தோவாளை அருகே பெண்ணிடம் 8 பவுன் நகை பறிப்பு

நாகர்கோவில்

தோவாளை அருகே அனந்தபத்மநாபபுரத்தை சேர்ந்தவர் ராஜகிருஷ்ணன். இவரது மனைவி ஜானகி (வயது 40). கணவன், மனைவி இருவரும் ஆரல்வாய்மொழியில் உள்ள ஒரு வங்கிக்கு சென்றுவிட்டு சைக்கிளில் வீடு திரும்பிக் கொண்டிருந்தனர்.

தோவாளை - லாயம் சாலையில் அவர்கள் சென்ற போது பின்னால் மோட்டார் சைக்கிளில் ஹெல்மெட் அணிந்த 2 வாலிபர்கள் வந்தனர். அவர்கள் ஜானகி கழுத்தில் கிடந்த 8 பவுன் தங்க நகையை பறித்துக் கொண்டு தப்பிச்சென்று விட்டனர்.

இதுபற்றி புகாரின் பேரில் ஆரல்வாய்மொழி போலீசார் விசாரணை நடத்தி வருகின்றனர்.