புதுடெல்லி:
ஏழைகளுக்கு ஆதரவான திட்டங்கள் குறித்து பா.ஜ.க. ஆளும் மாநில முதல்-மந்திரிகளுடன் பிரதமர் நரேந்திர மோடி மற்றும் கட்சியின் தலைவர் அமித்ஷா ஆகியோர் இன்று ஆலோசனை நடத்த உள்ளனர்.
இந்த கூட்டத்தில் பா.ஜ.க. ஆளும் மாநில துணை முதல்-மந்திரிகளும் கலந்து கொள்கின்றனர். கூட்டத்தில் மாநில அரசுகளின் மக்கள் நல திட்டங்கள் குறித்தும் அவற்றை செயல்படுத்தும் வழிமுறை குறித்து முதல்-மந்திரிகள் பேசுவார்கள் என்று எதிர்பார்க்கப்படுகிறது.
முன்னதாக பா.ஜ.க.வின் மாநில தலைவர்கள் ஒருங்கிணைப்பு குழு கூட்டம் கடந்த செவ்வாய்க்கிழமை நடைபெற்றதை தொடர்ந்து இந்த ஆலோசனை கூட்டத்திற்கு ஏற்பாடு செய்யப்பட்டுள்ளது.
அமைப்பு மற்றும் அரசாங்கத்திற்கும் இடையில் சிறந்த ஒருங்கிணைப்பு நிலவ வேண்டும் என்று அமித்ஷா தொடர்ந்து வலியுறுத்தி வருகின்றார்.
மாநிலத்தில் கட்சியானது ஆட்சியில் உள்ள போது பெருவாரியான மக்களை அரசாங்கத்தின் திட்டப் பணிகளை கொண்டு கவர வேண்டும் என்று மோடியும் ஏற்கனவே கூறியிருந்தார்.
