ஜெயங்கொண்டம்:
ஜெயங்கொண்டத்தில் போலீஸ்-பொதுமக்கள் நட்புறவு வளர்ப்பு சங்கத்தின் சார்பில் அரசு மேல்நிலைப்பள்ளி மைதானத்தில் விளையாட்டு போட்டிகள் நடைபெற்றன. ஜெயங்கொண்டம் துணை போலீஸ் சூப்பிரண்டு இனிகோதிவ்யன் தலைமை தாங்கினார்.
போலீஸ் சப்-இன்ஸ்பெக்டர் முத்துக்குமார் முன்னிலை வகித்தார். போலீஸ்-பொதுமக்கள் நட்புறவு சங்க மாநில பொது செயலாளர் முகமது ரபீக் வரவேற்றார். போட்டியினை போலீஸ் சப்-இன்ஸ்பெக்டர் அன்பழகன் தொடங்கி வைத்தார். தொடர்ந்து இறகுப்பந்து, 200 மீட்டர், 1,500 மீட்டர் ஓட்டப்பந்தயம், நீளம் தாண்டுதல், குண்டு எறிதல் உள்ளிட்ட போட்டிகள் நடைபெற்றன.
இந்த போட்டிகளில் அனை வரையும் உற்சாகப்படுத்துவதற்காக துணை போலீஸ் சூப்பிரண்டு இனிகோதிவ்யன் அனைத்து போட்டிகளிலும் கலந்து கொண்டார். போட்டிகளில் கல்லூரி மாணவர்கள், இளைஞர்கள், போலீஸ்- பொதுமக்கள் நட்புறவு சங்க நிர்வாகிகள், உறுப்பினர்கள் கலந்து கொண்டனர். இப்போட்டிகளுக்கு பாலா முருகன், விஜய ஆனந்தன், அசோக் ஆகியோர் நடுவர்களாக செயல்பட்டனர். தொடர்ந்து மாலையில் நடைபெற்ற விழாவில் போட்டிகளில் வெற்றி பெற்றவர்களுக்கு பரிசுகள் வழங்கப்பட்டன.
முடிவில் மாசிலாமணி நன்றி கூறினார்.
