குழந்தைகளுக்கான குளுகுளு சாக்லேட் புட்டிங்

தேவையான பொருட்கள் :  

பால் - இரண்டரை கப்,
ஃப்ரெஷ் கிரீம் - முக்கால் கப்,
கார்ன் ஃப்ளார் (சோள மாவு) - கால் கப்,
சர்க்கரை - 1/3 கப்,
கோகோ பவுடர் - கால் கப்,
சாக்லேட் சிப்ஸ் - 1/3 கப்,
வெனிலா எசன்ஸ் - ஒன்றரை டீஸ்பூன்,

அலங்கரிக்க :

புதினா இலை, செர்ரி பழம், கோகோ பவுடர் - சிறிதளவு.



செய்முறை :

* ஒரு அடிகனமான பாத்திரத்தில் பால், கிரீம், சோள மாவு, சர்க்கரை, கோகோ பவுடர், சாக்லேட் சிப்ஸ், எசன்ஸ் சேர்த்து நன்கு கலக்கவும்.

* கலந்த கலவையை அடுப்பில் வைத்து அடுப்பை மிதமான தீயில் வைத்து கைவிடாமல் கிளறவும்.

* இந்தக் கலவை இட்லி மாவு பதத்துக்கு வரும் வரை கைவிடாமல் நன்கு கிளற வேண்டும்.

* இந்த கலவை நன்றாக ஆறியவுடன் கண்ணாடி டம்ளர்களில் ஊற்றி ஃப்ரிட்ஜில் இரண்டு மணி நேரம் வைத்து எடுக்கவும்.

* புட்டிங் நன்றாக செட் ஆனவுடன் அதன் மேலே கோகோ பவுடர், புதினா இலை, செர்ரி பழம் கொண்டு அலங்கரித்து பரிமாறவும்.

* சாக்லேட் புட்டிங் ரெடி.

குறிப்பு: பெரிய கண்ணாடி பவுலில் போட்டு ஃப்ரிட்ஜில் வைத்து, செட் ஆனவுடன் ஸ்பூனால் எடுத்தும் பரிமாறலாம்.

- இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.