வேலூர் காகிதப்பட்டறையில் இளம்பெண் தற்கொலை: உதவி கலெக்டர் விசாரணை

வேலூர்:

வேலூர் காகிதப்பட்றை நைனியப்பன் தெருவை சேர்ந்தவர் முத்து ஆட்டோ டிரைவர். இவருடைய மனைவி பிரியா (வயது22). தம்பதிக்கு கடந்த 4 ஆண்டுகளுக்கு முன்பு திருமணம் நடந்தது. ஒரு ஆண் குழந்தை உள்ளது.

நேற்று மதியம் குழந்தை வீட்டில் அழுது கொண்டிருந்தது. சத்தம் கேட்டு அக்கம் பக்கத்தினர் வீட்டுக்குள் சென்று பார்த்தனர். அங்கு பிரியா தூக்கில் பிணமாக தொங்கினார். இதனைக் கண்டு திடுக்கிட்டனர்.

இதுகுறித்து வடக்கு போலீஸ் நிலையத்துக்கு தகவல் தெரிவித்தனர். போலீசார் சம்பவ இடத்துக்கு சென்று பிரியாவின் பிணத்தை மீட்டு அடுக்கம்பாறை அரசு ஆஸ்பத்திரிக்கு அனுப்பி வைத்தனர்.

மேலும் விசாரணை நடத்தினர். குடும்பத் தகராறு காரணமாக பிரியா தூக்கில் தொங்கி தற்கொலை செய்து கொண்டது தெரியவந்தது.

திருமணமாகி 4 ஆண்டுகளே ஆவதால் பிரியா சாவு குறித்து உதவி கலெக்டர் அஜய்சீனிவாசன் விசாரணை நடத்தி வருகிறார்.