search icon
என் மலர்tooltip icon

    செய்திகள்

    திருமணமாகாத ஏக்கத்தில் டிரைவர் தூக்குப்போட்டு தற்கொலை
    X

    திருமணமாகாத ஏக்கத்தில் டிரைவர் தூக்குப்போட்டு தற்கொலை

    கோத்தகிரி அருகே திருமணமாகாத ஏக்கத்தில் டிரைவர் தூக்குப்போட்டு தற்கொலை செய்து கொண்டார். இந்த சம்பவம் குறித்து போலீசார் விசாரணை நடத்தி வருகிறார்கள்.
    கோத்தகிரி:

    கோத்தகிரி அருகே உள்ள அரவேனு கிராமத்தை சேர்ந்த முருகன் என்பவரது மகன் சுப்பிரமணி (வயது 34). சரக்கு வாகன டிரைவர். இவருக்கு இன்னும் திருமணமாக வில்லை. சுப்பிரமணி நேற்று முன்தினம் இரவு 8 மணிக்கு வீட்டை விட்டு வெளியே சென்று விட்டு மீண்டும் வீட்டுக்கு திரும்பவில்லை. நேற்று அதிகாலை அவரது உறவினர்கள் தேடிய போது அவர் ஒரு தனியார் தொழிற்சாலை அருகில் உள்ள மரத்தில் தூக்கில் பிணமாக கிடப்பதை கண்டு அதிர்ச்சி அடைந்தனர்.

    இது குறித்து கோத்தகிரி போலீஸ் நிலையத்துக்கு தகவல் அளித்தனர். சம்பவ இடத்திற்கு விரைந்து சென்ற போலீசார் சுப்பிரமணியின் உடலை கைப்பற்றி பிரேத பரிசோதனைக்காக கோத்தகிரி அரசு மருத்துவமனைக்கு அனுப்பி வைத்தனர். போலீசார் நடத்திய விசாரணையில் திருமணமாகாத ஏக்கத்தில் சுப்பிரமணி தூக்குப்போட்டு தற்கொலை செய்து கொண்டது தெரியவந்தது.

    தொடர்ந்து இது தொடர்பாக சப்-இன்ஸ்பெக்டர் கவுதம் மற்றும் போலீசார் வழக்குப்பதிவு செய்து விசாரணை நடத்தி வருகிறார்கள்.
    Next Story
    ×