பன்னீர் பிரியாணி செய்முறை விளக்கம்

தேவையான பொருட்கள் :

பாசுமதி அரிசி - 1 கப்
கெட்டித் தயிர் - 1 கப்
பன்னீர் - கால் கிலோ
தக்காளி - 2
வெங்காயம் - 2
நெய் - 6 டேபிள் ஸ்பூன்
பாட்டி மஞ்சள் தூள் - 1/2 டீஸ்பூன்
பிரிஞ்சி இலை - 4
உப்பு - தேவையான அளவு
இஞ்சி பூண்டு விழுது - 1/2 ஸ்பூன்
பாட்டி மிளகாய் தூள் - 1 டீஸ்பூன்
பாட்டி தனியா தூள் - அரை டீஸ்பூன்
கொத்தமல்லி - ஒரு கைப்பிடி
புதினா - ஒரு கைப்பிடி

வறுத்து அரைக்க :

கிராம்பு - 2
பட்டை - 1 சிறிய துண்டு
சோம்பு - 1 டீஸ்பூன்
சீரகம் - 1 டீஸ்பூன்
தேங்காயத் துருவல் - 6 டேபிள் ஸ்பூன்
கசகசா - 1 டீஸ்பூன்
மிளகாய் வற்றல் - 4
பச்சை மிளகாய் - 2



செய்முறை :

பாசுமதி அரிசியைக் களைந்து 1 கப் தண்ணீரில் ஊற வைக்கவும்.

வெங்காயம், தக்காளி, கொத்தமல்லியை பொடியாக நறுக்கிகொள்ளவும்.

கடாயை அடுப்பில் வைத்து சிறிது நெய் ஊற்றி அரைக்க கொடுக்கப்பட்டுள்ள பொருட்களில் தேங்காய் துருவல் நீங்கலாக வறுத்து ஆறவைத்து மிக்சியில் அரைக்கும் போது தேங்காய் துருவல் சேர்த்து நைசாக அரைத்து கொள்ளவும்.

பன்னீரை துண்டுகளாக வெட்டி அதில் சிறிது பாட்டி மிளகாய் தூள், மஞ்சள் தூள், தனியா தூள், சிறிது உப்பு சேர்த்து அரை மணி நேரம் ஊற வைத்த பின்னர் எண்ணெயில் போட்டு பொரித்து வைக்கவும்.

ஒரு குக்கரில் மீதியுள்ள நெய்யை ஊற்றி பிரிஞ்சி இலையை போட்டு தாளித்த பின்னர் பொடியாக வெட்டிய வெங்காயத்தை போட்டு வதக்கவும்.

வெங்காயம் நன்றாக வதங்கியதும் இஞ்சி பூண்டு விழுது சேர்த்து பச்சை வாசனை போக வதக்கவும்.

அடுத்து அதில் தக்காளியை சேர்த்து வதக்கிய பின்னர் அரைத்த விழுதுடன் மீதியுள்ள பாட்டி மஞ்சள் தூள், மிளகாய் தூள், தனியா தூள், கொத்தமல்லி, புதினா சேர்த்து நன்கு சுருள வதக்கவும்.

வதக்கிய கலவையில் இருந்து நெய் பிரிந்தவுடன் தண்ணீருடன் ஊறிய பாசுமதி அரிசி, தயிர், உப்பு சேர்த்து நன்கு கலந்து குக்கரை மூடி 2 விசில் விட்டு சிம்மில் 10 நிமிடம் வைத்து அணைக்கவும்.

விசில் போனவுடன் குக்கர் மூடியை திறந்து பொரித்து வைத்துள்ள பன்னீர், சிறிது கொத்தமல்லி தழை சேர்த்து நன்றாக கிளறி பரிமாறவும்.

சுவையான பன்னீர் வெஜிடபிள் பிரியாணி ரெடி.

- இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.