சூப்பரான சைடு டிஷ் மட்டன் கிரீன் மசாலா

தேவையான பொருட்கள் :

மட்டன் - 1/2 கிலோ
புதினா - 1 கப்
இஞ்சி  - 1 இஞ்ச்
சீரகம் -  1 டீஸ்பூன்
இலவங்கப்பட்டை - 2 இஞ்ச்
வெங்காயம் - 3
உப்பு - சுவைக்கேற்ப
கொத்தமல்லி இலை - 2 கப்
பச்சை மிளகாய் - காரத்திற்கு தேவையான அளவு
பூண்டு - 6
கிராம்பு - 7
கசாகசா - 2 டீஸ்பூன்
துருவிய தேங்காய் - அரை கப்
தக்காளி - 1
எண்ணெய் - தேவையான அளவு
மஞ்சள்தூள் - 1/2 டீஸ்பூன்



செய்முறை :

* தக்காளி, வெங்காயத்தை பொடியாக நறுக்கி கொள்ளவும்.

* துருவிய தேங்காய், கொத்தமல்லி இலை, புதினா சீரகம், இலவங்கப்பட்டை, கிராம்பு, சீரகம், பூண்டு, மஞ்சள்தூள். பச்சை மிளகாய், இஞ்சி, கசகசா, சிறிதளவு தண்ணீர் ஊற்றி மிக்ஸியில் மைய அரைத்துக் கொள்ளவும்.

* அடுப்பில் குக்கரை வைத்து எண்ணெய் விட்டு காய்ந்ததும், வெங்காயத்தை போட்டு வதக்கவும்.

* வெங்காயம் நன்றாக வதங்கியதும் தக்காளியை போட்டு வதக்கவும்.

* இரண்டும் நன்றாக வதங்கியதும் அரைத்த பச்சை மசாலா, உப்பு சேர்த்து நன்றாக வதக்கவும்.

* அடுத்து அதில் மட்டன் சேர்த்து தேவையான அளவு தண்ணீர் சேர்த்து 5 விசில் விடவும்.

* விசில் போனவுடன் குக்கர் மூடியை திறந்து 5 நிமிடம் மிதமான தீயில் வைத்து கொத்தமல்லி இலையைத் தூவி விட்டு அடுப்பை அணைக்கவும்.

* சூப்பரான சைடு டிஷ் மட்டன் கிரீன் மசாலா ரெடி!

இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.