சசிகலா, டி.டி.வி.தினகரன் ஆகியோரின் உறவினர்கள், நண்பர்கள் மற்றும் தொடர்புடையவர்களின் வீடுகள், அலுவலகங்கள் உள்ளிட்ட இடங்களில் வருமானவரி அதிகாரிகள் நேற்று சோதனை நடத்தினார்கள்.
சோதனை நடந்த இடங்கள் பற்றிய விவரம் வருமாறு:-
* சசிகலாவின் கணவர் நடராஜனின் வீடு, தஞ்சை அருளானந்த நகர்.
* சசிகலாவின் அண்ணன் சுந்தரவதனத்தின் மகனும், டி.டி.வி.தினகரனின் மைத்துனருமான டாக்டர் வெங்கடேஷ் வீடு. தஞ்சை மேல வஸ்தாசாவடி.
* சசிகலாவின் அண்ணன் மகன் மறைந்த டி.வி.மகாதேவன் வீடு, தஞ்சை பரிசுத்தம் நகர்.
* டி.வி.மகாதேவனின் சகோதரர் தங்கமணி வீடு, தஞ்சை அருளானந்தநகர்.
* நடராஜனின் சகோதரி மகன் சின்னையா என்ற வெங்கடேசன் வீடு, தஞ்சை அருளானந்த நகர்.
* ஜெயலலிதா பேரவை மாநில இணை செயலாளர் (அம்மாஅணி) ராஜேஸ்வரன் வீடு, தஞ்சை பிலோமினா நகர்.
* தஞ்சை வடக்கு மாவட்ட அ.தி.மு.க. (அம்மா அணி) வக்கீல் பிரிவு செயலாளர் வக்கீல் வேலுகார்த்திகேயன் வீடு, தஞ்சை மாதாக்கோட்டை வங்கி ஊழியர் காலனி.
* சசிகலாவின் சகோதரர் திவாகரன் வீடு, திரு வாரூர் மாவட்டம் மன்னார்குடி மன்னை நகர்.
* திவாகரன் வீடு, சுந்தரக்கோட்டை.
* திவாகரனின் பண்ணை வீடு, மன்னார்குடியை அடுத்த ரிஷியூர்.
* திவாகரனுக்கு சொந்தமான மன்னார்குடி செங்கமலத்தாயார் கல்வி அறக்கட்டளை மகளிர் கல்லூரி.
* அ.தி.மு.க. துணை பொதுச் செயலாளர் (அம்மாஅணி) டி.டி.வி.தினகரன் வீடு, மன்னார்குடி மன்னை நகர்.
* திருவாரூர் மாவட்ட அ.தி.மு.க. (அம்மாஅணி) செயலாளர் எஸ்.காமராஜ் வீடு, மன்னார்குடி.
* திவாகரனின் நண்பர் தமிழ்ச்செல்வன் வீடு, மன்னார்குடி மன்னை நகர்.
* திவாகரனின் உதவியாளர் விநாயகம் வீடு, மன்னார்குடியை அடுத்த கீழத் திருப்பாலக்குடி.
* முன்னாள் கவுன்சிலர் ராசுப்பிள்ளை, மன்னார்குடி.
*திவாகரனின் ஆதரவாளர் சுஜய், மன்னார்குடி.
* திவாகரனின் ஆதரவாளர் செல்வம் வீடு, மன்னார்குடி.
* ஓய்வு பெற்ற முன்னாள் வேளாண்மை அதிகாரி நடேசன், திருத்துறைப்பூண்டி.
* செங்கமலத்தாயார் அறக்கட்டளை மகளிர் கல்லூரி ஊழியர் அன்புக்கரசி வீடு, மேல மரவாக்காடு.
* திவாகரன் ஆதரவாளர் சித்தார்த்தன் வீடு, மன்னார்குடி அருகே உள்ள அசேஷம்.
* அமைச்சர் காமராஜ் உறவினர் வக்கீல் உதயகுமார் வீடு, மன்னார்குடி.
* அ.தி.மு.க. (எடப்பாடி அணி) மாவட்ட ஜெய லலிதா பேரவை செயலாளர் பொன்.வாசுகிராம், மன்னார்குடி.
* சசிகலாவின் சகோதரி வனிதாமணி வீடு, மன்னார்குடி மன்னை நகர்.
* திவாகரனின் உறவினர் அக்ரிராஜேந்திரன் வீடு, புள்ளவராயன்குடிக்காடு.
* திரைப்பட வினியோகஸ்தர் வெங்கடாசலத்தின் வீடு, நாகை மாவட்டம் வேதாரண்யத்தை அடுத்த கருப்பம்புலம்.
* நாமக்கல்லில் உள்ள சசிகலாவின் வக்கீல் செந்தில் வீடு.
* வக்கீல் செந்திலின் ஜூனியர் வக்கீல் பாண்டியன் வீடு.
* வக்கீல் செந்திலின் நண்பர் வக்கீல் பிரகாஷ் அலுவலகம்.
* வக்கீல் செந்திலுடன் இணைந்து தொழில் செய்யும் சுப்பிரமணியன் என்பவரின் வீடு, அலுவலகம்.
* மோகனூர் அருகே உள்ள சுப்பிரமணியனின் கோழிப்பண்ணை.
* தமிழ்நாடு அரசு பணியாளர் தேர்வாணைய உறுப்பினர் ஏ.வி.பாலுசாமியின் வீடு, அலு வலகம்.
* கோடநாடு எஸ்டேட், நீலகிரி மாவட்டம்.
* கர்சன் எஸ்டேட்.
* கோடநாடு பங்களாவில் வேலைபார்த்த சஜீவனின் கடைகள், காபி எஸ்டேட், ஷோரூம், குடோன்.
* கோவையைச் சேர்ந்த மணல் குத்தகைதாரர் ஆறுமுகசாமியின் அலுவலகம், வீடு.
* கடலூர் சரசுவதி நகரில் உள்ள சசிகலாவின் குடும்ப ஜோதிடர் சந்திரசேகரின் வீடு.
* ஈரோடு மாவட்டம் பவானிசாகர் அருகே உள்ள சசிகலா ஆதரவாளரின் காகித ஆலை.
* திருச்சி கே.கே.நகரில் உள்ள சசிகலாவின் அண்ணன் மனைவி இளவரசியின் சம்பந்தி கலியபெருமாள் வீடு.
* திருச்சி ராஜா காலனியில் உள்ள டாக்டர் சிவகுமார் வீடு.
* புதுக்கோட்டை மாவட்டம் நெற்குப்பையில் உள்ள அ.தி.மு.க. (அம்மா) மாவட்ட செயலாளர் பரணி கார்த்திகேயன் வீடு.
* புதுச்சேரி அருகே ஆரோவில் பொம்மையார் பாளையத்தில் உள்ள டி.டி.வி.தினகரனின் பண்ணை வீடு.
* பெங்களூருவில் உள்ள தினகரனின் ஆதரவாளர் வா.புகழேந்தியின் வீடு, கர்நாடக மாநில அ.தி.மு.க. அலுவலகம்.
மேற்கண்டவை உள்ளிட்ட 187 இடங்களில் சோதனை நடைபெற்றது.
