திருச்செந்தூர்:
திருச்செந்தூர் அருகே உள்ள பரமன்குறிச்சி கோட்டவிளையை சேர்ந்தவர் மாரீசன் (வயது45). இவரது மனைவி பேச்சிக்கனி(42). இவர்கள் இருவரும் கூலித் தொழிலாளிகள். இவர்களுக்கு ஒரு மகன், ஒரு மகள் உள்ளனர். மாரீசனுக்கு போதிய வருமானம் கிடைக்காததால் மனைவி வருமானத்தில் வாழ்ந்து வந்தார். இதில் மனவேதனையடைந்த அவர் கடந்த 12-ந் தேதி வீட்டில் யாரும் இல்லாத நேரத்தில் உடலில் மண்ணெண்ணையை ஊற்றி தீக்குளித்தார். தீக்காயங்களுடன் உயிருக்கு போராடிக் கொண்டிருந்த அவரை மீட்டு திருச்செந்துர் அரசு மருத்துவமனையில் அனுமதித்தனர்.
பின்னர் மேல் சிகிச்சைக்காக தூத்துக்குடி அரசு மருத்துவமனையில் அனுமதித்தனர். அங்கு அவருக்கு தீவிர சிகிச்சை அளிக்கப்பட்டு வந்தது. எனினும் சிகிச்சை பலனின்றி அன்று இரவே அவர் இறந்தார்.
இது குறித்து திருச்செந்தூர் போலீஸ் இன்ஸ்பெக்டர் பிச்சையா வழக்குப்பதிவு செய்து மாரீசன் எதற்காக தற்கொலை செய்து கொண்டார் என்று விசாரணை நடத்தி வருகின்றனர்.
