அமித்ஷாவை சந்திக்க வராதது ஏன்?: 3 எம்.எல்.ஏ.க்கள் விளக்கம்

அமித்ஷா சந்திப்பை புறக்கணித்தது ஏன் என்று என்.ஆர்.காங்கிரஸ் கட்சியை சேர்ந்த 3 எம்.எல்.ஏ.க்களிடமும் கேட்கப்பட்டது.

இது குறித்து டி.பி.ஆர்.செல்வம் கூறும் போது, நான் உடல் நலம் சரியில்லாமல் இருந்ததால், கூட்டத்தில் பங்கேற்கவில்லை என்று கூறினார்.

திருமுருகன் கூறும் போது, கூட்டத்தில் பங்கேற்கும்படி எனக்கு அழைப்பு வந்தது. உறவினர் ஒருவருடைய திருமண நிகழ்ச்சியில் பங்கேற்க வேண்டி இருந்ததால் என்னால் அந்த கூட்டத்திற்கு செல்ல முடியவில்லை. இது பற்றி நான் ஏற்கனவே அவர்களுக்கு தெரிவித்து விட்டேன் என்று கூறினார்.

சந்திரபிரியங்கா கூறும் போது, நான் கடந்த 20-ந் தேதியில் இருந்தே ஊரில் இல்லை. முக்கிய நிகழ்ச்சியாக வெளியூரில் இருக்கிறேன். எனவே நான் அமித்ஷா சந்திப்பு கூட்டத்திற்கு செல்லவில்லை. நான் கட்சியிடம் முன் கூட்டியே தகவலை தெரிவித்து விட்டேன் என்று கூறினார்.