தீபாவளி சிறப்பு ரெயில்கள் மூலம் ரூ.1 கோடி வருமானம்

சென்னை:

தீபாவளி பண்டிகையையொட்டி 24 சிறப்பு ரெயில்கள் இயக்கப்பட்டன.

வழக்கமான ரெயில்கள் அனைத்தும் 3 மாதங்களுக்கு முன்பே நிரம்பி விட்டதால் சில ரெயில்கள் கூடுதல் பெட்டிகள் இணைத்து இயக்கப்பட்டன.

தீபாவளி சிறப்பு ரெயில்கள் மூலம் தெற்கு ரெயில்வேவுக்கு ரூ.1 கோடியே 9 லட்சம் வருவாய் கிடைத்துள்ளது.

இதுகுறித்து தெற்கு ரெயில்வே அதிகாரி ஒருவர் கூறியதாவது:-


தீபாவளி பண்டிகையை முன்னிட்டு சென்னையில் இருந்து திருநெல்வேலி, நாகர்கோவில், கோயம்புத்தூர் உள்ளிட்ட பல்வேறு பகுதிகளுக்கு 24 சிறப்பு ரெயில்கள் இயக்கப்பட்டன. இதனால் தெற்கு ரெயில்வேக்கு சுமார் ரூ.1 கோடியே 4 லட்சம் வருவாய் கிடைத்துள்ளது.

இதே போல அடுத்தடுத்து வர உள்ள கிறிஸ்துமஸ், பொங்கல் பண்டிகைகளுக்கு வழக்கமாக செல்லும் எக்ஸ்பிரஸ் ரெயில்களிலும் முன்பதிவு முடிந்துள்ளது.

எனவே தேவையான அளவுக்கு சிறப்பு ரெயில்கள் இயக்குவது குறித்து ஆலோசனை நடத்தி வருகிறோம்.

இவ்வாறு அவர் கூறினார்.