search icon
என் மலர்tooltip icon

    லைஃப்ஸ்டைல்

    தனியா சிக்கன் செய்வது எப்படி
    X

    தனியா சிக்கன் செய்வது எப்படி

    சிக்கன் குழம்பு வகைகளில் தனியா சிக்கன் வகை கொஞ்சம் புதுமையானது. அதிக சுவையானது. இந்த தனியா சிக்கனை எப்படி செய்வது என்று பார்க்கலாம்.
    தேவையான பொருட்கள் :

    சிக்கன் - 1 கிலோ
    கொத்தமல்லி இலை - 2 கட்டு
    புதினா இலை - 1 கட்டு
    வெங்காயம் - 3
    இஞ்சி, பூண்டு விழுது - 2 டீஸ்பூன்
    பச்சை மிளகாய் - 4
    தயிர் - 250 மில்லி லிட்டர்
    தனியா தூள் - 3 டீஸ்பூன்
    சீரகத்தூள் - 1 1/2 டீஸ்பூன்
    மிளகாய்த்தூள் - 1/2 டீஸ்பூன்
    உப்பு, எண்ணெய் - தேவைக்கேற்ப

    செய்முறை :

    * ப.மிளகாய், வெங்காயம், கொத்தமல்லி, புதினாவை பொடியாக நறுக்கி கொள்ளவும்.

    * சிக்கனை நன்றாக சுத்தம் செய்து ஒரு பாத்திரத்தில் போட்டு அதனுடன் தயிரில் பாதி அளவு, மிளகாய்த்தூள், உப்பு சேர்த்து கலந்து 30 நிமிடங்கள் ஊற வைக்கவும்.

    * கடாயை அடுப்பில் வைத்து எண்ணெய் ஊற்றி சூடானதும் பூண்டு, இஞ்சி விழுதை போட்டு வதக்கவும்.

    * அடுத்து அதில் வெங்காயம், பச்சைமிளகாயை போட்டு நன்றாக வதக்கிய பின்னம் சீரகம், தனியா தூள் சேர்த்து கிளறவும்.

    * அடுத்து சிக்கன் துண்டுகளை வடித்து கடாயில் சேர்த்து அதிக பட்ச தீயில் 5 நிமிடங்கள் வேக வைக்கவும்.

    * பின்னர் மீதமுள்ள தயிர், கொத்தமல்லி இலை, புதினாவை சேர்த்து அடுப்பை மிதமான தீயில் மூடி போட்டு வேகும் வரை வைக்கவும்.

    * வெந்ததும் இறக்கி பரிமாறவும்.

    * இப்போது சூடான தனியா சிக்கன் ரெடி.

    * இந்த தனியா சிக்கன் சப்பாத்தி, இட்லி, தோசைக்கு தொட்டு கொள்ள சூப்பராக இருக்கும்.

    இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.
    Next Story
    ×