தேவையான பொருட்கள் : பெரிய மாங்காய் - 1
நல்லெண்ணெய் - கால் கப்
கடுகு - 1 டீஸ்பூன்
வெந்தயம் - 1/4 டீஸ்பூன்
மிளகாய் தூள் - 1 டீஸ்பூன்
பெருங்காயத்தூள் - 1/2 டீஸ்பூன்
உப்பு - தேவையான அளவு
செய்முறை : * மாங்காயின் தோலை எடுத்து விட்டு துருவிக் கொள்ளவும்.
* வெந்தயத்தை வெறும் கடாயில் போட்டு சிவக்க வறுத்து ஆறவைத்து மிக்சியில் போட்டு பொடித்து கொள்ளவும்.
* கடாயை அடுப்பில் வைத்து எண்ணெய் ஊற்றி சூடானதும் கடுகு போட்டு தாளித்த பின் துருவிய மாங்காயை சேர்த்து அடுப்பை மிதமான தீயில் வைத்து வதக்கவும்.
* அடுத்து அதில் உப்பு, மிளகாய் தூள், பெருங்காயத்தூள் சேர்க்கவும்.
* மாங்காயை பச்சை வாசனை போக வதக்கவும்.
* அடுத்து அதில் பொடித்த வெந்தயத்தைச் சேர்க்கவும்.
* மாங்காய் நன்கு தொக்கி வரும் போது தனியே ஒரு வாணலியில் 4 டீஸ்பூன் நல்லெண்ணையைக் கொதிக்க வைத்துத் தொக்குடன் சேர்க்கவும்.
* சூப்பரான மாங்காய் தொக்கு ரெடி.
* .மிகவும் ருசியான இந்த ஊறுகாய் தயிர்சாதம், பொங்கல் போன்ற உணவுகளுக்கு அருமையான இணை.
- இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள். 
