search icon
என் மலர்tooltip icon

    செய்திகள்

    கப்பலூர் அருகே டாஸ்மாக் கடைக்கு திருட சென்ற மாணவர்கள் மதுகுடித்து மயங்கினர்
    X

    கப்பலூர் அருகே டாஸ்மாக் கடைக்கு திருட சென்ற மாணவர்கள் மதுகுடித்து மயங்கினர்

    கப்பலூர் அருகே டாஸ்மாக் கடையில் கொள்ளையடிக்க முயன்ற மாணவர்கள், மது போதையில் அங்கேயே படுத்து தூங்கினார்.
    பேரையூர்:

    மதுரை மாவட்டம், கப்பலூரில் இருந்து விமான நிலையம் செல்லும் வழியில் புளியங்குடி கிராமம் உள்ளது. இங்கு டாஸ்மாக் கடை செயல்பட்டு வருகிறது. நேற்று முன்தினம் நள்ளிரவு நேரத்தில் அங்கு வந்த 2 மர்ம நபர்கள் திருடும் நோக்கத்தில் டாஸ்மாக் கடையின் ஜன்னலை உடைத்து உள்ளே புகுந்தனர்.

    அங்கு மதுபாட்டில்களை பார்த்ததும் அவர்களது எண்ணம் மாறியது. 2 பேரும் கடையினுள் அமர்ந்து ஆசை தீர மது குடித்தனர். அளவுக்கு அதிகமாக குடித்ததால் போதையில் 2 பேரும் அங்கேயே மயங்கினர்.

    இந்நிலையில் மறுநாள் மதியம் டாஸ்மாக் கடையை திறக்க வந்த விற்பனையாளர் ஜன்னல் உடைக்கப்பட்டு இருப்பதை கண்டு அதிர்ச்சி அடைந்தார். கடைக்குள் சென்று பார்த்தபோது 2 பேர் தூங்கிக் கொண்டிருந்தனர்.

    இதுகுறித்த புகாரின் பேரில் திருமங்கலம் தாலுகா போலீசார் விரைந்து வந்து 2 பேரையும் கைது செய்தனர். விசாரணையில் அவர்கள் கப்பலூர் ராஜமணி மகன் தீபன்ராஜ் என்றும், மற்றொருவர் பழக்காபுதுப்பட்டியை சேர்ந்த முருகன் மகன் அஸ்வின்குமார் எனவும் தெரியவந்தது.

    தீபன்ராஜ் அரசு பள்ளியில் பிளஸ்-2வும், அஸ்வின் குமார் கல்லூரியிலும் படித்து வருகின்றனர் என்பது குறிப்பிடத்தக்கது.
    Next Story
    ×