சென்னையில் 18-ந் தேதி நடைபெறுவதாக இருந்த பா.ம.க. போராட்டம் ஒத்திவைப்பு: ராமதாஸ்

சென்னை:

பா.ம.க. நிறுவனர் ராமதாஸ் வெளியிட்டுள்ள அறிக்கையில் கூறியிருப்பதாவது:-

தமிழ்நாடு உள்பட இந்தியா முழுவதும் சமையல் கியாஸ் சிலிண்டர்களை வினியோகிக்க கூடுதல் கட்டணம் கேட்டு சமையல் கியாஸ் சிலிண்டர் முகமைகளின் பணியாளர்கள் கொடுக்கும் தொல்லை அதிகரித்து வருவதைக் கண்டித்தும், இதை தடுத்து நிறுத்த வலியுறுத்தியும் வரும் 18-12-2017 திங்கட்கிழமை அன்று சென்னை வள்ளுவர் கோட்டம் அருகில் அறப்போராட்டம் நடைபெறும் என்று அறிவிக்கப்பட்டிருந்தது.



ஆனால், தவிர்க்க முடியாத காரணங்களால் அப்போராட்டம் ஒத்திவைக்கப்படுகிறது. எந்த தேதியில் போராட்டம் நடைபெறும் என்பது பின்னர் அறிவிக்கப்படும் என்பதைத் தெரிவித்துக்கொள்கிறேன்.

இவ்வாறு அவர் கூறியுள்ளார்.