்பாளர் ராம்நாத் கோவிந்த் வரும் 28-ம் தேதி காஷ்மீர் பயணம்

    பா.ஜ.க. கூட்டணி ஜனாதிபதி வேட்பாளர் ராம்நாத் கோவிந்த் வரும் ஜூன் 28-ம் தேதி காஷ்மீரில் பயணம் மேற்கொள்ள உள்ளார். அவருடன் மத்திய மந்திரி வெங்கையா நாயுடு செல்கின்றார்.
    புதுடெல்லி:

    ஜனாதிபதி தேர்தல் வருகிற 17-ந்தேதி நடக்கிறது. இதில் பா.ஜனதா சார்பில் போட்டியிடும் வேட்பாளர் ராம்நாத் கோவிந்த் கடந்த 23-ந்தேதி வேட்பு மனு தாக்கல் செய்தார். 

    இதனையடுத்து, தனக்கு வாக்களிக்குமாறு ஆதரவு கோருவதற்காக பல்வேறு மாநிலங்களுக்கு செல்ல அவர் முடிவு செய்துள்ளார்.

    முதல்கட்டமாக தனது சொந்த மாநிலமான உத்தரபிரதேச மாநிலத்திற்கு நேற்று அவர் சென்றார். லக்னோவில் உள்ள முதல்-மந்திரி ஆதித்யநாத் வீட்டிற்கு சென்ற ராம்நாத் கோவிந்த், அங்கு ஆளும் பா.ஜ.க மற்றும் கூட்டணி கட்சி எம்.எல்.ஏ.க்களிடமும், எம்.பி.க்களிடமும் ஆதரவு கோரினார்.

    இந்நிலையில், ராம்நாத் கோவிந்த் வரும் ஜூன் 28-ம் தேதி காஷ்மீரில் பயணம் மேற்கொள்ள உள்ளார். ஸ்ரீநகர் செல்லும் ராம்நாத்துடன் மத்திய மந்திரி வெங்கையா நாயுடு செல்கின்றார். 

    அங்கு பல்வேறு கட்சி தலைவர்களை சந்தித்து ஆதரவு கோர உள்ளார். ஜம்மு-காஷ்மீரில் பா.ஜ.க. அங்கம் வகிக்கும் கூட்டணி ஆட்சி நடைபெற்று வருகிறது என்பது குறிப்பிடத்தக்கது.
    Next Story
    ×