search icon
என் மலர்tooltip icon

    லைஃப்ஸ்டைல்

    பெண்கள் எந்த வயதில் உள்ளாடை (பிரா)அணியத் தொடங்கவேண்டும்
    X

    பெண்கள் எந்த வயதில் உள்ளாடை (பிரா)அணியத் தொடங்கவேண்டும்

    மகளுக்கு எந்த வயதில் உள்ளாடை (பிரா) அணிவது நல்லது என்பதை தாய் சொல்லிக்கொடுக்க வேண்டும் என்பதை கீழே விரிவாக பார்க்கலாம்.
    அம்மாவின் உள்ளாடைகளை மகள் எப்போது கூர்ந்து பார்க்கத் தொடங்குகிறாளோ, அப்போது ‘மகளிடம் பிரா அணியத் தொடங்குவது பற்றி அம்மா பேச

    வேண்டிய காலம் கனிந்துவிட்டது’ என்று அர்த்தம். அந்த காலகட்டத்தில் அவள், உடல் வளர்ச்சியின் முதல் கட்டத்தை அடைந்திருப்பாள். ஆனாலும் அவள்

    சிறுமிதான் என்பதை உணர்ந்து, தாய் பக்குவமாக செயல்படவேண்டும்.

    சிறுமிகளுக்கு எட்டு வயதிற்கு பிறகு மார்பு வளர்ச்சி மேம்படத்தொடங்கும். அந்த வயதில்தான் அவளுக்கு ‘பிரா’வை பற்றிய சிந்தனை உருவாகும். அப்போதே

    ‘பிரா’ அணிவது பற்றி மகளிடம், தாய் பேச ஆரம்பித்துவிடவேண்டும்.

    பிரா எப்போதிருந்து அணியவேண்டும்? என்ற கேள்விக்கு, வயது மட்டுமே பதில் அல்ல! சிறுமியின் உடல் வளர்ச்சிக்கு எப்போது பிரா அவசியமோ

    அப்போதிருந்து அணிய ஊக்குவிக்க வேண்டும். 8 முதல் 12 வயதுக்குள் மார்பு வளர்ச்சி தொடங்கும். 12-13 வயதில் பிரா அணியும் வளர்ச்சியை சிறுமிகள்

    எட்டிவிடுவார்கள்.

    எல்லா சிறுமிகளுமே பிரா அணிய வேண்டிய தொடக்க பருவத்தில் சிறிது குழப்ப மனநிலையை அடையத்தான் செய்கிறார்கள். ‘தன்னோடு படிக்கும் தோழி பிரா

    அணிந்து வருகிறாள்? தான் ஏன் இன்னும் அத்தகைய வளர்ச்சியை பெறவில்லை?’ என்ற கேள்வி பல சிறுமிகளிடம் ஏற்படும். சில சிறுமிகள் தாயிடம், ‘என்

    தோழிகள் யாரும் இதுவரை அணியவில்லை. நான் மட்டும் ஏன் அணியவேண்டும்? எனக்கு அது அசவுகரியமாக இருக்கிறது!’ என்றுகூட சொல்லலாம்.

    வயதை மீறிய உடல் வளர்ச்சி சில சிறுமிகளிடம் இருக்கும். அவர் களிடம் தாய்மார்கள் பிரா அணியவேண்டிய அவசியத்தை உடற்கூறு ரீதியாக

    எடுத்துரைக்கவேண்டும். அதோடு மொத்தமாகவே உடை அணிவதில் மாற்றத்தை ஏற்படுத்தி, நேர்த்தியாக்கவேண்டும்.

    பிரா அணிய மகள் தயங்கினால், அவள் பிரா அணிந்திருப்பது வெளியே தெரியாத அளவுக்கு உடைகளை அணியச்செய்யவேண்டும். அவ்வாறு உடை

    அணியச்செய்து கண்ணாடி முன்னால் அவளை நிற்க வைத்து, ‘பிரா அணிந்திருப்பது தெரியவில்லை. அதே நேரத்தில் உன் உடல் சவுகரியத்திற்கு அது

    அவசியம்’ என்பதை ஆதாரபூர்வமாக உணர்த்தவேண்டும்.

