search icon
என் மலர்tooltip icon

    லைஃப்ஸ்டைல்

    இட்லிக்கு சூப்பரான மட்டன் குடல் குழம்பு
    X

    இட்லிக்கு சூப்பரான மட்டன் குடல் குழம்பு

    சூடான சாதம், இட்லி, தோசைக்கு தொட்டு கொள்ள அருமையான மட்டன் குடல் குழம்பை செய்வது எப்படி என்று விரிவாக பார்க்கலாம்.
    தேவையான பொருட்கள் :

    ஆட்டு குடல் - முக்கால் கிலோ
    வெங்காயம் - 4
    தக்காளி - 4
    தேங்காய் - ஒரு மூடி அரைத்தது (கசகசாவுடன் )
    இஞ்சி பூண்டு விழுது - 2 ஸ்பூன்
    பட்டை, கிராம்பு, சோம்பு, கசகசா - கொஞ்சம்
    மிளகாய்த்தூள் - தேவையான அளவு
    மல்லித்தூள் - ஒரு ஸ்பூன்
    கரம் மசாலா - ஒரு சிட்டிகை
    உப்பு - தேவையான அளவு
    எண்ணெய் - தேவையான அளவு
    கொத்தமல்லி, புதினா - தேவையான அளவு



    செய்முறை :

    வெங்காயம், தக்காளியை பொடியாக நறுக்கி கொள்ளவும்.

    ஆட்டுக்குடலை நன்றாக சுத்தம் செய்து கொள்ள வேண்டும்.

    குக்கரில் கொஞ்சம் எண்ணெய் விட்டு பட்டை, கிராம்பு, சோம்பு, மஞ்சள் தூள் சிறிது போட்டு குடலுடன் கொஞ்சம் உப்பு சேர்த்து வேக வைத்து கொள்ள வேண்டும்.

    வாணலியில் எண்ணெய் ஊற்றி (கொஞ்சம் தாராளமாக ) பட்டை, கிராம்பு, சோம்பு போட்டு தாளித்த பின் நறுக்கிய வெங்காயத்தை போட்டு வதக்கி கொள்ளவும்.
    வெங்காயம் பொன்னிறமாக வதங்கியதும் இஞ்சி பூண்டு விழுதை போட்டு நன்கு வதக்கவும்.

    அடுத்து அதில் தக்காளி சேர்த்து மைய வதக்கவும்.

    இப்பொழுது மிளகாய் தூள், மல்லித்தூள், தேவையான அளவு உப்பு சேர்க்கவும்.

    அடுத்து வேக வைத்த குடலை போடவும்.

    நன்றாக கொதி வரும் போது அதில் அரைத்து வைத்த தேங்காய் விழுதை சேர்த்து 10 நிமிடம் கொதிக்க விடவும்.

    ஓரங்களில் எண்ணெய் பிரிந்து தொக்கு பதம் வரும் போது கொத்தமல்லி, புதினா தழை தூவி இறக்கி பரிமாறலாம்.

    தோசை, இட்லிக்கு சரியான டிஷ் இந்த மட்டன் குடல் குழம்பு தான்.

    - இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.
    Next Story
    ×