செட்டிநாடு ஸ்டைல் உருளைக்கிழங்கு வறுவல்

தேவையான பொருட்கள் :

குட்டி உருளைக்கிழங்கு - 15
வரமிளகாய் - 5
கொத்துமல்லி விதை/தனியா -1 டீஸ்பூன்
சீரகம் - 1 டீஸ்பூன்
கடுகு - 1/4 டீஸ்பூன்
மஞ்சள்தூள் - 1/8 டீஸ்பூன்
எண்ணெய் - 1 டேபிள்ஸ்பூன்
உப்பு

செய்முறை :

* உருளைக்கிழங்கை வேகவைத்து தோலுரிக்கவும். உருளைக்கிழங்கில் முட்கரண்டியால் ஆங்காங்கே குத்தி வைக்கவும்.

* வெறும் கடாயில் மல்லி, சீரகம், வரமிளகாயை போட்டு வாசனை வரும்வரை வறுத்து ஆறவைக்கவும். ஆறியதும் மிக்சியில் போட்டு கொரகொரப்பாக பொடித்துக்கொள்ளவும்.

* ஒரு கடாயை அடுப்பில் வைத்து எண்ணெய் ஊற்றி சூடானதும் கடுகு தாளித்து, மஞ்சள்தூள், உப்பு சேர்த்து வெந்த உருளைக்கிழங்குகளை சேர்க்கவும்.

* மிதமான தீயில் கிழங்கு பொன்னிறமாகும் வரை வறுக்கவும்.

* அடுத்து அதில் பொடித்து வைத்த பொடியைச் சேர்க்கவும். பொடி எல்லாக் உருளைக்கிழங்கிலும் படும்படி பிரட்டிவிட்டு சில நிமிடங்கள் அடுப்பில் வைத்திருந்து இறக்கவும்.

* ஈஸியான டேஸ்ட்டியான உருளைக்கிழங்கு வறுவல் ரெடி.

* எல்லா வகையான சாதங்களுடனும் பக்க உணவாகச் சாப்பிடலாம்.

- இதை படித்து செய்து சுவைத்து எப்படி இருந்தது என்று எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.