    சிறுமிகளில் சிலர் 13, 14 வயதை அடைந்திருப்பார்கள். ஆனால் பிரா அணியவேண்டிய அளவுக்கு மார்பக வளர்ச்சி இருக்காது. அவர்களோ தானும் பிரா

    அணியவேண்டும் என்று அடம்பிடிக்கலாம். அவர்களுக் குரிய பிராக்களும் இருக்கின்றன. அதை வாங்கிக்கொடுத்து அணியச்செய்யவேண்டும். மாறாக, ‘உனக்கு

    மார்பக வளர்ச்சியில்லை. அதனால் நீ பிரா அணியத் தேவையில்லை’ என்று கூறினால், அவர்களது தன்னம்பிக்கை குறைந்துபோகும்.

    சிலர் மார்பு வளர்ச்சி வெளியே தெரியக் கூடாது என்பதற்காக மார்பை இறுக்கி சமமாக காட்டும் பிராவை அணிய விரும்புவார்கள். நிமிர்ந்து நடக்க தயங்கி, கூன்

    வளைந்த நிலையில் நடக்கவும் செய்வார்கள். இது தவறான அணுகுமுறை. இதனால் மார்பின் நேர்த்தியான தோற்றமும், தன்மையும் பாதிக்கப்படும். இதை

    எல்லாம் தாய், மகளுக்கு எடுத்துச்சொல்லி மனப்பூர்வமாக, மகிழ்ச்சியோடு உடலுக்கு பொருத்த மான பிராவை அணிய ஊக்குவிக்கவேண்டும்.

    ஒருசில சிறுமிகள் தோழிகளைவிட தங்களுக்கு மார்பு வளர்ச்சி மிக குறைவாக இருப்பதாக கருதுவார்கள். அதற்கு சரியான விடைகாண முடியாமல் பேசிப்பேசி

    மனஅழுத்தத்திற்கு உள்ளாகுவார்கள். அப்படி ஒரு கவலை உங்கள் மகளுக்கு ஏற்பட்டிருந்தால் எளிதாக அதை கையாண்டு சரிசெய்திடலாம். ‘மார்பக வளர்ச்சி

    ஒவ்வொருவரது உடல்வாகுக்கு ஏற்றபடியும், பாரம்பரியத்திற்கு ஏற்றபடியும் இருக்கும். நாளடைவில் வளர்ச்சி சரியாகிவிடும்’ என்று கூறுவதோடு, ‘பேடு’வைத்த

    பிராவை வாங்கிக் கொடுத்து அணியசெய்யவேண்டும். அதன் மூலம் மனக்குறையை போக்கிவிடலாம்.

    இரண்டு மார்புகளின் அளவிலும், தோற்றத்திலும் வித்தியாசம் இருப்பதை சில சிறுமிகள் சீரியசான விஷயமாக எடுத்துக்கொள்வார்கள். மார்பகங்கள் இரண்டும்

    ஒன்று போல் இருப்பதில்லை. லேசான மாற்றங்கள் இயற்கையானது என்பதை அவர்களுக்கு புரியவையுங்கள்.

    உங்கள் மகளை அழைத்துச் சென்று அவளுக்கு பொருத்தமான பிராவை வாங்கிக்கொடுங்கள். வாங்கிய பின்பு அது சரியாக அமையாவிட்டால், தயங்காமல்

    அதை தூக்கிவீசிவிட்டு, பொருத்தமானதை வாங்கி அணியச்செய்யுங்கள். வளரும் பெண்தானே பெரிதாக வாங்கிக்கொடுப்போம் என்று அளவில் பெரிதாக

    இருப்பதை வாங்கிக்கொடுத்து விடாதீர்கள்.

    பெரும்பாலான சிறுமிகள் விளையாட்டு, நடனம் போன்றவைகளிலும் பயிற்சி பெறுகிறார்கள். சாதாரணமாக அணிவதற்கும், பயிற்சிக்கு தக்கபடி அணிவதற்கும்

    வெவ்வேறு பிராக்கள் இருக்கின்றன என்பதை நினைவில் வைத்துக்கொள்ளுங்கள். விளையாட்டிற்கு தகுந்தபடியும், நடனத்திற்கு தகுந்தபடியும் பிரா

    வாங்கிக்கொடுங்கள். வாங்கிக் கொடுக்கும் போதே கடைகளில் உள்ளவர்களிடம், ‘பிராக்களை எப்படி பராமரிக்கவேண்டும்?’ என்பதையும், மகளிடம்

    கூறச்செய்யுங்கள். அவரவர் உள்ளாடைகளை அவரவரே துவைத்து பராமரிக்கவேண்டும் என்பதை உணர்த்துங்கள்.
    Next Story
    ×