சூப்பரான உருளைக்கிழங்கு உருண்டைக் குழம்பு

தேவையான பொருட்கள் :  

உருளைக்கிழங்கு - 2,
நல்லெண்ணெய் - 2 டீஸ்பூன்,
கடலைப்பருப்பு - 50 கிராம்,
துவரம்பருப்பு - ஒரு டேபிள்ஸ்பூன்,
தக்காளி - 1,
காய்ந்த மிளகாய் - 3,
பூண்டு - 5 பல்,
சின்னவெங்காயம் - 30 கிராம்,
புளி  - அரை எலுமிச்சை அளவு,  
பூண்டு - 1 டேபிள்ஸ்பூன்,
மஞ்சள்தூள் - சிறிதளவு,
சோம்பு - ஒரு டீஸ்பூன்,
மல்லித்தூள் (தனியாத்தூள்) - ஒரு டீஸ்பூன்,
மிளகாய்த்தூள் - ஒரு டீஸ்பூன்,
கறிவேப்பிலை - சிறிதளவு,
கொத்தமல்லித்தழை - சிறிதளவு,
உப்பு - தேவையான அளவு.



செய்முறை :

பூண்டு, சின்ன வெங்காயம், தக்காளியை பொடியாக நறுக்கி கொள்ளவும்.

புளியை நன்றாக கரைத்து கொள்ளவும்.

உருளைக்கிழங்கை தோல் நீக்கி சதுரமான துண்டுகளாக வெட்டிக்கொள்ளவும்.

கடலைப்பருப்பு, துவரம்பருப்பை நன்றாக கழுவி ஒரு மணி நேரம் ஊறவைத்து பிறகு பூண்டு, காய்ந்த மிளகாய், சோம்பு, கொத்தமல்லித்தழை, உப்பு சேர்த்து கொரகொரவென தண்ணீர் விடாமல் அரைத்து கொள்ளவும்.

அரைத்த மாவில் வெங்காயத்தைச் சேர்த்து சிறுசிறு உருண்டைகளாக பிடித்து வைக்கவும்.

வாணலியில் எண்ணெய்விட்டு நறுக்கிய வெங்காயத்தை சேர்த்து வதக்கவும்.

வெங்காயம் நன்றாக வதங்கியதும் தக்காளி, பூண்டு சேர்த்து வதக்கவும்.

அனைத்தும் நன்றாக வதங்கியதும் உருளைக்கிழங்கு, கறிவேப்பிலை சேர்த்து வதக்கவும்.

இத்துடன் மல்லித்தூள், மஞ்சள்தூள், மிளகாய்த்தூள் சேர்த்து வதக்கவும்.

சிறிது தண்ணீர்விட்டுக் கொதிக்கவிட்டு, உப்பு, கெட்டியாகக் கரைத்த புளித்தண்ணீர் சேர்த்துக் கொதிக்கவிடவும்.

கொதி வரும்போது 2 உருண்டைகளை உதிர்த்து குழம்பில் விடவும். மீதமுள்ள உருண்டையையும் குழம்பில் சேர்க்கவும். உருண்டைகள் வெந்ததும் இறக்கி பரிமாறவும்.

சூப்பரான உருளைக்கிழங்கு உருண்டைக் குழம்பு ரெடி.

- இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.